مش عارف هو انا بحلم انه عنا مباراة بكره هي الاهم النا من ثلاث سنين والا الحقيقة ما عنا مباراة , شو الي بصير يا شباب وين راح الوحدات نت الي كان يقف مع الفريق ويدعمه قبل المباريات ومعقول عنا مباراة بكره ومواضيع الاستهزاء والهجوم على المدرب موجودة وشغالة وصار الي يدخل يفكر انه فيه اماني يخسر الوحدات عشان يروح المدرب , وين رحتوا يا وحداتية وكيف بتسمحوا يظل موضوع كله استهزاء وردود تهاجم المدرب الي عنده بكره اهم مباراة
الله يرحم تقارير قبل المباريات ورصد التدريبات وتصريحات اللاعبين واستقبالات الفريق الضيف وتحليل ما قبل المباريات ولكن كل هذا اختفى وصار الهم بس اهجم وحارب على المدرب وعلى الفريق , ويا عمي يمكن انا مش عاجبني الفريق بس واجبي هسه اكون معه وادعمه وهيك تعلمت وانا بتابع الوحدات نت دايما بس في اشي تغير وغلط الان
اللي بصير انه للاسف في اخوان بالمنتدى مع احترامي الها بدها اتضل تبكي وتشكي عشان خسرنا مباراة (بدهم فريق من المدينة الفاضلة لا بخسر ولا بغلط) ومش راضين يسكروا هالصفحة ما بعرف ليش .. لا وبلشت الامور تتطور بالمواضيع انه كيف اللعيبة بلشت تفرط وكيف العقود انتهت وكل اللي صار انتقال عدوس اللي ضرنا اكثر ما فادنا مع احترامي لشخصة وعنا شباب لعيبة بكفوا فريقين وموضوع الخوف من انتهاء العقود لا بوقتة ولا بمكانه الوحدات لعيبته بتكفي لو ما تعاقد....يعني بكرا مباراة مهمة جدا ومش شايف حدا بشحن الهمم يا خوفي اللعيبة تكون متأثرة من هالانتقادات اللي امتدت لاكثر من وقتها وحجمها
بعد الموضوع الامور زادت وشوفو موضوع استبعاد عدوس ووصلة الردح بقيادة نفس العضو ضد ابو زمع والفريق وعلى طريقة اقوى من الفيس بوك وعلى طريقة بتخلي الوحدات مصدوم ومسطوح لانه كنا نستنى دعم الفريق قبل مباراة بكره ولكن للاسف ما في غير الهجوم والاساءة وفي اصعب وقت وزمان وكنت استنى مع الناس اشوف صور تدريب الفيق امبارح واليوم واشوف تدريب الفريق الكويتي واشوفكم في اربد مع الفريق ولكن تغيرتو واحنا جمهور مخيم اربد استقبلنا الفريق وحضرنا التمرين والامور بخير وان شاء الله يفوز الوحدات وبعدها بهدلوا الي بدكم تبهدلوه ويا خسارة
أخي الكريم معك كل الحق لأن الرثائية الحالية لعدوس او حتى للخسارة أمام الفيصلي في نهائي الكأس لن تعود على الفريق بفائدة إن لم تحطم ما تبقى من المعنويات، نعم للكل الحق في ابداء الرأي ولكن ليس هذا وقته لا سيما وان الفريق مع كادره التدريبي في حالة استنفار قصوى لملاقاة القادسية الكويتي في لقاء صعب يطمح فيه هو الآخر لتجاوز عقبة الوحدات..
بالتوفيق للفريق الذي نحبه ونسير معه الوحدات في تقديم عرض كروي قوي مكلل بالفوز إن شاء الله
يعني لو وقفت مواضيع انتقاد ابوزمع برأيك الفريق رايح يتغير!!! أول مرة اشوف مدرب بتاثر بكلام المنتديات وعلى الفيسبوك بعمل بلوكات لمعارضيه... مدرب المواقع الاجتماعية