درس رقم -1- في صناعة الصور المتحركة - درس رقم -1- في صناعة الصور المتحركة - درس رقم -1- في صناعة الصور المتحركة - درس رقم -1- في صناعة الصور المتحركة - درس رقم -1- في صناعة الصور المتحركة
بسم الله الرحمن الرحيم
رح يكون في سلسلة دروس تعليمية لصناعة الصور المتحركة عن طريق الفوتوشوب , ودرس اليوم هو الاول , رح نعمل فيه صورة متحركة بسيطة جدا , ونشرح شوية اساسيات , وان شاء الله بعد عدة دروس , رح نوصل مع بعض لمرحلة منيحة ومتقدمة بصناعة الصور المتحركة ..
نبدا بالدرس الاول
افتح الفوتوشوب واعمل ملف جديد .. واعمل خلفية وفوقها 3 لايرات (طبقات) اللاير الاول اكتب فيه رقم 1 , اللاير الثاني اكتب فيه رقم 2 , اللاير الثالث اكتب فيه رقم 3 ... كما في الصورة :
بعدين بنروح على القائمة اللي فوق بالفوتوشوب , ومن قائمة windows بنختار animation
بطلعلنا الخط الزمني اللي رح نعمل الحركة عن طريقه
نروح نتعرف على الخيارات الاولية في الخط الزمني , تحت على اليسار في خيار :
كم مرة بدك الحركة اللي عملتها تتكرر ... فاذا بدك الحركة تنعمل مرة وحده بس وبعدها يتحول التصميم الى تصميم ثابت بنختار الحركة لمره واحده وهي خيار Once , واذا بدنا الحركة تتكرر 3 مرات وبعدين توقف بنختار 3 Times , واذا بدنا الحركة ما توقف نهائيا يعني تكرار دائم للحركة بنختار Forever .. وهاد النوع اللي رح نختاره للحركة البسيطة الي رح نشتغلها .. قم باختيار Forever (احسنت)
هيك عملنا انه الحركة رح تضل مستمره , طيب المربع اللي لحاله تحت , فوق كلمة forever على طول , هاد يا جماعة الخير اسمه frame فريم , وهو النقطة الاساسية بالتحريك , شوي شوي ورح نوصل لاشياء مهمه حول عمو الفريم , نرجع للدرس , تحت الفريم في رقم مكتوب بخط صغير , هاد الرقم معناه (طول المدة اللي رح يبقى فيها الفريم واضح على الشاشة) .. يعني ..
احنا رح نختار 0.1 من الثانية , يعني الفريم هاد رح ينعرض مدة 0.1 ثانية وبعدها رح ننتقل للفريم اللي بعده ...
الخيارات اللي عملناها حتى هذه اللحظة انه الحركة ما بتوقف وانه الفريم الاول مدة عرضه هي 0.1 ثانية .. كما بالصورة
نبدا بالتحريك .. خطوة مهمه جدا .. اضغط على الفريم الاول مره وحده بس , وبنروح عند اللايرات وبنخفيهم كلهم ما عدا لاير الخلفية
اللي احنا عملناه حتى هذه اللحظه : انه الفريم الاول ينعرض مدة 0.1 ثانية وما يعرضلنا الا الخلفية ... طيب السؤال القوي , كيف بدنا نعمل الحركة وما عنا الا فريم واحد !!
الحل انه نبدا بعمل فريمات جديده .. في خيار اسمه Duplicate selected frames .. بنضغط عليه وبيعطينا فريم جديد ... هون لازم ننتبه لاشي رح يريحنا لاحقا .. كلمة duplicate معناها "كرّر" يعني احنا بناخد الفريم مع كل اعداداته .. هاي خلوها ببالكم للدروس القادمة ..
وهيك بصير عنا فريمين
الحركة اللي رح نعملها بسيطة جدا , بدنا الارقام 1 2 3 تطلع عالشاشة رقم رقم وترجع تختفي .. فالطبيعي انه رقم 1 اول رقم نبدا نشوفه صح ؟ هون بنضغط على الفريم الثاني او بنختاره او بنفعله , المهم انه يكون الفريم الثاني هو المحدد , وبنعمل اظهار للاير اللي مكتوب فيه رقم 1
احنا اللي عملناه حتى هذه اللحظة : اول 0.1 ثانية رح تظهرلنا الخلفية بس , بعدها رح يظهر عنا الخلفية واللاير اللي فيه رقم 1 لمدة 0.1 ثانية ..
