فقط هي عنوان المرحلة - فقط هي عنوان المرحلة - فقط هي عنوان المرحلة - فقط هي عنوان المرحلة - فقط هي عنوان المرحلة
اخواني مرحلة جديده الوحدات مر وبمر فيها اخضرنا . وصدقا هي اصعب مرحلة باعتقادي
في باداية كلامي اقسم بالله اني مش محسوب على حد
الواقعية دائما تتحدث وبالنقاش تتحدد
كلكو هسا قاعدين بتحكوا شو بخبص الحجاوي قاعد
خليني اخبص شوي ويفيد كتير ...
مشكلة نص الوحداتيه الان اذا ماكان معظمهم في الادراة وماضل منتدى ولا موقع ولا غيره بحكي غير هيك
مش تخبيص :
دراغان افضل مدير فني مر على الوحدات و بشهادة الجميع الافضل
والادراة اولهم مقتنعه بهالشي
بس با اخوان انتوا مفكرين انو الادراة ضد هالحكي وبدهاش مصلحة الوحدات طيب شو مصلحتهم ؟؟؟!!!
ولا شو هاظ :
مدرب حقق الكثير للنادي وطلع صيته برا برا صار الكل بده اياه ومن ضمنها عروض كويتيه اقلهم 300.000 دولار
وهذا الشي اكدته الجرايد هناك مش عنا
وبقلك الادراة نايمه بالعسل .. ناسمة شو وهي قاعده بتفكر قديش نعطيه مطلوب فيه 300 الف
والوحدات اكتر مبلغ دفعه لمدرب كان لنفس المدرب دراغان وهو 100.000
رح ينط واحد ويقول ليش احنا ما معنا 300.000 ... اه ما معنا
وقول يا سيدي معنا وبعدين ... ما ضلش بالنيا غير دراغان مهو كل سنة بيجي عالوحدات مدرب وكل واحد بطلع ببطولتين وبضلو طالع ورغم انه دراغان افضلهم بس هدا الواقع شو رح نحكي غير هيك
العضويه هي هيك
قصة العضوية فرحتنا كلنا وانا اول الفرحين واول مين راح يطالب فيها
ووالله لو كان اعتصامكم في غير وقت لكنت اولكم
هذا وقت اعتصام !!!
بالله عليكوا الوحدات ناقص بلبلة اكتر من هيك بلبلات
في اول الموضوع قلتلكوا عن المرحلة وصعوبتها
وهذا طبعا لو كان العدد اكبر من هيك لصارت كارثة في النادي
لتطل علينا واحده من هالجرايد وبتكتب على لسان واحد من النادي
انه سبب عدم فتح العضوية للان هو عدم دخول ناس من برا النادي
ويبيعوا ويشتروا بهالنادي وراحت علينا
نعم معاه حق والف حق تخيلوا بكرا يا جماعة يدخ علينا واحد من المحسوبين على بعض ناس
وينط مسجل الف عضو للمحسوبين لنفس الشخص
وللا ماشاء الله صاحبنا صار وصار هو وجماعته
وين صفا النادي
يعني هو كلام صعب الحدوث بس كلشي ممكن
وانا لساتني بشدد على حقي في العضوية ولكن قبل ما اشدد في اصلاحات قبل هيك
من ضمنها هيك شغلات
واخر الحكي اخواني انا ما بشتغل لصالح حد وانا عضو وحداتي زيي زيكو
ما بدنا نأثر عالوحدات في بلبلة دراغان واداره وعضوية
وفي عننا مباراة لو اجتزناها لاقتربنا 60 بالمية من الاسيوي
وادارتنا الحالية والسابقة اثبتت كتير من المواقف نجاحها خلينا نتريث ونوقف معها
بس اصبروا كلكم الصبر مفتاح الفرج
*ملاحظة صغيرة .. بكرا مافي حد الو حجة مايروح عالملعب عطلة وعيد واجواء حلوة ان شاء الله
يا اخي الكريم وجهة نظرك نحترمها لكن نحن لسنا سوى مشجعين فقط نحن ايضا اصحاب حق في إعطاء الرأي ولازم نحسس الادارة انو في ناس واقفتلهم على النقرة عشان كل خطوة تنحسب صح
أنا هيك وجهة نظري ولي بنعملو راح يفيد بس برجع وبكرر وجهة نظرك احترمها
بالنسبة لوجهة نظرك لك كل الاحترام بس لو انه ادارتنا واعية و محترفة كان جددوا عقد المدرب قبل شهر او شهرين قبل ما يرتفع سعره و اسهمه عند الاندية الخليجية بس ادارتنا دائما بتترك اي موضوع للوقت بدل الضائع و بعدها بتبدأ تتحرك.
اما موضوع العضوية لا نقاش فيه.بدنا العضوية اليوم قبل غدا
يا اخي الكريم وجهة نظرك نحترمها لكن نحن لسنا سوى مشجعين فقط نحن ايضا اصحاب حق في إعطاء الرأي ولازم نحسس الادارة انو في ناس واقفتلهم على النقرة عشان كل خطوة تنحسب صح
أنا هيك وجهة نظري ولي بنعملو راح يفيد بس برجع وبكرر وجهة نظرك احترمها
اخي اختار الوقت الصحيح عشان تعرف الاداره انك متابعها
وهو شو كان طالع بايديها تجدد ب 300.000
وهاي اخوي مش وجهة نظري قلتلك هيك الواقع الصحيح
فقط هي عنوان المرحلة
