شجن ... قصة قصيرة ... الوحدات و أنا - شجن ... قصة قصيرة ... الوحدات و أنا - شجن ... قصة قصيرة ... الوحدات و أنا - شجن ... قصة قصيرة ... الوحدات و أنا - شجن ... قصة قصيرة ... الوحدات و أنا
العنوان: عن العشق
الزمان: رمضان 1997
المكان: ستاد عمان
الحدث: مباراة الوحدات و الكرمل
الشخوص: أنا و حاتم و 50 ألف بني آدم
مشهد(1): على دوار المدينة و السير مسكّر
أنا: أبو الحُتم شدّ رجلك .... خَ نلحّق....
أبو الحتم: يا زلمة بشرفك ... ضايل 3 ساعات على الآذان ... و المباراة بعد الافطار ب 3 ساعات ...
و هيّ الاستاد ... على شو عم بتستعجلني؟!!!!
مشهد(2): على حفّة الصبة المايلة بدرجة 160 ... و لسّه ضايل سُوَر و شيك شبك .... و المباراة بلّشت ...
أنا: أسمع بشرفك تخليني اطلع على كتافك ... و بعديها بسحبك ... مش تتزحلق و تفلمنا ...
عوكش ما برجعنا فوق ... و هي الشيك وقع ... مش ضايل غير السور ...
أبو الحتم : أطلع ... ولا تنط إلا لتسحبني ...
"طبعاً على نظارته دعّست لعرفت اطلع و أسحبه... و المصيبة انه فردة بوطه فلتت منه و اضطر يسحب 10 عشان ترجعله"
مشهد (3): على ركبة و نص ... بين درجتين ... و حاتم عم بتكّ وجهه من الدعس
أبو الحتم: وكّ كان حضرناها عندي عالبرندة يا $$$$ .... و كان بلاها هالبهدلة ...
أنا: هسّه أنساني من الركبة اللي بنص ضهرك ... صرنا واصلين ... و هيو المحل عالي و كاشف ... خلّ نحضر
بقدونس... غندور ... أبو زمع .... عوينة .....
مشهد (4): الساعة مليون ... بنص الجبل اللي قبال الستاد ... السيارة عند السيفوي
ابو الحتم: أنا تيس اللي رديت عليك ... كان هسه قاعدين ... انا مش سايق ... سوق انت -و بزتّ المفتاح-
أنا: ليلة ليلة ليلة ....
أبو الحتم: أمّا ليلة يا سلام...
انتهى
أسئلة نقاشية اختيارية
١) وضّح السبب... 6 ساعات و ما خشوا الشباب ؟
٢) دور ابو زمع بهاي المباراة مع انه ما لعبها..؟!
٣) كم كان مجموع عقود اللاعبين بهذا الموسم؟!!
٤) كم واحد فينا عاش تجربة ابو الحتم..؟
يا الله على الذكريات و دوري و البقدونس,,,كانت الدنيا رمضان و كان عندي امتحان فاينل و ما صحللي اروح و ضليت ادرس جنب الشباك لبعد منتصف الليل بالرغم من الجو البارد يومها لحين عودة اصدقائي لأسألهم عن النتيجة.
ابو زمع وقف عند محل و اشترى كل البقدونس اللي عنده عشان يحتفلوا بكأس الدوري.
الله يرحم ايام الولاء و الانتماء
يا الله على الذكريات و دوري و البقدونس,,,كانت الدنيا رمضان و كان عندي امتحان فاينل و ما صحللي اروح و ضليت ادرس جنب الشباك لبعد منتصف الليل بالرغم من الجو البارد يومها لحين عودة اصدقائي لأسألهم عن النتيجة.
ابو زمع وقف عند محل و اشترى كل البقدونس اللي عنده عشان يحتفلوا بكأس الدوري.
الله يرحم ايام الولاء و الانتماء
ولاء و انتماء الجمهور باقي .... بس الدنيا اتغيرت
قلتلي جنب الشباك بتستنى النتيجة ... كان فتحت رابط و حضرتها تحت اللحاف ....
الله الله على جمهور الوحدات القديم الوفي
سقى الله على الزمان الجميل هاي المباراة الوحيدة التي حضرتها للمارد الاخضر التي انتهت بنتيجة 3/0 للوحدات ويومها ذهبت انا وصديقي لي وابن عمه الى الملعب بواسطة سيارة اجرى وعندما انتهت المباراة تم حجز الجمهور لمدة تزيد عن ساعة طبعا بدون اي سبب وقام الجمهور بفتح الابواب عنوه وكانت العودة الى المنزل مشياً على الاقدام .
وعلى الرغم من التعب والارهاق كانت ليله جميلة جدا
ولاء و انتماء الجمهور باقي .... بس الدنيا اتغيرت
قلتلي جنب الشباك بتستنى النتيجة ... كان فتحت رابط و حضرتها تحت اللحاف ....
الله الله على جمهور الوحدات القديم الوفي
شكرا للمرور الاخضر عشقي
ايامها اخي ما كان في نت ولا بطيخ....كنا لما بدنا نعرف النتيجة نستنى موجز الرياضة على الاذاعة الساعة 8 او اخبار الرياضة في نشرة الاخبار و اذا راحوا عليك بنضل على اعصابنا لثاني يوم عشان نروح عالدكانة و نتسلبط على صاحب الدكانة عشان نعرف النتيجة من الجريدة.
الله على هذيك الايام ما اروعها