فشل منظومة متكاملة ,,, ضعف واضع في النادي كـ كل ,,,
فشل منظومة متكاملة ,,, ضعف واضع في النادي كـ كل ,,, - فشل منظومة متكاملة ,,, ضعف واضع في النادي كـ كل ,,, - فشل منظومة متكاملة ,,, ضعف واضع في النادي كـ كل ,,, - فشل منظومة متكاملة ,,, ضعف واضع في النادي كـ كل ,,, - فشل منظومة متكاملة ,,, ضعف واضع في النادي كـ كل ,,,
السلام عليكم ,,,
يعني الشغل الشاغل لـ كل وحداتي هو " المهزلة " اللي صارت إمبارح بـ مباراتنا مع القادسية ,,, صراحة الواحد زهق و تعب من التحليلات و كل واحد صار يحكي إشي طالع و إشي نازل ,,, بس بتمنى يكون كلامي أدق ما يمكن ,,,
أولاً ,,, ضعف شخصية الفريق كـ كل ,,, بمعنى إنو الفريق بطل نادي الوحدات المرعب ,,, كنا زمان و مش زمان كثير ,,, نروح ع الملعب و إذا فريقنا فاز 3 و 4 نطلع زعلانين لإنو كنا مرعبين ,,, ما بنكر إنو الفريق بس يكون ضمن مرحلة تجديد الدماء بدو وقت بس برضو قميص النادي لازم يعطي شخصية للاعب و للأسف هاد الإشي مختفي تماماً ,,,
ثانياً ,,, ضعف إدارة النادي ,,, الإدارة ممثلةً برئيس النادي لأصغر منصب عنا عندهم تلكؤ و ضعف و قلة حيلة غريبة ,,, و يمكن أكبر مثال مباراتنا مع الفيصلي في ذهاب و إياب الكأس ,,, طلع بيان من الإتحاد إنو نثمن دور الوحدات في دعم المنتخبات الوطنية ,,, ثاني يوم ولا لعيبتنا مع المنتخب ,,, الموضوع مش موانة ولا خذني جيتك ,,, الموضوع مصلحة نادي و جمهور ,,, أنا ما بستنى تصريح من إتحادنا الموقر عشان رئيس نادينا بضعف شخصية واضح جداً يتنازل عن أكثر من نص الفريق ,,,
ثالثاً ,,, غياب الحرارة على إسم النادي لدى اللاعبين ,,, يعني يمكن أكثر لاعب بنشوفو محروق ع النادي بالملعب هو أحمد إلياس ,,, و البقية يعني على أقل من مهلو ,,, و أولهم الكابتن عامر ذيب ,,, يعني مش هيك يا جماعة ,,, كزدرة بالملعب ,,, مسخرة ,,, عدم جدية ,,, لعيبة إذا إنقطعت منها الطابة بدها جاهة عشان ترجع تجيبها ,,,
رابعاً ,,, أبو زمع كـ شخص ع العين و الراس ,,, بس كـ مدرب مستهلك فنياً و تكتيكياً ,,, أنا ما كنت مع مسلسل إستقالاتو المتكرر من فترة مو لإشي بس عشان ما ندخل بدومة مدربين بنص موسم و يصير فينا اللي بصير بغيرنا ,,, أتوقع من أضعف المدربين اللي مرو ع الوحدات ,,, مو لإشي والله ,,, بس لإنو مافي مباراة كاملة كانت مثل حقبة أكرم سلمان أو دراغان ,,,
خامساً ,,, إعطاء اللاعب أكبر من حجمه و تضخيمه ,,, كل اللعيبة إخواننا و حبايبانا ,,, بس النادي أهم ,,, أنا إذا إجاني عقد إحتراف ع الخليج بشل أمل الوحدات عشان أبين لحالي ع التلفزيون ؟؟؟ ,,, مش منطق من سذاجة بعض اللعيبة و إدارتنا الموقرة إنو تنفخو لاعب لإنو إجى راتب 800 ليرة بالسعودية بنادي عشان يشوف حالو ميسي و يخرب لعبة كاملة ,,,
سادساً ,,, الجمهور ,,, لا ما يروح فكركم لبعيد ,,, الجمهور هو النقطة المضيئة الوحيدة بهالنادي ,,, والله بنموت عشان نحضر مباراة ,,, مسافات وراكم ,,, تشجيع ,,, تعب ,,, بهدلة ع بوابات الملاعب ,,, أقسم بالله بنعيش حالة ذل و مسخرة ع التفتيش عشان نحضر مباراة ,,, و الزعل مو ع الفوز و الخسارة لا والله ,,, لزعل إنو بدنا زلام بالملعب ,,, جمهورنا نجمة في ليل أسود من لعيبتنا و إدارتنا ,,,
بتمنى ربنا يصلح الحال ,,, و يوفقنا للأفضل ,,, و بتمنى من كل لاعب يعرف إنو البلوزة الخضرا مهرها تعب و تضحية بالملعب ,,,
بتمنى من إدارتنا تصير تمون ع حالها أقل إشي بعدين بتمون ع إتحادها ما يسحب لعيبتها ,,,
حلم الآسيوية بعيد بوجهة نظري إذا ما تم إصلاح منظومة كاملة ,,, فريقنا حالياً متهآآآلك و بدنا إعادة هيكلة ,,, نرجع نعيد حساباتنا و بعدييين نفكر بالآسيوية ,,,
و شكراً ,,,