شو اللي جابرك يا مسخمط يا مشحر يا..... ....!!! - شو اللي جابرك يا مسخمط يا مشحر يا..... ....!!! - شو اللي جابرك يا مسخمط يا مشحر يا..... ....!!! - شو اللي جابرك يا مسخمط يا مشحر يا..... ....!!! - شو اللي جابرك يا مسخمط يا مشحر يا..... ....!!!
.. فقرة فيها من الصواب الكثير وبها متناقضات الكثير والكثير معادلة فيزيائية رياضية مادية نفسية للمسخمطين ولا حلول لها حتى بتدخل انشتاين والمفتش كولومبو ولا كنان وحتى ابطال الخيال العلمي وكائنات الفضاء.......
طيب يا سيفو شو المقال :
المقال وبه العجب العجاب سيطرة الوحدات على غالبية اجزاء الدماغ صباحا شو في اخبار بتتصفح الوحدات نت يزيد حيرتك وبتصير تلاخم كمان هذا لست انت لوحدك تحت سيطرة كوكب الوحدات !!!
تحليل وانتقاد اعجاب وغضب من فلان وفلان حتى تصل الامور بالبعض معرفة تفاصيل جيران اللاعب واسم اولاد الحارة وحتى الوصول شو حلم اللاعب الفنان
ونرجع للمقال.
.. طيب يا مسخمط ما عليك قروض وكمبيالات واخر الشهر صاحب الدار قاعدلك على الباب واحيانا بصير من العيلة كمان وكهربتك بسلك من جارك ابو اوس يا طفران وخزانك بشرشرش مي مثل نقاط حبيبك الوحدات وابنك عطل عشان ما معك مصروف كمان !!
يعني البين طاسك وانت ملاحق الوحدات يا رجل ريح مخك وبلا رياضة وبلا همهما كمان.
يا مشحر وفوق كل هاظ كلهم بحاربوا بهاالوحدات تحكي عدوهم ولا سارق مصاريهم والعياذ بالله.
يا مسخمط قرشك اصرفوا على اولادك بلا تذاكر ومباريات
حتى يا هبيلة فوق همك وخسارة قرشك بشلحوك القشاط وهو اصلا مقطع وزي القلعاط وطول المباراة قشر البزر على رقبتك كمان وكل هجمة هذا اذا هاجموا بسحل بنطلونك وتظهر عورتك يا عيب العيب يا رجال.
يا زلمة اقعد والبد زي الحسين اربد او البقعة
الرياضة صارت واسطة ومحسوبية وزعرنة وجاهات وعبي وشوية بصير فيها سلاح .
يا مشحر شو ما عملت ودفعت وقدمت واعطيت وتعبت راح تظل انت اللي مخرب الدار.
المشكلة هالعقل مستعمر للوحدات وانا مهما قاومت هناك جزء من المخ جاسوس للدماغ.
.. اخوكم المسخمط الطفران
سيف نائل الحوراني
آخر مرة حضرت مباراة قبل الكورونا طلب مني القشاط والقداحة لفيت ظهري وحكيت للشرطي انا شخصيا ما عاش اللي يشلحني القشاط وانا بهالعمر ومسامحكم بالمباراة وما بدي احضرها
باختصار حضر ضابط مؤدب وابن ناس وقال اكيد ما منرضاها لك يا حجي تفضل ادخل بقشاطك حكيتله وبقداحتي جاوبني راعينا يا حجي قلت له يا عمو يلعن ابو مباراة كرة القدم اذا بدها تذلنا او تمس كرامتنا يا عمو انا غلطان اللي اجيت وبدي اروح بكرامتي وقداحتي... ضحك الضابط وقال والله لتفوت بقشاطك وقداحتك وكرامتك على راسي
تحية لهذا الضابط
ولكن من يومها انا حالف ما ادخل مباراة في الاردن
آخر مرة حضرت مباراة قبل الكورونا طلب مني القشاط والقداحة لفيت ظهري وحكيت للشرطي انا شخصيا ما عاش اللي يشلحني القشاط وانا بهالعمر ومسامحكم بالمباراة وما بدي احضرها
باختصار حضر ضابط مؤدب وابن ناس وقال اكيد ما منرضاها لك يا حجي تفضل ادخل بقشاطك حكيتله وبقداحتي جاوبني راعينا يا حجي قلت له يا عمو يلعن ابو مباراة كرة القدم اذا بدها تذلنا او تمس كرامتنا يا عمو انا غلطان اللي اجيت وبدي اروح بكرامتي وقداحتي... ضحك الضابط وقال والله لتفوت بقشاطك وقداحتك وكرامتك على راسي
تحية لهذا الضابط
ولكن من يومها انا حالف ما ادخل مباراة في الاردن
ههههه
ابو مهند الغالي صدقت نش لهدرجة. بدل ما تشوف المباراة عقلك ببنطلونك هه
نعم الكرامة لا تقسم.
وشكر لكل مخلص بهذا الوطن