الأول يرتبط باللغة الانجليزية الي نفسي أحبها أو أستوعبها والقصة التالية رح تفرجيكم قديش كنت شاطرة بالانجليزي
بالصف العاشر قررت اني أجيب علامة منيحة بالانجليزي فاجيت على صاحبة الي اسمها ريما وقلتلها ريما بتفتحيلي الورقة قررت أغش ولازم أجيب علامة...طبعا البنت فتحتلي الورقة بالامتحان وبلشت أنا أنسخ
تاني يوم دخلت مدرسة الانجليزي الله يسهل عليها كانت من بيت القيسي...واول شغلة حكتها بس دخلت الصف ...حكت..حنان عز وريما عند اللوح
طبعاً طلعنا وبس وصلت اللوح قلتلها خير يا مس....حكت.. حنان وريما التنتين صفر بالامتحان لأنكم غاشين من بعض
طبعا أنا انقهرت قلتلها مس أنا ما غشيت
جاوبتني....انتي الذات بتخرسي لأنك ضايله تنسخي لحتى ناسخة اسم صاحبتك
كاينه كاتبة اسمها بالانجليزي الله يسامحها بس