جريمة سويتها وانت صغير - جريمة سويتها وانت صغير - جريمة سويتها وانت صغير - جريمة سويتها وانت صغير - جريمة سويتها وانت صغير
أسعد الله أوقاتكم أعضاء نادي منتدى الوحدات الحلوين .. كالعادة انا شفت هاد الموضوع على منتدى تاني وحبيت انقله لكم لأنه عنجد عجبني، شي من المرح فقط لا غير
الموضوع مثل ما انتوا شايفين ..
جريمــه سويتها وأنتْ في طفولتك وأنتْ صغيــر
يعني مثلاً سرقتوا عيديه ، نتفتو شعر أخوانكم أو اولاد الخيران ، فلقتو رأس أحد بحجر أو بأي شي . أو أي شي عملتوا وانتو صغار ولغاية الآن ما حدا عارف حقيقة هذه الجريمة إلا أنت ... طبعاً وإحنا صغار ، يعني شقاوة صغار فقط
المهم أي نوع من الجرائم والمواقف الطريفه والمُضحكه في حياتك
وسأبدأ بنفسي
كنا نحن ومجموعة أولاد وبنات صغار نلعب بالفتيش إذا حدا بيتذكره أبو القرش طبعاً كنا نلعب بالحارة بعد الافطار في رمضان وكان لنا جار مغطي حوش البيت تبعه بشادر عشان ما ينكشف بيته للناس ... وكان أيامها طالع نوع فتيش (ألعاب نارية) جديدة بتيجي كبيرة ونوعيتها بتولع ونارها كبيره ولما ولعتها خفت منها ورميتها واجت على الشادر وولع الشادر وولعت دار جيرانا واجت الإطفائية ولولا ستر ربنا كان الوضع صار سيء بس الحمد لله اجت سليمة وانحرق الشادر بدون إصابات والحمد لله ..هاي الجريمة إلي انا عملتها ولكن بدون قصد .
مرة والدتي سافرت عالإمارات عند والدي زيارة
وضليت عن دار سيدي, هناك كانت ستي وعمي وعمتي ساكنين
عمتي كانت خاطبة جديد
فإنه كانت امي موصية عمتي تعطيني مصروف للمدرسة كل يوم
ما بعرف ليش ما كانت تعطيني, يمكن نسيت انها لازم تعطيني
فمرة روحت من المدرسة متأخر, وبهدلتني, كنت صف رابع وقتها
فإنه انا كنت صغير وما بتحمل, يعني بروح عالمدرسة بدون مصروف وكمان تبهدلني لإني اتأخرت شوي
فمرة كانت بالمطبخ وانا شفت الذبلة تبعتها والخاتم عطاولة حاطيتهم
الذبلة طعجبتها وحطيتها على حفة شباك والخاتم رميته من الشباك
بعديها انكشفت واكلت بهادل مرتبة