نكرر العملية , واحنا مفعلين الفريم الثاني بنعمل دبليكيت فريم , وبنضغط على الفريم الجديد (ورقمه فريم 3) وبنروح على اللايرات وبنظهر اللاير اللي جواه مكتوب رقم 2
بنكرر العملية , دبليكيت فريم وبنظهر اللاير اللي موجود فيه رقم 3
هيك احنا عملنا الحركة , حركة مدتها 0.4 ثانية وطريقة عرضها :
0.1 ثانية الخلفية تعرض اولا
ثم يتم عرض الخلفية ورقم 1 لمدة 0.1 ثانية
ثم يتم عرض الخلفية ورقم 1 ورقم 2 لمدة 0.1 ثانية
ثم يتم عرض الخلفية ورقم 1 ورقم 2 ورقم 3 لمدة 0.1 ثانية
ثم يبدا التكرار للحركة
عشان نشوف الحركة ونتأكد من شغلنا , في خيار اسمه Play animation , بنضغط عليه وبتبدا الحركة
هيك عملنا الحركة وضل انه نخزنها ... شوف الصورة
بتطلعلك شاشة جديده , من خلال هاي الشاشة بنقدر نعمل اشياء كثيييييييييييييير , بس ما رح نتناقش فيها لا حاليا ولا بعدين , اللي بهمنا انه نختار save
وبنخار images only ...
وبتعطيها اي اسم
والمفروض رح يكون التصميم زي هيك بالنهاية
--------
نهاية الدرس الاول
الملف خزنوه psd لانه باقي الدروس رح تكون على نفس الملف , واي استفسار مرحب فيه
ويا ريت لو نشوف تطبيقاتكم يا اخوان
اول اشي شكرا على التطبيق
ثاني اشي ليش ما بزبط ؟ شو اللي بصير بالزبط ؟
العفو مشرفنا الفاضل ..
ما بعرف شو المشكلة بالزبط .. بس لما أعمل خطوات الحفظ وأنتهي ..
و أرجع أفتح الصورة بتطلع الخلفية سوداء فقط .. ما بيظهر عليها الأحرف ..
فما بعرف ليه ؟؟ مع اني طبقت كل الخطوات الموجودة بالموضوع ..
المشاركة الأصلية كتبت بواسطة عاشقة المارد الأخضر شروق
العفو مشرفنا الفاضل ..
ما بعرف شو المشكلة بالزبط .. بس لما أعمل خطوات الحفظ وأنتهي ..
و أرجع أفتح الصورة بتطلع الخلفية سوداء فقط .. ما بيظهر عليها الأحرف ..
فما بعرف ليه ؟؟ مع اني طبقت كل الخطوات الموجودة بالموضوع ..
نزلت التطبيق تاعك وهيو تمام ما في اي اشي
جربي خزنيها مره ثانيه بنفس الطريقة
ولما بدك تشوفيها افتحيها عالاكسبلورر
ويا ريت لو نلتزم بالتطبيق نفسه بالزبط انه الصورة 1 2 3
لانه رح نكمل عليها باقي الدروس
المشاركة الأصلية كتبت بواسطة عاشقة المارد الأخضر شروق
العفو مشرفنا الفاضل ..
ما بعرف شو المشكلة بالزبط .. بس لما أعمل خطوات الحفظ وأنتهي ..
و أرجع أفتح الصورة بتطلع الخلفية سوداء فقط .. ما بيظهر عليها الأحرف ..
فما بعرف ليه ؟؟ مع اني طبقت كل الخطوات الموجودة بالموضوع ..
مرحبا شروق, عادي هاي بتصير
شوفي... لازم لما تعملي save 4 web and devices تكون صيغة الصورة gif واعتقد انك انتي مختاريتها jpg
ونوع صور jpg هو ثابت (فريم واحد) أما gif فهو يسمح بوجود فريم أو أكثر
درس رقم -1- في صناعة الصور المتحركة
