درس رقم -4- في صناعة الصور المتحركة - درس رقم -4- في صناعة الصور المتحركة - درس رقم -4- في صناعة الصور المتحركة - درس رقم -4- في صناعة الصور المتحركة - درس رقم -4- في صناعة الصور المتحركة
اليوم الدرس عن شغلتين :
1_ اداة التدرج
2_حركة ما بعرف اسمها بالعربي , بالفيديوهات اسمها طبقة الفا , بالفوتوشوب اسمها clipping mask , الاسم ما رح يفرق والمهم الفكرة ....
1_ التدرّج
اللي موجود بالصورة اللي فوق , تدرج ل4 الوان في لاير واحد , طبعا اله فوائد كثيييييييييييير بالفوتوشوب والتصاميم , وما رح نتعمق فيه الا بالفكرة الاساسية عشان نعرف شو التدرج وكيف ممكن يفيدنا بالصور المتحركة ...
كبداية لازم تعرف انك بتقدر تعمل تدرج باي عدد من الالوان وبنسب انت بتختارها , وفي طريقة مباشرة , بتعتمد على الالوان المستعمله , اللي بتكون على القائمة باليسار
احنا رح نطبق
تدرج بسيط وبطريقة مباشرة , بالبداية اضغط على حرف D من الكيبورد , ورح يصير عندك اللون الاساسي هو الاسوي والخلفي ابيض تماما مثل الصورة بالاعلى , بعدين بنختار اداة التدرج
واللي ما بتكون ظاهرة عنده شوف الصورة اللي تحت وبتعرف كيف تطلع معك
واذا بدك طريقة سهلة انك توصل للتدرج والدلو , اضغط على حرف G واذا كانت الاداة المختارة هي الدلو , اضغط على Shift + G بتتحول لاداة التدرج .
بعد اختيار التدرج , ستظهر لنا خيارات خاصة بالتدرج , رح نمر عليها بعد شوي , بس خلينا نكمّل صناعة تدرج مباشر ...
واذا بدك انت تحدد الوان التدرج بصورة شخصية , اضغط على التدرج نفسه مره واحده
وبيطلعلك مربع حوار جديد
اضغط بالماوس على اي مكان داخل الخط اللي جاي بالعرض
بيطلعلك مربع صغير داخل الخط
اضغط عليه بيطلعلك مربع اختيار اللون واختار اي لون بدك اياه
وبتقدر تضيف اي عدد من الالوان
نرجع لموضوعنا وهو الطريقة المباشرة . اضغط على حرف D من الكيبورد عشان نتأكد انه اللون الاساسي هو الاسود والثاني هو الابيض , واضغط على اداة التدرج , وافتح ملف جديد , واضغط بالماوس على اي مكان ووخليك ضاغط بالماوس واسحب لاي جهة ,انا سحبت من اليسار لليمين وهيك طلع معي
وفي اشي لازم ننتبهله , وهو الشكل اللي رح ياخده التدرّج , وبنقدر نختار شكل التدرج من
هيك بنكون عملنا تدرج بطريقة مباشرة ... اكثر اشي بهمنا بكل موضوع التدرج عشان الصور المتحركة, هو التدرج من لون الى شفافيه
يعني تدرج لون واحد بس , بيختفي اللون شوي شوي وبيعطينا بالاخر جانب شفاف
خلينا نجرب نشوف شو الفرق بين التدرج بلونين او اكثر والتدرج مع شفافية
اول اشي نعمل خلفية لونها مثلا احمر
ونحط عليها تدرج مباشر رح تطلع معنا ولا كانه الخلفية موجوده , رح نشوف التدرج بس
بس لو اخترنا تدرج من لون الى شفاف , مثلا من اسود الى شفاف رح يبين معنا
طيب شو بدنا نستفيد من كل هالقصة ؟؟؟ انت ولا يهمك
ضل جرب وافهم التدرّج منيح ورح تدعيلي لاحقا
خلينا نعمل اشي بحركة عشان نخلي الدرس احلى شوي
افتح ملف جديد باي قياس
اختار تدرج
واضغط على التدرج نفسه على اساس بدنا نغيّر اللون وشوف معي هالقصة
غيّر نوع التدرج من Solid الى Noise
خلينا نكتب اشي فوق اللاير , alweehdat.net مثلا ولون الخط مش مهم وبعد شوي رح تعرف ليش
بالنسبة للاخوان اللي بيكون عندهم صورة قفل صغيرة على الخلفية , بهذا التطبيق بدنا نشيل علامة القفل لانه بدنا نغيّر مكان اللاير , واللاير اللي عليه قفل معناه انك ما بتقدر تغيّر عليه ولما الفوتوشوب يعمل خلفيه لحاله دايما بيعطيها اسم background وبتكون مقفله
بنضغط دبل كليك على اللاير نفسه وبيطلعلنا مربع حوار بنعطيه اوكي
هيك اسم اللاير بيتغير وبتنزاح علامة القفل , اللي بدنا نعمله حاليا انه ننقل اللاير اللي كان خلفيه لفوق لاير الكتابة , بتمسك اللاير بالماوس وبتسحبه لفوق لاير الكتابة وبتترك الماوس
هون وصلنا لاحلى اشي , حط مؤشر الماوس بين اللايرين , واضغط على Alt بيصير شكل المؤشر زي الكرتين اللي داخلات ببعض
ولما نشوف المؤشر تغير شكله بنضغط بالماوس كلك وحده وبصير شكل اللاير هيك
والتصميم نفسه هيك صار
اللي صار انه احنا بنشوف اللاير اللي فوق داخل النص ... وهذا هو عمو clipping mask
برضه لسه ما عملنا تحريك
المفروض انه الكل حاليا يقدر يعمل الحركة
انا رح اعطيكم تلميح بس والحركة عليكم
عشان تعمل الحركة
جرب حرّك اي لاير من اللايرين اللي عندك لليمين او لليسار او لفوق او لتحت
ورح تطلع معك حركة
طبعا هناك عدد لا نهائي من الافكار اللي ممكن نطبقها , بس الاهم انه نستوعب التدرج والكليبينغ ماسك
بانتظار التطبيقات او الاستفسارات
درس رقم -4- في صناعة الصور المتحركة
