يا لاعبي نادي الوحدات .. ردّوا على عمكم - يا لاعبي نادي الوحدات .. ردّوا على عمكم - يا لاعبي نادي الوحدات .. ردّوا على عمكم - يا لاعبي نادي الوحدات .. ردّوا على عمكم - يا لاعبي نادي الوحدات .. ردّوا على عمكم
بسم الله الرحمن الرحيم
حبايبي يا لاعبي الوحدات
الله يصبحكم ويمسيكم بانوار النبي ويوفقكم ويرضى عليكم
بدكم تعذروا هالجماهير شو بتحكي وشو بتكتب ، انا حاسس الواحد فيهم بدو يطق من القهر وهذا لانهم بحبوكم وانتوا بتعرفوا هالاشي هاذ ، امبيرح بحضر على قناة السعودية الرياضيه في مباراه والا المعلق بقول الّي بشوف هالجماهير بعرف قديش الدوري السعودي قوي والي بسمع هالجماهير بعرف حجم الدوري السعودي وهالجماهير وهالجماهير وهمي بجوش خمستلاف واحد مع احترامي الشديد الهم ، وانتو لما تلعبوا يا وحداتيه الملعب بكون معبى عشرين خمسه وعشرين الف واحد بهتفلكم وبغنيلكم وبتغنى فيكم صح ولا لأ ؟
بعرف انو لكل مباراه ظروفها وبعرف قديش انتو مرهقين وبعرف قديش نفسيتكم تعبانه من مباراتكم مع ناساف وبعرف وبعرف وكل هالجماهير بتعرف هالاشي هاذ وانا اول من يدافع عنكم بس مش ملاحظين انو صرنا عند الخط الاحمر ؟ انا ضد اي واحد بهنف بالغلط او بسيء لاي واحد فيكم بس صار الكل يلاحظ انه في مشكله عندكم شو هي مش عارفين
بعرف انكم رايحين تحكوا الايام جايه والمباريات جايه واستنوا علينا يا جماهيرنا لا تستعجلوا ولا تنفعلوا وبعرف انكم رجال وعلى قد المسؤوليه بس صدقوني يا عمي محبة هالجماهير وعشقها الكم هي الي بتخليهم يعصبوا وينفعلوا وانا بطلب منكم وبترجاكم انكم تسعدوا هالمسخمين الي ماشيين وراكم وين ما رحتوا ووين ما جيتو وما تحاولوا تبعدوا عنهم ووعدوهم بالخير ان شاء الله
وحداتيه قول وفعل وانا بعرفكم وبترجاكم ما تزعلوا على هالناس واتحملوا شوية تتنقشع هالغيمه ويرجع الملعب يشكي من قوة قدامكم وحاولا انكم تتصالحوا مع هالجماهير ال بتحبكم وبتعشقكم