الحجة ام عباس مشجعة كرة قدم !!!! - الحجة ام عباس مشجعة كرة قدم !!!! - الحجة ام عباس مشجعة كرة قدم !!!! - الحجة ام عباس مشجعة كرة قدم !!!! - الحجة ام عباس مشجعة كرة قدم !!!!
.. في منزل بسيط كما غالبية منازل المخيم تفترش ام عباس حرام صوف تألف من الوان لم تختارها ام عباس بل لضيق ذات اليد اختارت ان تكون من ضمن ما الصقت به .
.. وبعد ان جهزت البوشار بطنجرة اختفى لونها وفقدت احدى يديها واصبح السواد لونا لها وابريق من الشاي ذهب لونه مربوط بسلك ربط يستعمل للطوبار بدل اليد الاصلية وبجانبها تمغط (استلقى) الحج ابو العباس يحضن رغيف شراك ناوي يخلطه مع الشايات ... وامامه باكيت من الدخان امتلا بنوعيات كثيرة اخذها فرط من ابناؤه وبعض الجيران . تجهز الحج ابو عباس لمشاهدة ابنه البكر عباس في اول مباراة له على التلفاز !!!
.. لتبدأ المباراة وهذا ماكان !!!
.. الحجة ام عباس وعند دخول ابنها عباس للملعب قفزت احتضنت التلفزيون (التلفاز) وقبلته وقرأت بعض المعوذات . لتلتفت نحو الحج
شايف يا حج ما احلى كسمات عباس (الجسم) تبارك الله ولا هالشعرات الله يحميك يما يا عباس التلفزيون نور .
.. الحج ابو عباس بعد شفة ( أخذ) من سيجارة مش فارق معاه نوعها ياحجة سبحان الله نفسي وانا صغير ونفس الكسمات صح انا اصلع حاليا بس نفس شعراتي وانا شباب !!! ثم بسرعة التفت للتلفزيون اخ لو عباس هو اللي شات لأجت جون!!!
.. الحجة ما عجبها كلام الحج وتمتمت يا كشلي ( مليح مهو زي ابوه) وما كملت التمتمة رمت من ايدها حفنة من البوشار. الله على الظالم يا ابو صفيرة ( الحكم) جون يا حج على عباس واصحابه.
.. الحج صرخ من الالم الله يلعن ............ يا حجة حرقتيني بالشاي لما نطيتي انكب على كمبازي (لبس فلسطيني) الشاي.
.. الحجة سامحني ياحج مش قصدي خسر عباس وانحرق الحج وتوسخ الكمباز اه اه
الحج ابو عباس احكيلك ناولني هالعصا
الحجة اصبر شوية طبشوا اجر عباس !!!
يارب..... اللي عرقل عباس........ اخ يما يا عباس..... بتلوى من الوجع ..... قوم خذني ياحج اشوف عباس اه يمة شو عملك............ اخ
.. الحج هيو قام زي القرد يا حجة وهيو اسرع من الغزال !!!! صبي كاسة مي خليني ابرد من الحرق !!!
.. الحجة قفزت كانها صبية بنت 14 زغردت وازعجت الجيران جون يما يا عباس يا حبيبي يا عباس غزال اخ يما فرحت قلبي يا بطل!!
.. الحج بقوم بالعقال والله لولا العيب غير اخلي جنابك حمر!!!! هذا جول ثاني على فريق عباس .
يا حجة صمتي ( حرقت) وجهي وعيوني لزقت لما نطيتي طار ابريق الشاي بوجهي شو بنفعني فريق عباس هاتي هالفازلين ابرد خدودي الله يلعن عباس واللي خلفوه.
وبدي العن اليوم اللي جبنا التلفزيون وبالعصا شمط التلفزيون ما خلا فيه ولا شقفة صاغ .
.. الحجة من الصدمة سخسخت ( غابت عن الوعي) وزمر الاسعاف !!!
ولحتى الان الناس بتستنى بالحجة ام عباس .
ومازال الحج على باب البيت ينتظر طيف ام عباس
وعباس هاجر وترك الرياضة حتى ينسى اللي صار.
......... طبعا القصة من وحي الخيال .....
والله يخلي كل الامهات .