ما راح أكتب بالعربية الفصيحة لأنه لغتي الفصحى بتصعب ع البعض أحياناً .... ولأجل هيك راح أكتب بالعامية الفصحى
قامت ثورة الياسمين في تونس ...
كلنا شفنا النتيجة هرب بن علي وأقام في أوتيل في جدة ... وطلع أحد الصحفيين على شاشة الجزيرة وحكا ... احنا بنتعهد للعالم إنكو ما تسمعو حسو بعد اليوم ...
مصر من أكتر من خمس سنين وهي بتقارع النظام حتى وصلت الأمور لأحداث الأيام الماضية في يوم الغضب المصري الرائع ...
الجزائر الشارع ملتهب ومصر على التغيير ...
اليمن من إفلاس النظام فيها ... قام علي عبد الصالح يحكي بلهجة تحذير إنه اليمن مش تونس ... علماً للي ما بعرف لا علي عبد الله الصالح ولا غيره ممكن يقدرو يتحكمو في المزاج اليمني الصعب جداً واللي فيه قدرة على التغيير أكثر من غيره برغم كل الجهود السعودية المضنية على إبقاء الوضع على ما هو عليه ...
لبنان ... قدرة الشارع اللبناني على اسقاط مشروع أمريكا في لبنان كانت فائقة برغم صبر الشارع اللبناني على الشي هاد لأكتر من أربع سنين .. إلا إنه في النهاية أسقط المشروع وعوم الأمور وببساطة خرجت الأمور عن سيطرة السفارة الأمريكية في بيروت... وسعد الحريري لحق بربعه بطريقة أو أخرى ...
العراق ... برغم الاحتلال وحكومات الاحتلال اللاشرعية ... المقاومة أثبتت قدرتها على التواصل برغم كل شائعات الترهيب اللي حاولتها أمريكا وأعوانها بتفجير الكنائس
نرجع لمصر برغم السلوك الأمريكي الواضح في تفجير الكنيسة في الاسكندرية إلا إنه هاد ما منع غضب الشارع المصري في الأيام الماضية ...
اللي مش فاهم إنه هاي مؤشرات حرية ... وللي بدوش يفهم ... وللي بدو يصادر من جيلنا أول طعم للحرية بندوقو ... ولكل واحد بنظر على المسألة على إنها مؤامرة بحب أحكيلك إنك يخي نكد بالوراثة ... ولو بعث المسيح عليه السلام في اللحظة هاي أخشى ما أخشاه إنك تقول مؤامرة أمريكية
فبالعربي الفصيح !!!!!!!!!!!!!!!!! وزي ما بحكوها ولاد المخيمات ع بلاطة !!!! يا أصحاب النكد بالوراثة " اطلعوا من راسي "
ههههههههههه
في زمان كان في حاكم ظالم
كل يوم يسأل الحاشية التابعة لنظامه عن الشعب
يردو عليه يا حاكمنا الشعب بشكي
الشعب تعبان
الشعب بحكي وبتذمر
والحاكم ما يسأل
بيوم سأل الحاكم عن الشعب ..... اجابه الشعب ساكت ... الشعب هادي
هون الحاكم خاف
حكى بعد هالسكوت اكيد في انتفاضة وخاف على حاله
الشعوب العربية نايمة الها زمان وبتتحمل وبتتحمل
واجى وقت بطلت تتحمل