مدى رضاك وتقييمك للادارة,,,,(وقبل رحيلها) - مدى رضاك وتقييمك للادارة,,,,(وقبل رحيلها) - مدى رضاك وتقييمك للادارة,,,,(وقبل رحيلها) - مدى رضاك وتقييمك للادارة,,,,(وقبل رحيلها) - مدى رضاك وتقييمك للادارة,,,,(وقبل رحيلها)
بسم الله الرحمن الرحيم
مدى رضاك وتقييمك للادارة (قبل رحيلها)
بداية السلام عليكم ورحمة الله وبركاته
وأعتذر للأخ ابو فارس لاقتباسي عنوان موضوعه بالنسبة لدراغان لأضعه لتقييم الادارة وقبل رحيلها
هناك من قال لي بدي ( أكسر جرة......وراهم )
وهناك من قال لي (مابتعرف خيري غير لما تجرب غيري)
اسمحولي بأن أبدأ وعلى بلاطة
رباعيات وكؤوس ومتصدرين للدوري وبداية موفقة في كأس الشاي وعال العال
وكلو تمام التمام........وشو بدكو أكثر من هيك!!!!!!
هذا باختصار ما يردده الموالون وأعتذر مسبقا على التشبيهات
وهناك المعارضون وأنا واحد منهم
بنقول (هذا الحكي بطعمش خبز)
ليش؟؟؟؟؟؟؟
هون مربط الفرس
هل مستوى فريق الوحدات يشبه بنسبة عشرة بالمئة مما كان عليه في الثمانينات أو التسعينات؟؟؟
الله أكبر يا عالم كل العالم بتتطور الا احنا.....كما كنت,,,,,وياريت لو مستوانا كما كنا!!!!
نظل نقول مدرب وخطة ومش عارف شو!!!
انتو السبب في كل هالمستوى لامدرب ولاغيرو!
أعضاء الهيئة العامة للنادي هم هم من مليون سنة ...... الله أكبر متى سفتح باب هالعضوية
خلو الشباب يشتغلو.....يا ناس....يا عالم مابتشوفو التغييرات في العالم
ما بتوخذو العبر؟؟؟؟
خذو العبرة يا ناس... اعتبرو يا أولي الألباب!!!
هو انتو بس مخلصين للوحدات .....هو انتو بس همكو الوحدات.... وباقي الجماهير رجلين طاولة؟؟؟ مع احترامي لكل الجماهير.......خافو الله .... بكفي
ذبحتونا ....بروح زيد وبيجي عبيد ..... وبروح عبيد وبيجي زيد,,,,,,(مع احترامنا للأخ زيد)
مزهقتوش؟؟؟؟؟ خلو الشباب تقود المسيرة بكفي زهقتونا عيشتنا.......من التسع وسبعين واحنا نرقص للوحدات وخلف الوحدات وانتو انتو..... خلاص بكفي..... أعطو الفرصة لأولادنا وولادكم
(طبعا بالانتخابات)....مش وراثة!!!!! ولا قوات مجولقة!
خلصنا من الحكي في العضوية اللي عمرو هالموضوع مابدو يخلص؟؟؟؟
خلينا نروح للشباب اللي انتو مهملينهم في موضوع العضوية
وين مستوى فرق الشباب عنا......من نازل لنازل....شو القصة يا ادارة؟؟؟
الوحدات كان مسيطر على كل البطولات ولكل الفئات .....وين احنا الان .؟؟؟؟ وليش؟
كنا حتى قبل سنوات نتفاخر بأنو لدينا ناشئين وشباب والفريق الاول ماعليه خوف
وكنا نقول لدينا فريق اساسي وأخر احتياطي....وين صرنا؟؟؟؟
صرنا ندور على لاعبين من الاندية الصغيرة ونعملهم محترفين وجاي الناس جاي!!!!!! ليش؟؟؟؟؟؟ وندفع مصاري.....ليش!!!!!
وين شبابنا ؟؟؟؟ وين رحتو فيهم؟؟؟؟؟
بعتوهم......وليش؟؟؟؟ فش مصاري؟؟؟؟
خافو الله
والعالم كلو بتطور واحنا بنرجع لورى.....خافو الله!!!!
هلكتونا
والله صرنا نشتاق نشوف مباراة للفريق نستمتع فيها
ان فزنا ..........بنفوز بدون طعم أو قدرة قادر....وين وحدات زماااااااااااااااااااااااان
والا بلاش زمان خلونا نشوف وحدات قبل سنتين مش أكثر.
الجماهير
أه............أه
لم تتعرض للاهانة وعدم الاحترام أكثر من هذه الايام...وعلى دوركو!!!!
المفرض بعد أن تعرضت الجماهير للكارثة المشؤومة في ذلك اليوم المشؤوم
كان المفروض تقدمتم باستقالتكم جميعا
ولو فعلتم لاحترمتكم حينها!!!!
الظلم اللي بتعرض الو الوحدات من حكام ومن اتحاد ومنالدنيا كلها ما شفنا أكثر من هيك ظلم الا على دوركو....ليش؟
بعدين ليش بتزعلو...... لما أي وحداتي بنتقدكو؟؟؟؟ المفروض يكون عندكو الشجاعة وترحلو قبل ماتخلص مدتكو.....
