كيف تصبح عضوآ بمجلس ادارة بنادي الوحدات؟؟ - كيف تصبح عضوآ بمجلس ادارة بنادي الوحدات؟؟ - كيف تصبح عضوآ بمجلس ادارة بنادي الوحدات؟؟ - كيف تصبح عضوآ بمجلس ادارة بنادي الوحدات؟؟ - كيف تصبح عضوآ بمجلس ادارة بنادي الوحدات؟؟
كيف تصبح عضو مجلس ادارة بنادي الوحدات بـ 20 خطوة
السلام عليكم و رحمة الله و بركاته قرأت موضوعآ بأحد المنتديات وهو ينقل الواقع بطريقة ساخرة فأحببت نقله هنا لأهميته ,, كيف تصبح عضو مجلس ادارة اكبر نادي بالاردن ,, اليكم اخواني الطريقة الاسهل و الابسط للوصول لمجلس الادارة ,, هذه حقائق .. 1- بدك تكون فاضي اشغال ,, يعني لا وراك و لا قدامك اي شغلة 2- بتدخل عالنادي زيك زي شخص بدخل النادي ,, حتى لو ما بتعرف وين النادي ,, اسال اي شوفير تكسي بوديك هناك .. 3- مع دخولك النادي ,, حاول معرفة الاتي ,, أ- اي من اعضاء الادارة يبقى في النادي لاطول فترة ممكنة ب- وين البوفيه اللي بعمل شاي و قهوة ج - اعرف الغرف في النادي ,, بحيث لما تناقش واحد تكون حافظ غرف النادي بصم 4- حاول التقرب لعضو مجلس ادارة ,, بالبداية راح تواجه تطنيش ,, بس مش مشكلة ,, حاول ,, و ضلك حاول لحين يتم قبولك كصديق لعضو مجلس الادارة 5- خلال مرافقتك اليومية لعضو مجلس الادارة ,, لا تكتفي بهز الراس خلال ما يطرحه ,, بل زد على كلامه ,, بانه الجميع بالنادي ما بفهموا ,, الا هو فقط لا غير ,, 6- هز ذنب قد ما تقدر ,, بحيث اذا قلك هالعضو الاداري انه اللبن اسود ,, احكيله هو اسود من سواد الليل ,, 7 - لا تحاول تجادل هالعضو ,, لانك لو جادلته ,, راح يوخد عنك فكرة انك مفلسف ,, و هاي بتقلل من قيمتك قدامه 8 - لا تحرم عشا او غدا او قعدة او لعبة شدة الا و تحشر حالك فيها ,, وتقديم الهدايا لعضو الادارة اللي وافق على تبنيك.. حتى لو كانت الهدية بدلة رياضة 9 - حاول قدر الامكان من العزايم ,, حتى وجبات رنوش مقبولة ,, او حتى اوقية كنافة ناعمة ممكن ,, 10 - اذا اتمشكل عضو هالادارة مع ناس ثانية ,, حاول تكون بالصفوف الاولى ,, و قد ما تقدر اردح و علي صوتك ,, لازم يكون صوتك عالي ,, خصوصا بالردح للاعضاء من الكتل الثانية ,, حتى تثبت ولائك لعضو هالادارة ,, 11- خليك ملزق بعضو الادارة .. لزق قد ما تقدر ,, 12- اللاعبين المفضلين عندك هم اللاعبين المرضي عليهم من هالعضو ,, و اللاعبين الفاشلين هم المغضوب عليهم ,, 13 - لما تشوف هالاداري بحلل مباراة ,, لازم تكون كلمة مزبوووووووط جاهزة عندك ,, حنى لو قال انه ميسي مش لاعب ,, 14- حاول تكون بمثابة الناطق الرسمي للعضو الاداري ,, حتى يوخد عنك فكرة انك جد منتمي 15- لا تفكر بالمؤهلات العلمية ,, اصلا لازم تكون جاهل ,, و اذا ما كنت ,, اعمل حالك جاهل ,, 16 - باول انتخابات راح تصادفك ... احكي و على سبيل المزح انك بدك تصير عضو مجلس ادارة ,, هون الفكرة راح تكون بالرفض ,, و راح يوعدك اذا نجحت كتلته بانك تصير اداري باحد الفرق ,, مش مشكلة ,, اقبل باي منصب ,, حتى لو كان مدير الحمامات في النادي .. 17- خلال الانتخابات ,, حاول قدر الامكان بانك تبقى قريب من الاداري ,, 18- بعد الانتخابات ,, بلش اطلب ,, بانك بتطمح تصير اداري بالنادي ,, 19 - خليك على نفس الخطوات السابقة ,, مع زيادة بجرعة هزة الذنب 20 - بالانتخابات الثانية ,, راح تنزل عضو ضمن كتلته ,, و هون ما بضمنلك النجاح من اول مرة ,, بس بالاخير راح تصير عضو مجلس ادارة حتى لو بالدورة الثانية