احسن حل انو يكون في اغنيه تخص نادي الوحدات عن غيره من الانديه وتكون طويله واولها بتتوزع على الجماهير في الملعب مطبوعه على ورق وبتتوزع على الانترنت لحتى الكل يحفظها وبتصير كل المدرجات بتغني مع يعض اغنيه وحده وبصوت واحد زي جماهير النادي الاهلي المصري
حتى لو أحضرت 4 أطفال يشجعون الوحدات فإنهم قادرون على تنظيم أنفسهم طالما كان هدفهم واحد ،،، ولكن طالما أن أعضاء الرابطة يرتبطون بأشخاص اكثر من ارتباطهم بالنادي فمن المستحيل أن تستقيم أمور الرابطة ،،،
الاداره يجب عليها توفير اللازم للرابطه
فقد سمعنا تصريحات ابو سعدو انهم يتنقلون على حسابهم الخاص والاداره مقصره معهم
وطبعا اي واحد بعطيهم قرش اكيد بدو يجبرهم يهتفوله بالمقابل
يجب علينا كجماهير ان ندعمهم بموضوع المايك لانه صراحه الله يكون بعون ابو سعدو كيف بنبحش صوته كل مره
وجمهورنا اصلا نايم وبدو اللي يصحيه الزلمه بقعد ساعه وهو يجذب انتباهم وخصوصا بالثانيه بتلاقي من 5 واحد اللي برد عليه اذا مش من كل 20 و30
طبعا هم غير منظمين ايضا ولكن لنقل كلمه الحق ان الجميع يتحمل المسؤوليه وليس الرابطه
واسالوا الجرينز كم عانوا من امر عدم تعاون الجمهور معهم وهاهم علقوا مشاركاتهم لاشعار اخر لاجل السبب
على فكره الاثنين الف نفر من المنشيه كان صوتهم في بعض الاحيان يطغى على صوت جمهورنا وكان يطلع صوتنا بس لكي نقارهم ونسكتهم وليس للتشجيع من اجل التشجيع (اي ان الهتاف المنظم الجماعي كان ياتي جكر وهذه حقيقه )
بصراحة صحيح الرابطة غير مترابطة كاعضاء و هذا اللي شفته باخر مباراه مع المنشية كوني حضرتها بالاولى و شفت اكثر من عضو من الرابطة بيحكي سيبك من فلان و خليك معي و سيبك منه خليه يشجع لحاله لكن و للحق و كما قال الدكتور نادر فايضا الجمهور بكثير من الاحيان بيكون مخيب للامال من ناحية استمرارية التشجيع و من ناحية الانقياد خلف شخص واحد و الكل بده يطلع الاغنية اللي براسه و تتغنى خاوة . و كل اربعه جايين مع بعض بيصير بدهم كل دقيقة يطلعوا اغنية من عندهم على مزاجهم حتى لو الجمهور كان بيغني اغنية تانية .