وين غمدان؟؟؟؟؟؟؟ مسلسل تركي مابدو يخلص؟ والله حتى التركي بخلص...... هل أصبح في الاحلام....كان زمان
شو عملتو بالنسبة للمشروع؟؟؟؟
وين صار
والا.....طار
فش مصاري؟
شو عملتو مشاريع وشو أفكاركو بالنسبة لمداخيل نادي الوحدات؟؟؟؟؟؟؟ وللمشروع.....مافي شي!!!!!
وما شفنا شي
طبعا اذا ما شتغلتو شي.....من وين بدها تجيكو المصاري؟؟؟
بصراحة تفائلنا خيرا في السابق أن هناك أفكار ومشاريع
بس للأسف تبين انو كلو كلام فاضي وفي الهوا !!!!
وما بتعرفو تشتغلو!!!!!!
يعني ضحك على الذقون!!!!
كنت أتمنى ان أرى شيئا قمتم به للوحدات وللمرحلة القادمة سنة سنتين لقدام مش أكثر............ماكو شي
ولا رايحين نشوف شي
بناء على ماذكر سابقا وهذا غيض من فيض
الله يعطيكو العافية ما قصرتو.....لا والله الصحيح
انكو قصرتو
بكفي ارحلو.....خلونا نشوف غيركو
واللي بدو يزعل.....يزعل
لا شك أن إدارة النادي إجتهدت و حاولت أن تحقق إنجازات لهذا الصرح .. و لا شك أنها حققت الكثير من هذه الإنجازات .. لكن و للأسف فهي أيضاً قصرّت و تجاهلت أموراً كثيرة ...
عند التقييم .. علينا الأخذ بالإعتبار كل ذلك .. ما تحقق .. و ما لم يتحقق .. و ما تم إهماله ...
من وجهة نظري .. و لو أردت تقييم أداء إدارة النادي خلال الفترة الماضية بنسبة مئوية .. فقد أُعطيها نسبة 40% كأقصى حدّ ...
فالإدارة الكريمة لم تلبي طموح و حلم الجماهير بعدة مشاريع .. و لم تنجز مشاريع ترفد خزينة النادي .. و لم .. و لم ...
في حين أنها حققت بعض الإنجازات الأخرى ...
لا شك أن إدارة النادي إجتهدت و حاولت أن تحقق إنجازات لهذا الصرح .. و لا شك أنها حققت الكثير من هذه الإنجازات .. لكن و للأسف فهي أيضاً قصرّت و تجاهلت أموراً كثيرة ...
عند التقييم .. علينا الأخذ بالإعتبار كل ذلك .. ما تحقق .. و ما لم يتحقق .. و ما تم إهماله ...
من وجهة نظري .. و لو أردت تقييم أداء إدارة النادي خلال الفترة الماضية بنسبة مئوية .. فقد أُعطيها نسبة 40% كأقصى حدّ ...
فالإدارة الكريمة لم تلبي طموح و حلم الجماهير بعدة مشاريع .. و لم تنجز مشاريع ترفد خزينة النادي .. و لم .. و لم ...
في حين أنها حققت بعض الإنجازات الأخرى ...
كرة قدم ممتاز وينقصنا لقب خارجي 0000 العاب اخرى في النادي للاسف وتراجع واضح 0000تحسينات خاصة في النادي زيرو0000 حماية حقوق النادي زيرو 0000 بشكل عام دون الطموح ولكن حقيقة اكن كل الاحترام تحديدا للسيد طارق خوري لانه عند صمت الجميع فقط لوحده من تكلم وكاد ان يدفع الثمن غاليا واؤكد لوحده والبقية انضبو ولو الامر بيدي لابقيت السيد طارق ولقمت بضم السيد سليم حمدان والاثنين افضل من ناس هي وعدمها واحد مشكور اخ عماد
اظن ان الادارة جيدة وما قصرت ... وابو سامي بيستاهل كل احترام كان دائما قريب من الجمهور واللاعبين .... على فكرة عند الفيصلي اذا العدوان زار تدريبات النادي بيعملو حفلة ( هون ببين الفرق ) وان شاء الله الى الامام
في 100 شغلة عليها علامة استفهام من جميع الادارات المتعاقبة ع الوحدات
العضوية
غمدان
الناشئين
المحترفين
المدربين (المدرب الناجح ليش ما بجددولهم هم والمحترفين)
وووو
؟؟؟؟؟!!!!!
والله الكلام ذهب مع الاحترام للادارة ولكن في ظل هذا الانقسام في الادارة بين جماعة عزت حمزة وطارق خوري لا اتوقع ان يكون وضع الفريق افضل من هيك لانو كل واحد عندو ديمو على الكرسي على رأي القذافي كل واحد بخاف يفتح العضوية مشان الكرسي ما يضيع
وما أخفي أعظم ... وبصراحة المتابعين يلاحظوا أن حتى القادمين لن يختلفوا عن السابقين ...وربما فقط في شخص الرئيس ..
على كل حال ...نقول للادارة السابقة الله يعطيم العافية ..لكن لم تكونوا ضمن المامول ..ولكن لا بد أن نقر أن أفضل انجازات الوحدات ..كانت في فترة الادارة الحالية