والفطبل ،، أنا لحّقِت النوعيه اللي قبله وحسب الجيبه ( إذا كانت مليانه برايز من العيدية ) يا إما كنا نشتري الفطبل البلاستيك إذا كان الطفر ظارب أطنابه ، يا إما نشتري الفصبل الجلد الْمْحَزّز لما تكون الجيبه مزقططة ..
يا عمي هاظ البوط الصيني زهقت وانا بشوفو على رجلين المصاروة .. بس بحكو إلي كان يلبسو زمان كإنه كابتن ماجد زمانه .. ولا واحد بقدر يقطع الكرة منه .. صحيح هل الحكي ؟ في منه ؟ معقول بوووووط ميسي هيك .. مشان هيك هو مثل الكابتن ماجد
البوط الاقدم منه الصيني البلاستيك أبو أصابع أسود وعلى زنار أحمر كان يضارب على النوعية هاي
النوعية هاي التقليد ,,, الأصلي منها كان البوز تبعه أبيظ وبشوط حامي ,,, هاظ شكله ما بشوط حامي ومش سريع ,,, كان عندي بوط سريع
هههه الله يرحم أيام فطابل الأوفيشال ,,, لما ( يبعط لك اياه أبو أكرم والا أم سعيد ,,, هات ورقع ,,, )
طريقة ترقيع الفطبول كالتالي : بتقص لسان البوط الخربان الي شرى لك اياه أبوك قبل خمس أعياد ,,, ولازم يكون لسان البوط من النوعية البلاستيكية المرنة جدا ,,,
بعدين الفطبول لكل الحارة
أبو الليرة وخمسة وسبعين كرش هاظ الأصلي
مصروفك شلن ع المدرسة ,,, والسندويشة بكرشين ونص ,,, وكدامك خيارين ,,, يا بتحوش كرطة كرطة ,,, أو شلن على مدار أسبوع عشان تصير مساهم في الفطبول ويكون لك كلمة في الحارة وبتحكم عليه ,,, ههه أو بتكون كوي ومخاوي ع أولاد الحارة أنت الوحيد الي بتبطحهم كلهم ,,, بس حتى لو بكيت كوي ,,, ومش مساهم بتحس أنه ما الك كلمة وخلي كوتك تنفعك ^_^