نبدأ الموضوع بالسلام عليكم ورحمة الله وبركاته
اكرم سلمان:هذه المدرب اوصلنا الى انجاز لم يحصل في تاريخ الكرة الأردنية بأهداء المارد رباعية تاريخية..السؤال:لماذا تم التخلي عنه وعدم تمديد عقده..هل بسبب طلبه بزيادة ماديه او مالية
دراجان تالاييتش:المدرب الكرواتي الذي كرر انجاز اكرم سلمان برباعية تاريخية تحسب له..السؤال:لماذا تم التخلي عنه..هل بنفس سبب اكرم سلمان؟
وانا متأكد لو نجح قويض مع الوحدات لما جددت الادارة عقده
* يجب على الادارة التمسك بأي مدرب يحقق الأنجازات للمارد وحتى لو طلب في زيادة مادية او مالية
يعني سؤال الموضوع: لماذا يتم التخلي عن المدرب الذي يحقق الانجازات مع النادي ؟
اولا يا غالي احنا ما بنتعاقد مع مدربين عالميين احنا بنتعاقد مع مدربين نص كم لانو مصارينا على قدنا و اقل من قدنا و عشان هيك ما بنوقع معهم لاكثر من موسم لانو المدرب الي بنجيبو زي البطيخه يا بتطلع حمره و منيحه يا بتطلع قرعه و فظيحه و ازيدك ان امكانات النادي ما بتغطي المبالغ الي بتقاضوها فعليا هذول المدربين النص كم عند غيرنا بس بتلاقي منهم مين مستعد يوقع مع الوحدات لموسم واحد بربع عقدو بنادي ثاني السؤال ليش بوقعو معنا بمبلغ قليل قياسا بالمبالغ الي ممكن يحصلوها من انديه ثانيه الجواب انو اي مدرب بدرب الوحدات شو ما كان لو انو مدرب سباحه الا يجبلو بطوله و لا ثنتين على الماشي بزيين فيهن سجلو وبعمل لحالو سيره ذاتيه ينحكى فيها و اذا حقق انجاز منيح مثل دراجان او اكرم سلمان بتصير العروض عليه رف و باضعاف مضاعفه عن امكانات الوحدات فلهيك ما بنقدر انحافظ على مدربنا الي حقق نجاح كبير معنا و بنتطر نفتح بطيخه جديده و على هيك عايشين ليفرجها ربك