ليش ما يكون عنا 100 لاعب معار .. !! - ليش ما يكون عنا 100 لاعب معار .. !! - ليش ما يكون عنا 100 لاعب معار .. !! - ليش ما يكون عنا 100 لاعب معار .. !! - ليش ما يكون عنا 100 لاعب معار .. !!
الصفقات اللي بتم بنادينا بتحس انها تتم بدون خبرة أو بالأصح معدومة الأبعاد ، يعني أصحابنا بالادارة " طبعا زهقنا واحنا نكتب كلمة ادارة هاي السنة " المهم أصحابنا هناك بتحس انهم ماخدين الأمور سبهللة ، خاصة أنه العقول الثقيلة بالنادي " مُغيّبة " عن صنع القرار ، فبالتالي مش لاقيين ولا قرار بفش الغل .
خلينا نبلّش حبة حبة ، ممكن أعرف كيف الأخ زياد شلباية بصرّح للأعلام عن تعاقدات وهية لسة بطور المحادثات ، يعني بدي أفهم أو يفهمني الأخ شلباية وين المصلحة بالحديث عن التعاقدات ، وليش ما نكتم الخبر حتى تتضح الصورة ويكون لكل الأطراف وضع طبيعي لدراسة التعاقد بدون ضغوط اعلامية ، صحيح نادينا مادة اعلامية دسمة بس مش لدرجة ننام بالصحف ، مثال صغير .. اللاعب السوري وبغض النظر عن مستواه وحالته الصحية ، يعني اللاعب كان رايح ينهي تعاقده مع ناديه بشكل ودّي وهسة بعد ما عرف المحرق بالقصة طبعا عن طريق الاعلام الوحداتي " المرّ " أصبح هناك عقد بالموضوع والسبب واضح جدا .
بدكم الصراحة .. نادينا مصنع النجوم ومقبرتهم بنفس الوقت ، سؤال صغير للادارات المتعاقبة شو رايح يصير لو أعرنا الديسي وهو بقمة عطاءه لأحد الأندية حتى لو للفيصلي ، يعني معقول مدير فني بطلب من لاعب ينقص من وزنه وبعدين تعال ألعب شو هية الشغلة نادي تنحيف يعني ، من سنوات كان الأفضل للاعب ولكثير من لاعبينا أنهم يعاروا للأندية الأردنية ، يعني لماذا لم تتم اعارة الديسي لما كان صغير بالسن وفي مجال ينزل وزنه لأحد الأندية على الأقل بحرّك حاله بشكل صحيح بالمباريات الرسمية والتدريبات الحقيقية حينها بنكون خدمنا " عمر اللاعب وحبّه للكرة " وما قتلنا طموحه وطموح أي لاعب عنا ، ولما يظهر اللاعب بمستوى نادينا ساعتها بنرجعه لأنه معار ...!
هون القصة .. ليش بنخاف نعير لاعبينا للأندية " وليش ؟؟؟؟؟؟؟؟؟؟؟ " بنحب نبيعهم بيع أو تحريرهم " ببلاش " يعني لاعب ممكن نستفيد منه في المستقبل وبس مالوش مكان بالوقت الحاضر نروح نقتله بغمدان ومقضيها يتحسّر على لاعبين أصغر منه دخلوا الأول فقط لأنه مكانه محجوز للاعب ثقيل ..!!
يا جماعة الخير .. عيروا لعيبتنا الله يسعدكم واللي بتشوفوه بفيدنا بالمستقبل بنسحبه بكل سهولة أو ممكن يجيه عرض احترافي محلي أو خارجي وبنستفيد ونفيد ، هدول ولادنا وما بدنا نقتل طموحهم بغباءنا الاحترافي أو " مصالح أخرى .. !! " .
ملاحظة : أنا بحكي عن اللاعبين اللي كانوا أو لازالوا ببشروا بمستقبل جيد معنا .
معلش أبو فراس أنا داقق فيك هاليومين بس شو أسوي " ديموكراتية "
بالنسبة لأبو فراس اتضح انه زلمة "بلدي" يعني كل اشي ماخذه بالعشم الزلمة بشتغل بحسن نية أنا متأكده انه همه مصلحة الوحدات أولا وأخيرا وبفكر انه مجرد ما نادي بحجم الوحدات يفتح باب المفاوضات مع اي لاعب فهو قطع ثلثين الطريق عشان هيك بطلع علينا وبقلنا انه تم التعاقد . السيد زياد شلباية ماشاء الله عليه شعلة نشاط بس بحاجة لمن يوجه هذا النشاط حتى لا يضيع سدى .
** بالنسبة لموضوع الاعارة : انا شايف انه موضوع كثير مهم ولازم يأخذ منحنى أكاديمي بانشاء أكاديمية تعنى بمئات الناشئين وتطويرهم والاستفادة منهم فنيا وماديا أحسن من ألف مول ومحل تجاري .
ما في تخطيط سليم نهائيا عنا وما في شفافيه بالتعامل مع كل الاطراف سواء اللاعبين او الاجهزه الفنيه بذكر ان هناك لاعبين بالوحدات تم تجاهلهم وذهبوا لانديه اخرى واصبحوا نجوم كبار ومن اعمدة المنتخب واذا بدنا نضرب امثله الامثله كثيره ما تفضلت به اخي االيازوري كلام سليم ميه ميه عنا لاعبين لو يتم اعارتهم كي يبقوا بجاهزيه كامله لكان افضل ولتم استغلالهم باوقات نكون بحاجتهم
المشكلة في الوحدات ان الادارة لا تنظر الى ابعد من انفها و لا يوجد هناك تخطيط للمستقبل بسبب عدم وجود الرجل المناسب بالمكان المناسب و كما يقال في العامية الامور في النادي سارحة و الرب راعيها
يفضل اعار ة اللاعبين لاندية متوسطة وعدم بيعهم لان في هذه الاندية يأخذ الاعب فرصة الاحتكاك خلال الموسم وخاصة ان لاعبي الوحدات مطلوبين من كثير من الاندية على ما هم علية من مسنوى في اللعب ويكون في ذالك مردود مالي جيد للوحدات ويكون اللاعب قد اكتسب الخبرة في الملعب واذا ارتفع مستواه يتم ارجاعة الى الفريق الاول دون عناء وبدون ان يخسر النادي اي مبلغ
مشكور على الكلام الجميل و الاعارة حل جيد لاكساب الخبرة للاعبينا بدلا من جلوسهم على دكة الاحتياط لفترات طويلة تؤدي الى احباطهم و زيادة وزنهم و كثرة مشاكلهم
لكن هل سبق للوحدات ان اعار لاعبا و اعاده للفريق انا لم الاحظ هذا الشيئ لغاية الان حتى اللاعبين اللذين قام النادي ببيعهم لم نندم عليهم و الامثلة كثيرة اشرف شتات و حماد الاسمر و ماجد محمود و الرفاعي و محمد محمود عوض راغب جميع هؤلاء اللاعبين قام النادي ببيعهم و لم نندم عليهم و لم يكونوا مؤثرين بشكل كبير مع الاندية التي لعبوا معها
لذا ارى ان بيع اللاعبين الموجودين حاليا في الاحتياط امرا عاديا و لكن ارى اعارة يحيى جمعه فقط هو الاقرب للصواب