أسئلة تحتاج إجابات :: بموضوعية وبدون تجريح !! - أسئلة تحتاج إجابات :: بموضوعية وبدون تجريح !! - أسئلة تحتاج إجابات :: بموضوعية وبدون تجريح !! - أسئلة تحتاج إجابات :: بموضوعية وبدون تجريح !! - أسئلة تحتاج إجابات :: بموضوعية وبدون تجريح !!
من خلال مشاهدتي للوحدات في الايام السابقة وكوحداتي أجد أن هناك عدة أسئلة تخطر في بالي ( بتخليني احكي مع حالي)
1- أحمد ابو كبير
هذا اللاعب مع المنشية الموسم الماضي كان الورقة الرابحة وكان يفتح شوارع رايح جاي مع كل الافرقة ، هل من المعقول إني ما أستفيد منه غير كمن دقيقة ببعض المباريات بحجة عدم الانسجام ؟!
2- عمر طه والباشا
صدقا أظن انهم الى جانب طارق خطاب هم ابرز قلوب دفاع في الاردن في الوقت الحالي معقول نقعدهم عالاحتياط لأسباب مش معروفة كمان ؟!
3- شو ممكن أفهم من وجود اربعة حراس في النادي عنا ، مش المفروض الادارة تعمل اعارة لواحد منهم عالأقل حتى نحافظ عليهم وما يخسروا جدواهم ولياقتهم ، ليش ما كان في قعدة صراحة مع قنديل وشرح له انه احترافه واعارته لاي نادي ما الها اي دخل بالانتماء لانه احنا عارفين شو قنديل !!
4- الحاج مالك اتوقع التعامل معاه والتدرج في اشراكه جيد لكن كيف ممكن يكون الوضع بعودة الصقر وبوجود بهاء الصاعد بقوة
5- عدوس ان شاء الله يقوم بالسلامة ولوقتها بنحكي
* اتوقع انه لزاما على الكابتن ابو زمع ايجاد الية لإشراك اللاعبين خصوصا انا جايين على بطولة اسيا القوية ومع الدوري والكأس
هناك فرصة لإشراك الجميع والأكفئ
احترم ابو زمع واحترم قراراته لكن صدقا نحتاج الى تبرير وتفصيل لماذا وكيف تم التعاقد مع كل محترف من المحترفين الموجودين على الدكة وحتى في الملعب
حق مشروع لجمهور المارد الاخضر بالسؤال عن كيف ولماذا .. والكابتن ابوزمع من ابن النادي علينا النقاش بطريقه حضارية بعيدا عن التجريح للوصول لنتيجة تخدم نادينا العظيم .. تحياتي
--- ابو كبير كانت الحجة بالبداية انه احتاج لفترة راحة لانه عمل عملية لينسيز لعينيه
مع اني عملت العملية نفسها بربع ساعة وبتحتاج لراحة لمدة يوم واحد فقط بعيد عن الشمس
مع العلم انه حاليا هو اللاعب الاكثر مهارة في البلد مع مصعب اللحام
--- النقطة الثانية مهما اجتهدنا فجوابها عند ابو زمع فقط
الباشا لعب وتجرب لمباراة وحدة تقريبا وعمر 5 مباريات كاملة اسمه برا الكشف
اسال اللاعب بقولك والله ما في شي بيني ويبن الكابتن بس هاي رؤيته الفنية !!!
--- للاسف التفريط في حارس ممتاز اسمه شلبية بعد ما تم الاتفاق معه على مبلغ 25 الف بنهاية عقده ووافق وبعدين عرض نفس المبلغ على حماد الاسمر الي باعنا بيوم من الايام وهو حارس الوحدات الاساسي هديك الايام
ورجعوا عرضوا 15 الف على شلبية لمدة موسمين !!!
يعني زي الي بحلقوا للزلمة مع العلم انه شلبية اكثر من دافع عن ابو زمع بعد سلسلة الخسارات الموسم الماضي من الفيصلي والشباب وذات راس
--- الحاج مالك اقحامه بالمباريات لحد الان شيء ايجابي واللاعب مبين حركته خفيفة ومش ثقيل وعنده خيارات سواء تسديد مراوغة او كرات هوائية
الصبر عليه عالاقل كمان شهر وبعدها بنحكم
مع انه في نقطة لاحظتها انه لعيبتنا خصوصا ابو عمارة وبهاء حاولوا يحيدوه بأكثر من مشهد باخر مباراة وهاد شي صار عادة بالنادي والنا تاريخ فيه
المفروض من كل الاسماء ما شفنا ولا واحد
و الدليل طبخوا راسنا بالاحلال و التبديل و المحافظه على ابناء النادي
الله يسامحك يا طارق خطاب رحت و راحت فلوسك بالهواء
و كل اللي كنا بحاجته في الفريق 3 لاعبين فقط
قلب دفاع و مهاجهم صريح و مركز ما بسترجي اذكره بلاش يزعل عطوفته
اما الحراسه كلنا بنعرف انه حماد الاسمر قصة انتخابات جلبه للنادي
ابو زمع حيرت ألبي معاك و انا بداري وبخبي !!!!
