السلام عليكم
اول اشي بحب احكي هارد لك للجميع
ثاني اشي بحياتي ما كنت المشجع الي بستغل خسارة فريقو عشان يبلش ينتقد بس بصراحة الموضوع زاد عن حدو اسألوني كيف 😴
طول عمرو الوحدات بس ينغلب بنزعل وبننقهر لأنو بكون فعلا بستاهل يفوز بس من فترة وجاي الوحدات بتعادل وبينغلب بدون ما تحس انو فريق بطل واتعرض لكبوة، وحتى لما يفوز احنا من جوانا مش مبسوطين بصراحة لأنو بطلنا نستاهل الفوز اداء سئ لاعبين ابسط ما يقال عنهم لا مباليين ادارة متخبطة جهاز فني ورا جهاز وكلهم الحمد لله اسوأ من بعض
راح ييجي واحد ويحكي اكرم سلمان مش سئ جابلنا رباعية قبل كم من سنة وأنا بحكيلة لأ الاسماء الي كانت تلعب لشعار النادي وكانت تعشق جماهيرو هي الي جابت الرباعية وأكبر دليل اليوم اكرم سلمان بتفرج على فهد اليوسف وهو ماسح فينا الارض من جهة النابغة فراس شلباية الي ابسط ما يقال عنو هذا اللاعب لازم يحترف ببرشلونة وهو قاعد بيتطلع طيب يا زلمة طلعو بدلو اعمل اي اشي والله انفتح فينا شوارع بسبب فراس وثاني اشي رجائي عايد ما شاء الله باصات بالملي باصات عالية المستوى قتالية بالدفاع طبعا هاظ الحكي على رجائي المنتخب مش رجائي الوحدات لو مدربنا صاحي والله ما بلعبو واخر اشي بهاء فيصل والحج مالك حدث لا حرج اثنين ضايعين والله مهم عارفين شو مركزهم.
لازم احنا كجماهير محبة لفريقنا ما نسكت وبدنا تفسير من ادارتنا على هالمهازل الي قاعدة بتصير يا زلمة هظول اللعيبة الي ما بيلعبو الى اذا حطيتلهم مصاري بعبهم بدناش اياهم كملولنا هالدوري بالشباب وترفعوش ضغطنا والله صرت اخذ حبة مميع قبل كل مباراة للوحدات .
ليش الفريق كان يقاتل مع ابو زمع
الخيل من الخيال وابو زمع جاب كل البطولات وما عجبنا
بلاش الإخوان اللي كانوا ساحلين ابو زمع يبلشوا طحن فيك ( أيام ابو زمع على كلامهم كنا نفوز بدعاء الوالدين وبدعاء الأرامل وضعف الفرق الأخرى ) هذه حجتهم الآن شكلوا دعاء الوالدين والأرامل تخصص ابو زمع فلا لعب ولا فوز والله يستر من تاليها.
والله يا اخوان ما هي مستاهله ليش انكد على حالنا ونزعل على ناس ما بتستاهل حضرتو مباراه الاهلي والهلال شوفو لعيبه الاهلي كيف بلعبو لأسم النادي والله معهم حق الاتحاد لما حلقو للدميري بس اشوفه بالملعب بتصيبني جلطه لسه الدوري ما فات
يا اخوان ليش كل هاظ الهجوم على الدميري والله شفتو احسن لاعب بالمباراة كان يركض ومحروق دمو مش عشان رفع طابة غلط صار مش منيح عنا ظهير تاني حتى الرفع مرفعش والدفاع ومدافعش وركض مركضش .