شو اخبار الجنرال ثلج ... اكو اوامر منه - شو اخبار الجنرال ثلج ... اكو اوامر منه - شو اخبار الجنرال ثلج ... اكو اوامر منه - شو اخبار الجنرال ثلج ... اكو اوامر منه - شو اخبار الجنرال ثلج ... اكو اوامر منه
السلام عليكم و رحمة الله و بركاته
شو اخبار الثلج حذاكم
ان شاء الله بمسك
سمعنا انه الجنرال ثلج سيقوم بجولة بالاردن الحبيبة
ارصاد جوية متخبطة توقعاتها بعيدة كل البعد عن الدقة
الناس ضلو سهراين الليلة يا ابو عمر على امل مشاهدة الزائر الابيض والله وكيلك يا دوب كلها امطار وليست بالشكل الذي كنا نتمناه
والحمد لله على كل شيء
هلا عم رامي
لا تذكرني بالارصاد الجوية الفاشلة
عملوا مرة في فلم هندي
اتذكر قبل 4 سنوات قالوا رح يجي ثلج و بلشوا تحذيرات
ومحسوبك قال فرصه
و اروح على الملكية و احجز و قالي تاع المكتب دير بالك احتمال المطار يسكر
المهم
اخذت اجازة و زميت حالي على المطار و زي الصغار طاير من الفرح بدي اشوف الثلج بعد غياب 5 سنوات
و بلشت الرحلة
و قربنا بعمان و احنا فوق الغيوم
و ما ان بدأت الطائرة بالاقتراب من الارض الا و هل اشي الاحمر ببين
قلت بجوز منطقة تعبانة
و بلشنا نهبط و ابدا ارض زيزيا تشع حمارا
و هبطت الطائرة و قلت بعقلي بجوز بعمان الغربية غير
مع اني من سكان القويسمة
المهم اجى اخوي على المطار و بقلوه وين الثلج يا ابو مهند
قال لي انت ما دريت
قلت له شو
قال اجى هوا غير شكل و هرب المنخفض
بالفعل لما طلعت بره المطار هوا بشيل شيل
المهم اكلت هوا بعمان و رجعت للخبر ماكل هوا حقيقي