عزيزي المسؤول عن القناة التجريبية: ما بتشوف اللي بنشوفوا مثلا؟؟!!
عزيزي المسؤول عن القناة التجريبية: ما بتشوف اللي بنشوفوا مثلا؟؟!! - عزيزي المسؤول عن القناة التجريبية: ما بتشوف اللي بنشوفوا مثلا؟؟!! - عزيزي المسؤول عن القناة التجريبية: ما بتشوف اللي بنشوفوا مثلا؟؟!! - عزيزي المسؤول عن القناة التجريبية: ما بتشوف اللي بنشوفوا مثلا؟؟!! - عزيزي المسؤول عن القناة التجريبية: ما بتشوف اللي بنشوفوا مثلا؟؟!!
السلام عليكم
بعترف اولا أني بدءت بكتابة الموضوع كرد في موضوع الاخ عمر غانم الساخر الهادف
اعتذار الى فيديو شارع القدادمة ....
المتعلق بنقد القناة التجريبية واللي مارقة جنب قناة رياضية
و انصح بقراءته لانه موضوع متعوب عليه بس عنوانه مش مساعده
و بدءت بكتابة ما يلي:
يا صديقي ليش ما أشرت الى موضوع اللباس الموحد؟؟!!
الشباب عاملين الي عليهم و شارين بولو شيرت ملًّتح الدزينة حقها 24 دينار
One size fits all
أنسى معلم المحليلين و خبراء التحكيم و الصورة و المخرج و الكميرات و الزوايا
و أنسى الجهبذ ابو المياديين -ابو شامة بخدو - العسل وانسى مسؤول الإضاءة
أنسى كل هدول و أنسى اللباس لأني بتخوت و ما بتفرق معي
بس انو ما احضر الشوت التاني للتسجيل و ما حدا يطلّ علينا و لا يخبرنا شو النظام لو حتى بكلمة او رسالة انو في امل مع الحياة
و إن الله مع الصابرين
بلشوا بجوال الفرق التانية و الفرص اللي مش خطيرة مع اعاداتهم طبعا قلنا
ولا الضآليين
و ضليت بعديها محووول أتابع افتتاح الالمبياد المفصوم بحكي هلاء برجعوا المبارة
و بسلخو بعدها اغنية لحمد
كتيييييير والله
أنا عمري ما انتقدت ولا عمري تطلبت أكثر من إني احضر المبارة
و الباقي ينحرق بجاز
هون قررت أني انزل ردي كموضوع عشان اذا ما وصلت رسالتي للمسؤول المعني راح افقع
حتى هذه اللحظة مش فاهم شو صار
جد الله يلعن ساعة الفساد اللي حطت الرجل الغير مناسب بالمكان اللي في تحكم برقاب الناس
لااااا و الأنأح من هدا كمان مسؤول الاستديو الكتكوت اللي حكى النتيجة قبل التسجيل
يا عمي الأمّوور افهم في ناس كتير و أنا منهم ما بتعرف تحضر المبارة و هي عارفة نتيجتها
ففيش داعي تشبح علينا و تحكيلنا النتيجة
اقسم بالله لما أجا البلنتي لحسن أني دعيت ما تيجي ... تخيلوا اعز كم الله شو بدعي بسري!!!
فنرجو منكم - باللغة العامية -انو بس حطوا المبارة و يخلف عليكم
و ما بدنا نعرف تعريف الفرصة الواعدة ...... مسامحينكم فيه دنيا و آخرة
و متأكد انو معظم الشباب هون مسامحة
بس حطوا المباراااااااااة داخليين عليكم و بكفي تخلف فضحتونا
همسة:
عزيزي المسؤول عن القناة التجريبية: ما بتشوف اللي بنشوفوا مثلا؟؟!!
وصلت؟
كلو كوم والمذيع لما يحكي يشوت كره وبدل رميه التماس رميه حره وبدل مايحكي هدف يحكي جوول اي والله المعيدي استحا يحكي الحكي وانفسي اعرف من وين صايدين المعلقين بجوز من الصحراء
حبيبي شايف وعارف وشعارهم هذا اللي عنا واللي مش عجبه يحضر على الجزيرة الرياضية ؟
- شو يعني تحضر مباراة مسجلة على الساعة 2 صباحا ونص المباراة مكسر الصورة فيها كيف هذا الفن بصير معهم انا مش عارف .
- شو يعني تحضر مباراة شوط واحد لمدة 45 دقيقة وبعدين تقعد 45 دقيقة ثانية تنتظر الشوط الثاني ويحطولك افتتاح الاولمبياد "مش لو كان حصري للجزيرة كان احسن" وبعدين بتتفاجىء انو المباراة بلشت من جديد بعد هيك ما بعرف شو صار بصراحة لاني فقعت ونمت .
- اين الاحتراف الذي وعد به المشاهد الاردني
- جميع مباريات الفيصلي بث
- المشكلة في التسجيل صور مكسرة اختصار لوقت المباراة .
- المعلق الجهبذ ماجد العدوان حسبي الله ونعم الوكيل .
- متى سنشاهد قناة زي العالم والناس
خليهم يشترولهم كمان سيارة او اثنين للبث احسن من الفضايح هاي
اليوم شفت قدري حسن
و سألته
ليش ما تم بث مباراة الوحدات
قال لاسباب امنيه
قلتله طيب ما انتو جبتوها تسجيل شو الفرق
قال انه على الهوى غير !!!
و سألته شو بالنسبه للشوط الثاني و توقيته و الصوره
قال انه الشوط الاول تم تسجيله و روحو الشريط على عمان بعد انتهائه مباشره
و صل بالسلامه عمان بعد الساعة وحده
و الشوط الثاني وصل بعد بساعتين
و بالنسبه للصوت و الصورة تم تسجيل الشوط الثاني
على شريط قديم منسوخ عليه و مستعمل كثير
( انا باعتقادي يمكن من ايام مسلسل ابو عواد )
و تم محاولة نسخه على شريط ثاني بس ما زبط
و يمكن قالولك الريحه ولا العدم
المباراه القادمه للوحدات و المنشيه
Live
و الغريم تسجيل
لاسبيل لمنافسة الجزيرة على الاطلاق الجزيرة محطة متكاملة فنيا ومهنيا وصاحبة انجازات
أما ما يسمى بالقناة التجريبية فهذه بحاجة لقرون من العمل الجاد كي تنافس ولن تنجح