ابو احمد مثل ما ودعت تلاقي ياخوي . وربي يوفقه وان شاء الله انه بكون عند حسن ظنك . الغربه للرجال واحنا شعب الجبارين احنا الشعب الي بطح الغربه . يارب يرجع دكتور قد الدنيا ونوكل مناسف وكنافه ورح نعلل 3 ايام ان شاء الله
ما شاء الله تبارك الله .. الله يبارك بشبابه ويرجعلنا دكتور كبير ..
مثل ما ودعت تلاقي يا ابو أحمد .. والله يعينكو ويعينه عهالاكمن سنة ..
تحضرني هذه الأغنية كلما سافرت من الأردن ..
تلاقي الخير يا غالي في اولادك وعيالك وحياتك .
أنا ، واحنا رايحين ع المطار كنت أدندن في قلبي :
على نار الشوق أنا ح استنّى .. وأصبّر قلبي واتمنّى
اقتباس:
المشاركة الأصلية كتبت بواسطة اشرف السعد
ابو احمد مثل ما ودعت تلاقي ياخوي . وربي يوفقه وان شاء الله انه بكون عند حسن ظنك . الغربه للرجال واحنا شعب الجبارين احنا الشعب الي بطح الغربه . يارب يرجع دكتور قد الدنيا ونوكل مناسف وكنافه ورح نعلل 3 ايام ان شاء الله
الله يسمع منّك ،
بتعرف عزيزي أشرف ؟.
والله ما وصّيتو ولا إشي ،
أبو عدي قبل السفر بيومين حكى معاه قدّي عشر مرات ..
أنا حكيتلو ثلاث أربع كلمات :
إحنا الفلسطينيه كل شي ضدنا في هالدنيا ،
حتى لما نوقع ، جكر بنوقع لفوق ، وما فيش إشي بكسرنا .
يا زلمه انت واياهم قلبتوها مناحه
هو اول وحد بتغرب
نخل يبطحكم
اقتباس:
المشاركة الأصلية كتبت بواسطة ابو عمار الجنيدي
والله يوم سقوط مبارك كان عمار في المطار وما في طيران يرجع فيه وامه عملت مناحه وانا بضحك
حكيتلها هذا شب لا تخافي عليه وكليها لربك
الله يفرّحك فيه يا ابو عمار ، وفيهم كلهم ..
ما شاء الله عنّو عمار ،
بسّ يوم سقوط مبارك باينّو كان سنة ثالثة أو رابعة .. يعني اندعك ، أحمد أطول مشوار راحو بحياتو كان ع العقبة ، وأنت قلتها : إمّو قلبتها مناحة ، أنا كلهم في الدار قلبوها مناحة ..