دورك في هذا الوقت الحساس - دورك في هذا الوقت الحساس - دورك في هذا الوقت الحساس - دورك في هذا الوقت الحساس - دورك في هذا الوقت الحساس
لا احد ينكر مدى الحسرة والغضب والالم الذي يعتصر قلب كل مشجع مخلص للمارد الاخضر خاصه مع توالي النكسات في هذه المرحله لكن هذا لا يبرر الهجوم الحاد والقوي على رموز النادي من لاعبين واداره صحيح ان الفريق واللاعبين حاليا بلا روح وبلا شعور تجاه ناديهم ومشجعيهم ولكن ما ننسى انو اللاعبين نفسهم اهدونا رباعيتين تاريخيتين اخر 5 سنين ونفسهم اللي كنا نغنيلهم في ال6 سنوات السابقه اللي عشنا فيهم مواسم رائعه .
الكل كان متوقع انو المارد الاخضر يمر بمرحلة فراغ وهذا اشي متوقع بعد الانجازات الكبيرة وبعد قرب انتهاء اجيال كبرت بالعمر ورفدها باسماء شباب تحدث فجوه وفراغ وان شالله ما بتطول .
والله الواحد بشعر بحزن وهو بسمع هتافات مسيئه من جمهورنا الطيب تجاه رموز الفريق من لاعبين واداره ما حدا بنكر انو الغلط موجود خاصه بالاداره لكن الجمهور مش هيك لازم يكون دوره .
يا اخوان ريفر بليت هبط للدرجه الثانيه وهو من اعرق الانديه بالارجنتين ومع هيك اي مباراه بلعبها بالدرجه الثانيه 80 الف مشجع بكونه بالملعب .
انتر ميلان بعد ثلاثيه تاريخيه وبعد ان صار من كبار اوروبا اصبح الموسم الحالي يبحث عن بطلة تاهل فقط لدوري الابطال .
الدور كبير على الجمهور مع انه المعروف عنا جمهورنا عاطفي لكن هاي كرة القدم مش دايما فوز لازم نمر بهيك مرحله .
ان شالله الموسم الجاي راح يرجع المارد اللي اخذ الدوري بفرق 17 نقطه وراح ترجع الرباعيات لكن بدها شوية تكاتف منا كلنا وبدها شوية تعب .