فكرت تعمل مشروع يدر دخل للنادي ...ما انت رئيس وحوليك ال 10 اشي محاسب واشي مدير واشي مش عارف شو .... شو استفدنا منك ومنهم؟
فكرت يا طارق تعقد جلسة للادارة تناقش موضوع الأجارات ...والا مالكش خص؟
فكرت يا طارق تشوف وين صارت لجنة التسويق اذا في لجنة وشو اعملتو للوحدات حتى تزيدو المداخيل؟
لكل اعضاء الادارة اتقوا الله في انفسكم وفي الوحدات
نادي تأسس سنة 1956 وبعدنا بندور على رواتب
خافوا الله ياناس
موضوع غمدان يارئيس نادي الوحدات ويا ادارة الوحدات عندكو جرأة تقولو للناس شو صار فيه؟
ياعالم اندية امبارح صارت صار عندها ملاعب ومقرات وبتجيب محترفين احسن منا واحنا صارلنا مليون سنة محلك سر!
بدناش جميلتكو وماتدفعو من جيابكو
بس بما انكو رضيتو لحالكو تكونو ادارة بدكو تشتغلو
واللي مابدو يشتغل الله معاه....احنا دايما بنقول للاعب اللي مابدو يلعب للوحدات الله معاه
والاداري اللي مش فاظي او ماعندو قدرة يشتغل ويعطي الله معاه. والف سلامة
انتو بس همكو أتحالف مع مين او اعمل كتلة واشطب مين
فكرتو شو بدكو تعملو او شو عملتو
حدا فيكو فكر شو عمل للنادي اللي هو فيه
والا بس مناصب وبس وفشخرة على حساب الوحدات
الصفقات الخسرانة اللي كل سنة بتبلونا فيها
فكرتو كيف تتلاشوها مستقبلا .....مستحيل ومتأكد ولا واحد كلف خاطرو يسأل أو يستفسر والدليل انو كل سنة لازم نوكل مقلب او مقلبين!
شو بتشتغلو اقسم بالله ماني عارف
بدناش جميلتك يا طارق...وبدناش جميلتكو كلكو
ماتدفعو شي من جيابكو .....والله لو الوحدات ماسكينه ناس غيركو لكان مثل يحتذى به مش ملطشة
مش عند التدريب بتستأجرو ملعب ... حرام عليكو
والله مابدنا جميلة حدا ولا بدنا حدا يدفع من جيبتو
مابتعرفو اسألو الناس ...مش غلط ....ومش عيب....الغلط والعيب انك تكون في مكان انت مش قدو.
وبرجع وبقول ياطارق وبشدد على طارق انت رئيس نادي الوحدات واصرارك على تجاهل مطالب الجماهير وعدم العمل بجدية لنادي الوحدات ولمستقبل نادي الوحدات يعني شيء واحد
ان الوحدات سلما تتخذه وقتما تشاء فان نجحت مرة لن تنجح مرة اخرى صدقني
لان جماهير الوحدات اوعى وقادرة على تمييز الغث من السمين
فانتبه
ولباقي العشرة
اللي شايفينو انكو بس بلشانين في بعضكو
بكفي قرفتونا.
حقيقة اخي ابو محمد وضع الوحدات اداريا يرثى له
وصدقت مقولة ان تسمع بالوحدات خير من ان تره ،،
على فكرة هذه مقولة كل من تعمق كثيرا في امور النادي من عشاقه
تحالفات - كولسات - جماعات ... الخ
وهنا أؤكد مقولة صديقي العزيز عضو منتدانا الغائب عاكف محافظة حينما قال يوما
" الوحدات مختطف " .. !!
صدقني يا ابو محمد
كنت من اشد المتفائلين بطارق بعد ما دمر النادي البياري وجماعته
طلع طارق ع نفس الموال
يعني ما هو نافع النادي بشلن
بل على العكس هو وبعض اعضاء النادي ما خذينه كوبري على قولة الاخوة المصريين
من الاخر الادارة ورئيسها
"كالمستجيرمن الرمضاء بالنار"
الله يخلصنا منهم جمعيا عن قريب
ويحمي الوحدات من امثالهم
ابو محمد انتا بتنفخ بقربه مخزوقه
ادارتنا نايمه بشهر العسل
والحق على بعض الاعضاء الغيورين مثل ابو انس زيد وغصاب ابو طارق ونتمنى منهم فضح ابو علامات النصر المزيفه
ابو محمد انا بحذرك انت هيك بتلعب بالنار لانك بتفضح الجميع و هسا بنصير احنا الفئه المندسه من الجمهور
فيجب ان يكون شعارنا للمرحله المقبله عاش الرئيس و جوز امي هو عمي
........................................ ...................
يارجل لو غمدان بحكي الا يقلك قرفت قد ما جبتو سيرتي طنيب على ولاياكم اعتقوني
........................................ .........................
يارجل لو المحلات بتحكي كان حكت عن الفساد و المحسوبيه و الي بمر من تحت الطوايل لبعض الناس
........................................ ......................
يارجل جماعتنا حالفين يمين عظيم يسلمو الدماغ مجلتن خوف ميدفعو بدل استعمال او تنزل قيمته
........................................ .....................
فكونا الواحد قرف و صار نفسه بناس تخاف على مصالح باقي العباد و الله لو فكرو بغيرهم من الجماهير التي تحرم نفسها من كل شئ ربع تفكيرهم بانفسهم لكنا من ابطال اسيا
........................................ ........................................ ..............
سامحونا اذا هزينا العرش العاجي بس الواحد عاف حاله من سماع نفس المواضيع