احنا كجماهير في كل مباراة بنخسر أو بنتعادل بنقول بدنا نعطي المدرب فرصة ,,, يحرق حريش هالمدرب شو بده يتحمل تيتحمل ؟؟!!
يتحمل همالة لعيبة ؟؟!! والا يتحمل ضغط الجماهير ؟؟!! والا يتحمل الخنق الإداري ؟؟!! شو بده يتحمل هالمدرب ؟؟!!
محمد عمر لما انخنق طلع وردح للإدارة لما قال بكرة العيد ,,, أما عشان أبو زمع طلع في مباراة الرمثا وقال أنا بتحمل الخسارة ؟؟!! نعلق كل أخطائنا على شماعته ,,, والله حرام !!
الزلمة مسك فريق ماكل هوا ,,, فريق كولسات ,,, فريق بده يلعب على الواقف ,,, وحاول الزلمة يلاقي توليفة نقدر نحارب فيها ,,, مش بس نلعب ,,, خسر وتعادل وفاز ,,, طيب ما كل المدربين الي جبناهم خسروا وتعادلوا وفازوا ,,,
والله على قد ما اجا مدربين على الوحدات ما شفنا هجوم شرس على قد ما شفنا على عبد الله أبو زمع ,,, ما شفنا هجوم شرس على الي كان ييجي يدرب وهو ( مش صاحي ) على قد ما شفنا على عبد الله أبو زمع ,,, نرحم الزلمة شوي بس ,,,,
القصة وما فيها همالة إدارة ولعيبة بس ,,, والمفروض إذا عبد الله أبو زمع بده يظل ونتتوج في هذا الدوري ,,, يجيب معه ( عصاي ) والي ما بده يلعب صح يكسرها ع جنابه ,,, والله إشي بعل وبقهر يا خال
أشباه رجال و أشباه إداريين هم من يقودون النادي الآن
المصيبة أننا نعرف ذلك
و هم أيضاً يعرفون ذلك
و كل ما في الأمر
أنهم يعطون أنفسهم فرصة تلو أخرى
ليس للعودة بالوحدات إلى مكانته الطبيعية لا والله
و لكن فرص للضرب تحت الحزام فيما بينهم
"هالمرة تعشى فيا، بكرة رح أجهزله خازوق أتغدى فيه"
هذا هو نوع الفرص التي يبحث عنها إداريونا و هي التي يمنحونها لأنفسهم دون النظر للجرح البليغ الذي أحدثوه و لا زالوا يحدثونه في قلوب الجماهير
إن شاء الله يقلع ,,, وينقلع كمان يا صفوان ,,, يا رجل إحساس ما في ,,, بحكوا لك عبد الله أبو زمع عمل الوحدات حقل تجارب ؟؟!! والزلمة كثر الله خيره الي قبل المهمة وقاعد بحاول محاولات احنا كنا نطالب فيها ,,, حتى لو رضخ لبعض الأوامر الإدارية الفاشلة بس عمل جزء كبير من الي كنا نطالب فيه ,,,
بدنا إحلال وتبديل ,,, وقاعد بصير ,,, مع جزء من التدخلات الإدارية الفاشلة ؟؟!! نعم في تدخلات إدارية فاشلة وواضحة ,,, لكن هذا الكم من اللعيبة الي أدخلهم عبد الله أبو زمع على فريق عمرهم ما لعبوا فيه مع بعض ,,, وعمرهم ما قدموا مباريات الها وزنها مع بعض ,,, وأدوا أداء في بعض المباريات جيد نوعا ما ,,, قاعدين بنعلق الهم المشانق فيه ,,,, في فجوة كبيرة مبارح شفناها في الفريق ,,, اللعيبة مش قاعدين بفهموا على بعض ,,,
من وجهة نظري ,,, كان المفروض يصير كالتالي :
تعاقد الوحدات مع 4 لاعبين محترفين ,,, بمبالغ تصل إلى ربع مليون دولار ؟؟!!
خلل إداري اشترك فيه أبو زمع نعم ما بننكر هذا الشيء ؟؟!!
