يوم الجمعة وأنا طالع من صلاة الجمعة وبقصد الذهاب الى الملعب وتفاجأت بمكالمة من امي الغالية تقول لي تعال بسرعة بنت اخوك وعمرها سنة ونصف وقعت على رأسها من الخلف وهي الآن في مستشفى الزرقاء الحكومي وبحالة غيبوبة تامة ,فاسرعت باتجاه المستشفى وبقيت مع بقية العائلة بمعيتها وكان ذلك من الساعة ال1.30 ولغاية الرابعة ولحين انتهااء موعد الزيارات وبلشت المباراة وصرت احضرها ومع كل هجمة افز زي الاسد باتجاه التلفزيون ومع فرصة البشتاوي كنت بدي اسلخ التلفزيون ومع الهدف الاول انط واقول بدنا نجلدكم ولو تشوف الهدف الثاني واقول هية هية هية هية جووووووووووووووووووووووووووووووووووووووو وووووووووووووووول ولو تشوف حالتي بالجول الثالث واحكي ما بدنا ثلاث بدنا خمستعش بدنا نتيجة ما صارت وما رديت عالحكم وننطيت عالجول الرابع .
وانتهت المباراة وصرت احكي يا حرام عليكم ماا خليتوا النتيجة سبعتعش وطلعت عالحارة شوي وفارد عضلاتي ومش شايف حدا قدامي وصرت اقول ما بدي اشوف حدا قدامي ولكم هذا الوحدات يا غشيمين ولكم هذا المارد الاخضر هذا هو الزعيم الاصلي ورجعت عالدار وبدي القناةة الرياضية تعيدها مرة ثانية
أي نعم والله يا لؤي ،، قال إيش !.. جول وِلّا مش جول ؟. قلنالهم جول ..
بس هاظ إيمتن ؟. بعد ما أعطيتهم ( العشرينتين ) راحوا يصرفوا وحده عشرتين .. رجعوا قال ما فيش فكّة .. الله يفك زردة ظهر اليهود !!..
كان عيد ميلادي .... كنت رافع شعار .... عيدنا يوم عودتنا و يوم الانتصار ع الفيصلي ... رفضت استقبال اي تهنئة او الرد عليها الا بعد ما خلصت المبارة .... تحقق الشرط الاول للأحتفال بعيدي هو الفوز ع الفيصلي و سأبقى انتظر الشرط الثاني وهو العودة .... اشتريت كنافة للأهلي و للجيران لأني كنت واعدهم ..... يومها من الفرحة ما نمت ..... هذيك الليلة كنت مثل الطفل , كل شوي اركض عند امي .... احكيلها لا شعورياً ( يسعد الله فااااااااااااااز الوحدات و ابوسها على خدها ) ................... يا الله شوووووو كنت خاايف قبل المبارة ...... الحمد الله ع الخير و الشر
الله عليك يا ساحوري .. كل عام وانت بخير .. والله يخليللك الحجه .. وان شاء الله سنعود ..
بعد المباراه لطعنا كنافه خشنه وناعمه عند إياد نزال .... لانه قبل المباره بيوم وبوجود أكثر من عشرة أشخاص بينهم لؤي الحمود سألوني عن توقعي ... فتوقعت إنطلاقه حقيقيه لفريقنا وفوز 3-0 والحمدلله كما توقعت وخسرنا إياد الكنافه هههههههه
الله عليك يا روحي .. يا ابو التوقعات انتا .. وصحتين وعافيه عالكنافه .. وصحه لباقي الشباب ..
اسمح لي أخي المواطن الكريم أرد على هالمشاركه لهالوحداتي المرّ ،، ومنها أحكيلك شو صار معي بعد المباراة ..
أولًا ، الله يخليلك الست الوالده يا فادي وكل عام وأنت بخير .. وثانيًا ، شعور رائع منك ذلك الذي تحدّثتَ عنه في كل تفاصيله وخاصة ما قمتَ به تجاه السيدة الوالدة أطال الله في عمرها ..
أنا حصل معي نفس الشيء تقريبًا .. لكن ، بأثر مادي مش معنوي ( أثّر على الجيبه !. ) ،، حكيت لأولادي ممنوع ولا واحد يوصل الستاد وطبعًا بسبب ما أنا متأكد أنه سيحصل بعد أي مباراة للفيصلي والوحدات ، فما كان منهم إلا أن طلبوا التعويض ، وكان الشرط ( على كل جول عشر نيرات ) .. لما روّحِت على الدار مكّكوني 40 نيرة ( عشرينتين ) والباقي عندكم !!..
خد راحتك يا راقي .. ولادك برضو ضحكوا عليك هههههههههه .. وحسبو قول رافت علي ..
بس مش خساره فيهم .. بطلعلهم .. وان شاء الله يصرفوهن بالعافيه .. ويخليك الهم وتظل تدفع والوحدات يفوز
انا كنت واعد الاولاد والاهل على رحلة على العقبة المهم التغت الرحلة للعقبة لانه في ناس كثير هناك ففرحت عشان بدي احضر المباراة والساعة ثلاثة العصر اتصلت في امي وحكت لى الله يرضى عليك بدنا نطلع نشم هوا فشممتهم هوا وانا اكلت هوا لانى ما حضرت المباراة
يا سيدي خيرها بغيرها .. والحجه طلباتها اوامر .. اصلا بدعواتههن بنفوز .. هذول بركتنا
همسه : لو اخذتهم عالستاد كان تسلو اكثر من العقبه .. هو قليل الي عملو الوحدات بالكشافه