يا اخوان نفسي افهم شغلة وحدة بس ابتدت المباراة وجبنا جوووووول حلو الكلام وفرحنا وبعدين ناساف جاب التعادل اوكي طيب اللي جنني ليش بعد ما جاب ناساف الجول ما عوضنا ولعبنا ليش لاعبينا وقفوا وكأنوا سحر ناسافي صابهم ولا واحد فيهم لعب بشلن ليش مع انه كان في وقت نعوض ونفوز كمان بس للاسف ما بعرف شو صابهم
سوال بدي اساله للجميع ولا تحكولي الجمهور السبب ... الجمهور اللي بالملعب من الصبح بدل ما نشكرهم نلومهم علشان طلعوا عن طورهم شوي
الله يعينهم كانوا ينتظروا اللحظة هاي على احر من الجمر
اخي الكريم الوحدات بعد ما سجل الهدف الاعبين كلهم ناموا و رجعوا دفاع كأنه ضايل 5 دقايق للمباراة و كأنه هذا الهدف بيكفي للتأهل........حسبي الله و نعم الوكيل
في مباراة الكويت الكويتي وأربيل العراقي تقدم أربيل 2 - 1 وكان يكفيه هدف واحد ليتأهل ، انظر الفرق الان .... شخص خارق أتى من بعيد أتى من المخيم ... مخيّم الوحدات ليقلب الطاولة على فريق أربيل ويعطي بطاقة التأهل للكويت الكويتي ، فقط نظرات قليلة قد تحدث الفارق من ابن المخيّم ، لأنه يلعب كقائد ميداني لا يرضى بالهزيمة .
عرفت الفارق وين أخي العزيز .. كنا بحاجة الى قائد ميداني يرفع من معنويات الفريق والجماهير بس لأنه ما في هيك حكي عنا فتشتت الفريق بكل سهول وهاي أخي من أبجديات الكرة والحروب ..!!!!
لازم يكون في كابتن داخل الملعب يشجع اللاعبين ويحفزهم بس احنا استسلمنا ....لانو الفكر تبع اللعيبة مش احترافي واستسلامي ومنهزم.....شوفو الدوري الالماني بكونو خسرانين 3-0 وبنزلوا في الشوط الثاني بلعبو بكل قوة اي نعم خسرانين بس نخسر بشرف ونقدم افضل ما لدينا في الملعب الكل بحترمنا والكل بصفقلنا....في فرق انك تكون مستسلم بالكامل وفي فرق ما انك تكون مستسلم بس بتلعب حفاظا على سمعتك وسمعة النادي....
انا بحكيلك ليش لاني انا حسيت احساس بالمباراه يمكن يكون اللاعبين حسو فيه
يعني كانها مباراة ملاكمه ضليت طول ساعه تحاول تضرب بالخصم ومش مأثر فيه حتى اجى هدف من كره ثابته
وبعدين نفخ عليك نفخه اجت قاضيه
طبعا الملاكمه قوه وكرة القدم تكتيك وقوه ومهاره واسلوب لعب كان الاوزبك افضل منا في كل شيء