حبة حبة مع بعض ,,, ونبدأ بزعترة ,,, زعترة مطلب إداري قبل أن يكون مطلب فني ,,, وكان في عدة محاولات لاستقطابه وهو في أوج عطاؤه من قبل إدارة الوحدات ,,, فشلت هاي المحاولات ,,, ونجحت لما اللاعب لقي حاله ( آوت ) من ناحية التلميع الاحترافي ,,, فلقيناه في الوحدات ,,,
الصالحاني ؟؟!! التخلي عن شلباية خلل إداري ومطالبة أبو زمع في الصالحاني ترقيع ,,, يعني الي تخلى عن شلباية وكان المفروض يراضوه بمبلغ ويحافظوا عليه كمهاجم وما قدر يدفع ,,, بده يدفع لمهاجم ثاني مبلغ أكبر ؟؟؟ ما ظنيت ؟!؟! و ع قولة المثل ( يا مسترخص اللحم عند المرق تندم ) وهنا لا أنتقص من الصالحاني لكنه ليس بمركز يحتاجه الوحدات بالقدر الي محتاجين فيه مهاجم على سوية عالية ,,,
مراد اسماعيل ,,, ووترا ,,, ما عندي معلومات مين الي نسب فيهم ,,, وتحسب على أبو زمع من قبل الجماهير أنه ما بشارك مراد اسماعيل ,,, والزلمة على ما أظن أنه قاعد بغامر في الشباب وما بده يخسر الشباب ,,, الزلمة قاعد بحاول أنه ما يخسر الدوري وما يخسر الشباب ,,, واحنا بنعلق له المشانق ,,, مع عدم إنكاري لبعض أخطاء أبو زمع ,,, لكن هذه الأخطاء ما هي إلا نتيجة ( الي بحمل عشر بطيخات في ايد وحدة ) ,,,
والله يا خال الوحدات ضايع من 3 سنين وجر ,,, واحنا بس شاطرين نعلق المشانق للمدربين وبس ,,, نعم في مدربين كانوا أقل ما يمكن قوله عنهم فاشلين ,,, لكن في مدربين لو استمروا معنا من غير الأخطاء الإدارية الي قاعدة بتقتلنا لشفنا وحدات غير ,,, بس للأسف إداااااارة فااااااااشلة
نعيب على الادارة الفاشلة واحنا شغل طخ حكي يا ربي معقول فش زلم توقفهم عند حدهم اكبر قاعدة جماهيرية
للوحدات مش بس بالاردن يمكن باغلب الدول العربية ومش قادرين نشيل الفريق من هالكبوة مش قادرين نشيل هالادارة
من شروشها سامحوني بس هذا اللي صاير فينا راس مالهم اعتصام مفتوح بلا من شغل يومين وابو علامات النصر رح
يخلع من النادي جربو وانا معكم قلبا وقالبا
همسة اذا ما تحركنا من اليوم قبل بكرة الجورة رح تكبر والخوازيق رح تزيد
في محاولات على استحياء ,, وللأسف بعض الي بحاولوا ظاهرة صوتية ,,, وبعض الي بحاولوا أصحاب أجندات ,,, وبعض الي بحاولوا قلبهم على الوحدات ,,,, لو اجتمع الي بحاولوا على قلب رجل واحد والي ما بنشوف ولا ( هامل ) من هالهمل الموجودين ,,, بس الجماهير مش على قلب رجل واحد للأسف
في محاولات على استحياء ,, وللأسف بعض الي بحاولوا ظاهرة صوتية ,,, وبعض الي بحاولوا أصحاب أجندات ,,, وبعض الي بحاولوا قلبهم على الوحدات ,,,, لو اجتمع الي بحاولوا على قلب رجل واحد والي ما بنشوف ولا ( هامل ) من هالهمل الموجودين ,,, بس الجماهير مش على قلب رجل واحد للأسف
معنا هالحكي ما دام في كولسات من الجماهير مش بس من الادارة على الوحدات السلام يا عزيزي
واللي بيجلط انك بتحس الكل خايف ع الوحدات وبطلنا نعرف مين الصح ومين الغلط وكل من يغني على ليلاه
أشاطرك الرأي أخي أنس.. فالعلة والطامة الكبرى تكمن في نفسيات بعض رموز الإدارة التي تسعى أطرافها لتجيير بعض المنجزات لصالحها فكان التخبط والفردية في اتخاذ القرارات وبالتالي سقوط مدوٍ للفريق.
من اول خساره لنا مع الغريم حكينا ادارتنا بتلعب بالنار
وللاسف ادارتنا متخصصه في قهر الجماهير وعارفه انه احنا شغل فيس ومواقع
لا بنهش ولا بنش علشان هيك تتمادى بالطغيان
11 عضو بالنادي ولا واحد فيهم يصلح للوحدات
مهارات فردية عالية بنشوفها في الملعب يا مالك ,,, البشتاوي ,,, أبو عمارة ,,, حتى بهاء فيصل الصغير ,,, بلال قويدر ,,, والبقية المتبقية ,,, والله البشتاوي مبارح مسح الأرض فيهم بشكل فردي ,,, لكن اللعب الجماعي مفقوود في الملعب ,,, ما بتصور أبو زمع يشوف هذا الحكي في الحصص التدريبية ويسكت ,,, الي قاعدين بنشوفه في الملعب غير ,,, تفاهم لاعبين ما في ,,,
معنا هالحكي ما دام في كولسات من الجماهير مش بس من الادارة على الوحدات السلام يا عزيزي
واللي بيجلط انك بتحس الكل خايف ع الوحدات وبطلنا نعرف مين الصح ومين الغلط وكل من يغني على ليلاه
معنى هالحكي يا ريت ظليت أتابع الوحدات من بعيد لبعيد ,,, من غير ما أعرف أنه إله إدارة ,,, ولما يخسر الوحدات أو يتعادل ,,, ما أضغط حالي وأقعد أفكر شو السبب وليش هيك بصير ,,, بس في ظل الي قاعدين بنشوفه ,,, كل واحد برمي غلطه على الثاني ,,,