مو ضروري نعرف كل صغيرة وكبيرة
بس في مؤشرات ولو كانت صغيرة
بتوصلنا للصح .. أو للحقيقة بمعنى آخر !!
الإدارة بتشتغل صح ولا مو صح
مو مشكلتنا مشكلة الإدارة
لأنه بالآخر إذا ما شفنا الفريق الأول
ماشي صح .. راح تقلب القصة ع راس الإدارة !!
تماماً متل ما مدحنا إدارة " طارق خوري" لما جبنا الرباعية الأولى
ومدحنا إدارته لما جبنا الرباعية الثانية ..
راح نذم الإدارة الحالية إذا ما جبنا الرباعية الثالثة نهاية الموسم !!
يحترف رأفت ولا ما يحترف
شلباية وقع ولا ما وقع
و أي لاعب بده يوقع ولا ما بده يوقع
جايه عروض ولا ما حد بعرف عنه ..
مو مشكلتنا ..
اللي بده يوقع يوقع
واللي ما بده لا يوقع
واللي بده يحترف يحترف
واللي بده يعتزل يعتزل !!
بس بالآخر بدنا نشوف بالملعب 11 لاعب صح بيمثلوا الوحدات ..
وإذا لاعب قصّر راح ننتقده وما راح نرحمه !!
في مدرب ولا ما في
مفاوضات شغالة ولا موقفه
وقع مدرب سنة ولا عشرين
مو مشكلتنا ولا همنا ..
المهم اللي بده يدرب الوحدات
تكون عينه ع كل البطولات
من السوبر للآسيوية !!
في جهاز فني ولا لأ
في جهاز طبي ولا ما في
أكو معالج ولا مآكو
مو مشكلتنا ..
المهم بالآخر يكون الفريق كامل متكامل
وما ناقصه ولا شي نهائي ..
الوحدات بخير ولا مو بخير
هون بتصير مشكلتنا ..
لأنه الوحدات لازم يكون بخير
الوحدات هو همنا الوحيد
بغض النظر عن أي أسماء
مهما كانت ومين ما كانت
مو مشكلتنا ولا راح نسأل
إلا بالـ وحدات ..
لأنه إحنا بنروح ع الملعب ميشان نشجع الوحدات
وأول ما بنهتف بإسم الوحدات ..
ومحبتنا للإدارة , للأجهزة الفنية والطبية , للاعبين
هي من محبتنا بل عشقنا للوحدات ..
يعني الوحدات الكُل
والباقيين الجزء ..
يا إدارة
يا أجهزة فنية
يا أجهزة طبية
يا لاعبين
الوحدات
هو اللي صنع لكُم أسماء
وخلى الجمهور يهتف بإسمك
مين ما كنت تكون .. ع المدرجات
ويفاخر بإنك جزء من الوحدات ..
ولولا إقتران أسماؤكم بالوحدات
لن يكون لكُم ذِكرْ من جمهوره ..
جمهور الوحدات
مو جمهوركُم ..
اعلموا و اعوّا
تتساقط الأوراقـْ والوحدات باقْـ ..
وعليه فـاعملوا ليبقى الوحدات
زعيماً ..
وإلا لن يرحَمَكُم جمهوره
وستخرجون من أضيقْ الأبوابْ ..
كما هو " الجمهور" أدخلكُم اياها " كِبآراً " ..
الموج الأخضر ................ باق - الموج الأخضر ................ باق - الموج الأخضر ................ باق - الموج الأخضر ................ باق - الموج الأخضر ................ باق