ادارتنا للاسف من فشل الى فشل وطاروا فلوسك يا خطاب
لأ و بحكولك في خطه لتطوير النادي طيب من وين !!!
اجزم يا ابن دورا الاصيل انك تعرف اكثر مما نعرف !!!
كل الاحترام يا صديقي
--- ابو كبير كانت الحجة بالبداية انه احتاج لفترة راحة لانه عمل عملية لينسيز لعينيه
مع اني عملت العملية نفسها بربع ساعة وبتحتاج لراحة لمدة يوم واحد فقط بعيد عن الشمس
مع العلم انه حاليا هو اللاعب الاكثر مهارة في البلد مع مصعب اللحام
--- النقطة الثانية مهما اجتهدنا فجوابها عند ابو زمع فقط
الباشا لعب وتجرب لمباراة وحدة تقريبا وعمر 5 مباريات كاملة اسمه برا الكشف
اسال اللاعب بقولك والله ما في شي بيني ويبن الكابتن بس هاي رؤيته الفنية !!!
--- للاسف التفريط في حارس ممتاز اسمه شلبية بعد ما تم الاتفاق معه على مبلغ 25 الف بنهاية عقده ووافق وبعدين عرض نفس المبلغ على حماد الاسمر الي باعنا بيوم من الايام وهو حارس الوحدات الاساسي هديك الايام
ورجعوا عرضوا 15 الف على شلبية لمدة موسمين !!!
يعني زي الي بحلقوا للزلمة مع العلم انه شلبية اكثر من دافع عن ابو زمع بعد سلسلة الخسارات الموسم الماضي من الفيصلي والشباب وذات راس
--- الحاج مالك اقحامه بالمباريات لحد الان شيء ايجابي واللاعب مبين حركته خفيفة ومش ثقيل وعنده خيارات سواء تسديد مراوغة او كرات هوائية
الصبر عليه عالاقل كمان شهر وبعدها بنحكم
مع انه في نقطة لاحظتها انه لعيبتنا خصوصا ابو عمارة وبهاء حاولوا يحيدوه بأكثر من مشهد باخر مباراة وهاد شي صار عادة بالنادي والنا تاريخ فيه
اخي الكريم تحياتي الك مابدي تعتبر ردي هو رد رسمي ، ردي بعبر عني شخصيا
ابو كبير
ابو كبير لاعب وسط مهاري و ما في حد بينكر ذلك بس المشكلة في ابو كبير الوضع اختلف كثير كون كل الفرق كانت تلعب لعب مفتوح امام المنشية و كان بيجد المساحات و يعمل عجايب هسه كل الفرق بتلعب بطريقة مسكرة
الباشا لاعب ممتاز بجيد اللعب على الشمال و قلب الدفاع كمان بس تبقى هي نظرة المدرب
قنديل اجا عرض اخير من الحسين اربد الادارة وافقت على العرض و الجهاز الفني للفريق وافق هو رفض العرض
الحاج مالك لاعب مش سوبر ستار زي ما تتوقع بس لاعب بيفي في الغرض و راح تشوفة خلال الموسم
والله ثم والله ما بنيتي انو اطخ على اي حدا لا بصورة مباشرة ولا غير مباشرة
فقط بعض التساؤلات الي بتدور في العقل
خلينا نتفق على شغلة إنو محبتنا و أخوتنا فوق كل إشي وبعديها بنتناقش بأي إشي وبالأخير كل واحد بعبر عن وجهة نظره وكلنا مجبورين نحترم وجهات النظر مهما اختلفنا
بصراحه اسئله في مكانها و ليس في الطرح اي نوع من التجريح .
اولا بالنسبه للدفاع اصبح عندنا تخمه في القلب قد تؤدي الى عدم تجانس القلبين اذا استمر تغيير اللاعبين وهنا ممكن ان ابو زمع يقوم باعادة باسم فتحي لمركز الظهير الايسر فهو افضل من مطالقه في هذا المركز وثم يقوم بتثبيت قلبي دفاع البهداري والباشا مثلا او البهداري ومنذر رجا او اي اثنين حسب الجاهزيه والمستوى الفني وطبعا فراس على اليمين وان يبقى هذا الخط ثابتا لعده مباريات للوصول للانسجام المطلوب ويكون مطالقه بديل للظهيرين الايمن والايسر عند الحاجه اليه . ولي عوده ان شاء الله للحديث عن صراع الوسط والهجوم