اذا اخوك بهاي الطريقه بحاور النادي والاداره فعلى الوحدات السلام ويكون بعلمك كل واحد شاف حاله على النادي طلع فالصو وبالاخر ندم وان شاء الله اخوك يكون اعقل منك على الاقل بحواره
يا حبوب كلهن مباراتين لعبهن اخوك مع الفريق الاول وامام افرقه واقعه وصرتوا شايفينه ميسي
جايينا مباريات ثقاله تنشوف شو بدو يعمل
وعلى فكره عوض راغب وجهاد عبدالمنعم بعز دين تالقهم ما لقيناهم بفكروا بعرض من عروض الوحدات واذا حضرتك وحضرته شايف انه اكبر من الوحدات خليه يوقع مع برشلونه على قده
ارجع يا حبيبي لكل مشاركاتي كيف كنت ادافع عن الشباب وعن اخوك بالذات رايح تعرف وجهة نظري الصحيحه بس مبين انت اللي جاي تهاوش وبس وتعمل لاخوك قيمه وهذا غلط فلعبه و تواضعه وتقديره للنادي هو من سيرفعه روح شو شو صار بعبدالله ذيب وبعدين اتكبروا على النادي اللي عمله
الاسلوب اللي بتستخدموه حضراتكم وحضرات بقيه اللاعبين لوي لايدين النادي والشباب لسا الطريق امامها ولسى ما بين خيرهم من شرهم وصاروا يتشرطوا
وبعيد مره ثانيه اذا اي لاعب حاب يطلع الله معه طلع رافت وما اثر فينا بدنا نصير نشد ونترجى لاعب كل اللي لعبهم يومين وصار بدو يفكر يوقع والا ما يوقع؟!!! والله هزلت الوحدات اكبر من الجميع واللي عاجبه يضل واللي مش عاجبه يشوفله فريق على مزاجه
تذهب وتندثر الاسماء ويبقى الوحدات شامخا
انت جاي تحكي عن اسلوبي يا زلمة
هههههههههههه
شوف انت كيف كان الحكي تبعك بالاول
بتحسس الواحد انو عدوك اللدود وانو انت محامي الدفاع للحقوق الانسانية في الوطن العربي
يا عمري ,, ما تقعد تحكي كلهن مبارتين , بس شاطرين بهالحكي على اساس انو لعب وصار بهالمبارتين لعيب وبعدين راح يبطل يعرف يلعب ولا يمسك كرة
بما انك بتعرف بالطابة وبتعرف مين بيلعب ومين ما بيعرف يلعب
راح تعرف شو هو منذر ,, وانت اسلوبك الي كان غلط , ولاحظ اني رديت عليك لحالك مع انو في كتاار حكو
وانا قبلت اي حكي انحكى الا الحكي تبعك لانو كان هجومي بشكل مش طبيعي صح ولا لأ
بعدين يا وحش جاي تحكي عن دكاترة وما دكاتره , يا حباب , محسسني انو طالب مليار ليرة مقدم عقد و8 ملايين راتب شهري , خف علينا ليفكرو انو نازل على طمع وانو هالمصاري راح تخليه ابن فرير ويصير من كبار رؤوس الاموال بالاردن .. ,, قال صار بدو يفكر ( انو الصغير بحياتنا ما الو اي قيمة وانو بكون ابن البطة السودا ) , انت شو الي مزعلك بالموضوع
اللاعب حر لو انو عمرو سنتين , ,,, اتقي الله وصليلك ركعتين وسكر عالموضوع وتمنى الو التوفيق بس
لانو راح يضل وحداتي وبيلعب للوحدات وبس
الاخوة الدكتور نادر وابو عمارة
يرجى الابتعاد عن هذا الاسلوب في الحوار وان لا نجعل المنتدى ساحة للمناكفات وان ننتقد بعيدا عن التجريح
منذر لاعب شاب اثبت وجوده وكفائته ومن حقه تأمين مستقبله وشخصيا متأكد من حبه وانتمائه للأخضر والاهم انه حتى اللحظة لم تتضح الامور ولم يصل الطرفين الى اتفاق نهائي حول عقد اللاعب ولنأخذ حسن النية دائما في حكمنا على اللاعبين بدلا من التشكيك بهم
وفي حال ورود اي تفاصيل جديدة حول هذا الموضوع سيتم طرحه من خلال اللجنة الاعلامية
مع امنياتنا بالتوفيق للرائع ابو عمارة