ناكر ونكير .............. كنا نسمع عنهم ... صرنا نشوفهم

[سيف الاخضر]

- - - -

اقتباس: المشاركة الأصلية كتبت بواسطة osadeq     نعم للاسف كلام صحيح

ممكن لكن اليعقوبي ضعيف لايصلح للوحدات

[سيف الاخضر]

- - - -

اقتباس: المشاركة الأصلية كتبت بواسطة Elayan     كل جمهور الوحدات بدون استثناء كان يمدح في اليعقوبي لقبل مباراةالسلط مش مباراة الكويت كمان لا قبل السلط و بعدها الكل قلب قلبه محترمه و شلو امله هاد اولا ... ثانيا بالنسبة لديمبا انا حد مقتنع انه هيئته مش هيئة لاعب بس احنا ما شوفناه و كل كل الي كانوا يتابعوا تحضيرات الفريق كانوا يحكوا انه جيد جدا و مع الوقت راح يكون ممتاز مش بس حكي المدرب !! القرشي جاب محترف ظهير يمين مشان يكسب القرشي لقدام و الدليل يوم الكويت نزله و لعبه جناح مع العلم اول مدرب بلعبه جناح مش ظهير !!! احمد الياس مجبر اخاك لا بطل لو ما في غيره شو يعمل !؟ جاب الدميري و سليم عبيد و شاءت الاقدار انه ما تزبط يلعب اي حد فيهم للاصابات او لحاجة الفريق الهم في مركز ثاني زي ما صار مع عبيد مع العلم اغلب الجمهور قايم قيامته لسليم من قبل السلط مع انه ما لعب بالمرة!! صالح لو لعبه مكان سعيد غير الكل يهاجم المدرب و اذا لعبه جناح الكل شال امله و اذا ريحه الكل بهاجمه و المدرب طاالب بجناح من اول ما وصل و ما حد جابله اي لاعب جناح و بلعب ضمن الموجود شو يعمل بدك تقولي انس !! انس كل ما يلعب الكل بحكي عنه اناني و كش لعيب و و و لما ما يلعب الكل بدو اياه !!! بالمناسبة بتحكي انه المدرب حرقه هو و احمد ثائر بالاياب مع العلم ما لعبنا الا مباراة وحدة بالاياب !!!!!!!! و بتناقض في حالك بتحكي انه الفريق ضعيف دفاعيا و بدنا مدافعين و الفريق لازم يأمن حاله دفاعيا اول شي و بعدها بتحكي ليش يجيب مدافعين و بدنا مهاجمين !!! لمتى بدنا نقتنع انه الفريق ما بطلعله يجيب الا 3 محترفين و التشكيلة الاساسية فقط 11 لاعب !! و اخر ملاحظة لو نلعب بالتشكيلة الي حاطها الا هي 4 مدافعين ولا واحد في مركزه عليم الله الموضوع الي راح ينكتب عن المدرب بعد المباراة راح يطلع اسوء دفاع لعبه و كيف ببدا في هيك دفاع و الكل يطالب بالهمامي و القرشي و قنديل و و !! اه و قبل ما انسى من كثر ما الجمهور كان يتغنى في تامر صالح في الذهاب و طالبوا يكون الحارس رقم واحد بالمنتخب في اسيا كنت مفكره كاسياس بعزه و هسه المسخم !!!

طيب ليش ماشي حسب اوامر الجمهور
دفاعنا سبب البلاء سبع شهور وهو نايم بالعسل ليش ما رممه
وهو المسؤول عن التعاقدات مع التونسي هداف الفريق بالعكس
ودمبا
صدقا ما بدها سحر ولكن اليعقوبي بحرب
احمد ثائر مرة نجم ومرة على المحرقة
العوضات مرة نجم وكمان مرة على المدرجات
مدرب صاحب شخصية ضعيفة

[Elayan]

- - - -

اقتباس: المشاركة الأصلية كتبت بواسطة سيف الاخضر     طيب ليش ماشي حسب اوامر الجمهور دفاعنا سبب البلاء سبع شهور وهو نايم بالعسل ليش ما رممه وهو المسؤول عن التعاقدات مع التونسي هداف الفريق بالعكس ودمبا صدقا ما بدها سحر ولكن اليعقوبي بحرب احمد ثائر مرة نجم ومرة على المحرقة العوضات مرة نجم وكمان مرة على المدرجات مدرب صاحب شخصية ضعيفة

