الإداري في الرمثا بدأ كلامه بأنه المهم انه فريق اردني اخد الدوري .... مش عارف هو كان المفروض فريق من الواق واق يوخد الدوري الأردني للمحترفين ولا ايش بالضبط !! ..ثانياً كل الحكي عتب على الوحدات و جمهوره ... بالرغم من اني ارفض بشكل قاطع موضوع السب لدرجة اني ممكن ازعل مني الشباب في هالموضوع إلا اني مستغرب انه ما جاب سيرة جمهورهم في الذهاب .......... هون مربط الفرس , انه ما في فريق ناوي يعترف انه إساءة الجمهور مشكلة في الملاعب الأردنية ... لا الرمثا ولا الفيصلي ولا الوحدات , والمشكلة في الإدارات اكثر منها في الجماهير لأنه للأسف في بالإدارات فئة بتكون راضية فعلاً عن سباب الجماهير بس بتسنكر من باب الدبلوماسية ( زي بان كي مون لما يبدي قلقه) ...