ليش اداره الموقع بتعمل هيك - ليش اداره الموقع بتعمل هيك - ليش اداره الموقع بتعمل هيك - ليش اداره الموقع بتعمل هيك - ليش اداره الموقع بتعمل هيك
في البدايه اسمحوا لي احكي باللهجه العجوريه الفصحى
بدكم الصراحه انا مرارتي فقعت من اداره الموقع لاسباب كثيره مش ذاكرها كلها هسه لاني ختيار مخرفن شوي بس على قد ما اتذكر بدي اطخ عليهم
اااولا انا بكتب موضوع له اول وما له اخر وبقعد وراء اللي اسمه لوحه المفاتيح بالساعتين والثلاثه وانا بتعب وبشقى وبكتب في الموضوع وفي الاخر بكون متجلي وبقول اعتمد الموضوع وبقعد استنى لما يوافقوا لي عليه وفي الاخر ما ببين وبطلع لي واحد من المشرفين وبقول تم دمجه مع موضوع اخر يتحدث في نفس النقطه طيب وتعبي وين راح الله لا يعطيهم العافيه بس برجع للموضوع اللي اندمج بقول والله ما بلومهم لانه الموضوع نفس الموضوع اجا عضو ثاني وكتب في نفس الموضوع سنحه ماشي طنشنا هاي
مره ثانيه عشان اورجي المشرفين اني فطحل بكتب موضوع ثاني بطخ فيه على اداره النادي او احد اعضاءه بقوموا بشطبوه طيب ليش يعني هي الاداره فوق النقد طيب انا سمعت الخبر من واحد وحلف يمين انه هالحكي صار وواحد ثاني بكتب بطخ فيه على الاداره بوافقوا له عليه طيب ليش هالانحياز من المشرفين واداره الموقع برد اراجع نفسي بقول طيب اللي كتب النقد للاداره ووافقوا له عليه طول النهار في النادي وبعرف شغلات كثيره وعنده ادله وبراهين يمكن يقدر يدافع عن نفسه لو حد طعن في حكيه بس انا سمعت من فلان انه الحكي صحيح ولما اراجع نفسي بقول مليح اللي ما وافقوا لي عليه لانهم لو نزلوه وقام عضو الاداره برفع قضيه علي بجيب خميري يعني شو اقول للقاضي فلان قالي رايح يقولي ما دام فلان قالك ليش ما نزله باسمه
بعض احيان بتكبر في راسي وبقول بدي اطخ على اداره الموقع لانه في قرارات مش عاجبيتني يعني هم الوحيدين اللي قلبهم على الموقع طيب ما انا وحداتي كمان مثلي مثلهم ومش من حقهم يزاودوا علي لا انا الشغله الفلانيه مش عاجبيتني ولازم يغيروها بقوموا بحطوني في النظاره يا حبيبي هاي هي الديموقراطيه اللي بحكوا عنها
بس لما ارجع اقرا القوانين اللي قبلتها لما سجلت في الموقع بتكون من حقهم فعلا برجع بتعوذ من الشيطان وبقول يا عمي اداره الموقع لها الف سنه هون وبتعرف اكثر مني في مصلحه الموقع
بس بالرغم من انهم على حق بس بدي اظل اطخ
وخليهم يودوني على النظاره
والله انا كمان ولعت بيني وبين الكبير ابو احمد زبديه
بس لما قرات الي انا كاتبه مره ثانيه حسيت انه اسلوبي استفزازي وزنخ شوي
الله يعطيهم العافيه مشرفينا مع انه في شغلات بتقهر بس هما العيون الساهره لحتى وصل منتدانا للي وصلله
والله يا ابو بكر انا بعرف شغل المشرفين والمعصب دايما حامل مفتاح النظاره ابو احمد الزبديه وبقول الله يعينهم لانه فعلا ارهاق وتعب وسهر ليالي وفي النهايه بقول الله يعطيهم العافيه
يا زلمة قلبت مخّي بطلت أجمع .ههههههه
انت مع ولا ضد ولا شو مش عارف أيَّةُ حاgة أنا ...هههههههههههه
بس بصراحة اسلوب ببين كيف اللي متأكد انه على صح وبزعل من ادارة الموقع بعرف انه كان على خطأ ..الا اذا بحب الطخ زيّك ههههههههه
يا زلمة قلبت مخّي بطلت أجمع .ههههههه
انت مع ولا ضد ولا شو مش عارف أيَّةُ حاgة أنا ...هههههههههههه
بس بصراحة اسلوب ببين كيف اللي متأكد انه على صح وبزعل من ادارة الموقع بعرف انه كان على خطأ ..الا اذا بحب الطخ زيّك ههههههههه
سلامه عقلك يا خوي
ما هو اكثر واحد كان يطخ على المشرفين انا واكثر واحد كنت حاب اقوم بانقلاب عليه واخذ مفتاح النظاره منه ابو احمد الزبديه واحطه جواها وارمي المفتاح في بير عميق بس لما اشوف تعبهم بشفق عليهم