للعلم احمد ثائر مش لاعب ناشئ لاعب عمره 21 سنة يعني اله 3 سنين مع الاول و ما حد لعبه و اعطاه حقه او اكتشفه الا اليعقوبي و مش معنى انه ريحه مباراة يعني حرقه !!
انس لاعب جيد لكن كل الموجودين افضل منه و الغلط مش في انه ما بلعب انس لا الغلط انه بلعب في صالح جناح شمال فقط لا غير ولا الدردور او حتى لو يبدا في الياس جناح افضل من انس ...
اما الدفاع راح يكون الاقوى خلال مبارتين على ابعد حد مع تأقلم اللاعبين

[رضوان الرضوان]

- - - -

انا برأيي نترك الخبز للخباز ...
هاي مسائل فنية بحتة ومن اختصاص المدير الفني ولا يجوز أن يتدخل الجمهور وانا شايف الجمهور نفسهم يحطوا خطة اللعب كمان ...
مسألة ثانية يا صديقي ليش احنا بنعتبر هالشي عناد ؟؟؟
هذه خيارات المدير الفني وله مطلق الحرية فيها وليس كما يقال عناد ..
خلينا نركز في تشجيع الفريق ومساندته وانا متأكد رح تكون الامور بخير وسيبقى الوحدات هو سيد الاندية بأذن الله

[سيف الاخضر]

- - - -

اقتباس: المشاركة الأصلية كتبت بواسطة Elayan     للعلم احمد ثائر مش لاعب ناشئ لاعب عمره 21 سنة يعني اله 3 سنين مع الاول و ما حد لعبه و اعطاه حقه او اكتشفه الا اليعقوبي و مش معنى انه ريحه مباراة يعني حرقه !! انس لاعب جيد لكن كل الموجودين افضل منه و الغلط مش في انه ما بلعب انس لا الغلط انه بلعب في صالح جناح شمال فقط لا غير ولا الدردور او حتى لو يبدا في الياس جناح افضل من انس ... اما الدفاع راح يكون الاقوى خلال مبارتين على ابعد حد مع تأقلم اللاعبين

هذا ما نتمناه

[سيف الاخضر]

- - - -

اقتباس: المشاركة الأصلية كتبت بواسطة رضوان الرضوان     انا برأيي نترك الخبز للخباز ... هاي مسائل فنية بحتة ومن اختصاص المدير الفني ولا يجوز أن يتدخل الجمهور وانا شايف الجمهور نفسهم يحطوا خطة اللعب كمان ... مسألة ثانية يا صديقي ليش احنا بنعتبر هالشي عناد ؟؟؟ هذه خيارات المدير الفني وله مطلق الحرية فيها وليس كما يقال عناد .. خلينا نركز في تشجيع الفريق ومساندته وانا متأكد رح تكون الامور بخير وسيبقى الوحدات هو سيد الاندية بأذن الله

ولكن ان كان الخبز محروق او مش صحيح لازم نتدخل
اما ان محترف لا احد سيتدخل

[أبو فايز]

- - - -

اقتباس: المشاركة الأصلية كتبت بواسطة سيف الاخضر     ولكن ان كان الخبز محروق او مش صحيح لازم نتدخل اما ان محترف لا احد سيتدخل

خف ع مدربنا من هون لآخر الدوري، شحذ الهمم أفضل من هدمها

مدربنا ممتاز ويعطيه العافية، وكذلك اللعيبة. احنا كل ما نمشي خطوة لقدام بنصير بدنا نرجع عشرة لورا؟!.. وليش التهجم على الشخصية ؟! فعلا غريب الموضوع والمحتوى

اخي، اذا بدك تصلح، تبدآش من عند اهم عنصر ممكن يضرك! المدرب مش برنامج ما يطلبه المشاهدون!
هي الانتخابات كمان شهرين، اجمع أصوات واعمل برنامج اصلاحي وانتخب من تحب.

[Hesham]

- - - -

اللي دمر الوحدات جمهوره
الكل منظر ومحلل’ نصف اعضاء المنتدى قلبوا ع اليعقوبي واولهم الاخ كاتب الموضوع
اتقوا الله في الوحدات

[سيف الاخضر]

- - - -

اقتباس: المشاركة الأصلية كتبت بواسطة Hesham     اللي دمر الوحدات جمهوره الكل منظر ومحلل’ نصف اعضاء المنتدى قلبوا ع اليعقوبي واولهم الاخ كاتب الموضوع اتقوا الله في الوحدات

يعني لولا كتابات الاخوة ونقدهم كان عمرنا ما شفنا الخير
الانتقاد لاجل الافضل يعني الباشا كان ثغرة وحمينا عنه
دفاع الوحدات الاضعف وحكينا عنه
ومدحنا الافضل
ولا نظل سحيجة افضل