يا ريتني طلعت لاعب تنس - يا ريتني طلعت لاعب تنس - يا ريتني طلعت لاعب تنس - يا ريتني طلعت لاعب تنس - يا ريتني طلعت لاعب تنس
اتذكر ايام المدرسة حينما سأل الاستاذ ابناء الصف شو بتحب تصير لما تكبر؟فجاوبه زملائي (الكسول قبل الشاطر) حاب اصير دكتور ,طبعا هذا حلم كل طلاب المدرسة وكل المدارس المحيطة باعتقادي.ولما وصل الاستاذ لعندي سألني شو بتحب تصير جاوبته بدي اصير (لاعب تنس) لانه كنت طلاب مادي شوي وانا صغير وكنت بعرف انهم بوخدوا ملايين من خلال اللعبة بالاضافة اني كنت متابع جيد للمجلة الرياضية على عمان التانية ايامها واكيد كنت بحب (بيتر سامبراس).
كنت انبسط لما اشوف ملاعبهم الخضرا وبنفس الوقت كنت اتحسر وانا بتابع الوحدات وهو يلعب على المستطيل الاصفر والله كأنه ملعب مزروع قمح وليس ملعب كرة قدم, ويا ريتها وقفت على هيك كان ستاد عمان كله حفر ومطبات يعني بالعربي ملعب غير صالح للمشي وليس لممارسة كرة القدم.
استغرب من مسؤولين الصيانة بستاد عمان اي والله لو زرعوا من اول وجديد كان صار العشب طول ابراهيموفيتش, ويمكن بلشنا نصدر لبرة كمان.
[B]المهم استغربت وقت مباراتنا مع المنشية بقوانين جديدة في حياتي ما شفتها مثل:_
1.في حال هجوم اثنان من المدافعين بقصد الايذاء داخل منطقة الجزاء فهي لا تعتبر ركلة جزاء وانما ADVANTEG
كما حصل مع رافت.
2.يحق للمدافع بصد الكرة بيده في حال كانت الكرة ذاهبة للمرمى وتحديدا الزاوية التسعين اما غيرها من الزواي فهي بلنتي اكيد.!!!!!!!
اطلب انا من اداريي الفريق بتزويد لاعبينا بأي UPDATE بخصوص القوانين الجديدة,لأنه بصراحة خايف بكرة حليمو يجيب جوول ويلتغى بحجة انه البوز مش جوول.طبعا كما عرفنا ان اي لاعب يدفع الحكم فحكمها سنةINTERANATIONAL
فأكيد صرت اخاف بكرة رأفت ينرفز فيمسك الكرة ويطجها بالارض وينحكم مؤبد ويعتزل بعدها.[/B]
بعد المباراة صابني اكتئاب وحرقة ببطني وصرت أحكي يا ريتني احضرت مباراة نادال التي كانت بنفس التوقيت وما حضرت مباراتنا .
نحن كجماهير وحدات نطالب بوقفة قوية للغاية وعدم الاستهتار بما حدث وبصراحة ما تحسسونا انه (حيطنا واطي). نحن كجماهير الوحدات عملنا اللي علينا وزيادة حبتين احضرنا وسافرنا واتبهدلنا وفوق هيك انضربنا والان بدأت لعبة المكر لأسقاط الفارق النقطي بين المتصدر المارد والملاحقين ,نطلب من الادارة الكريمة بعمل ما عليها ولا نريد اكثر من ذلك ,بطلب استرحام بحوت الاردن ودحض ما عمله الاتحاد الاردني بأثبات انه لم يكن هناك اخطاء تحكيمية في المباراة.واذا كانت الادارة عاملة لجماهير الاخضر IGNOR ولا تريد سماعنا او انها لاتستطيع القيام بعملها,فيجب علينا عمل SHIFT&DELET لهم . وحينها أطالب بكل وحداتي يملك عضوية بعدم اختيار اي منهم بالمجلس القادم وأطالبه باختيار وجوه شابة دمها أخضر وتحب ناديها وتقدر جماهيرها العظيمة.
اسف للاطالة ولكن يا ريتني طلعت لاعب تنس وما شفت اكبر مهزلة تحصل مع احلى اندية العالم.
بداية ارحب فيك اخي الكريم بين اهلك واخوانك في الوحدات نت .
واتمنى ان تستمر معنا وتفيد وتستفيد , فالوحدات نت هو المصدر
الأول الموثوق لكل خبر في العالم , نظرا لشمولية رسالته ونقائها .
كما اشكرك على موضوعك الجميل الذي يبين معاناة لاعبي الوحدات
وجمهور الوحدات ونادي الوحدات من هذه المهازل الجلية للعيان .
لكن ثق تماما .. أن الوحدات سيبقى الرقم الصعب , وسيبقى سيد
هذا الزمان .. ولن تؤثر فينا اقوالهم السخيفة .. وافعالهم الشنيعة .
فالوحدات اسمى واكبر منهم .. الوحدات الأخضر .. طموح لا يقهر .
أخي الكريم ..كرة القدم .. وقبلها الملاكمة والطائرة كلها تظلم لما الوحدات يشارك فيها ...
يعني كرة الملاكمة ...ظلمونا وشطبناها
كرة الطائرة انسحبنا مئة مرة ..وبالأخير بكرموا فريق الطوال كفريق العام ..في وقت أحرز الوحدات كل بطولات الطائرة
وبالقدم ..ما في داعي نحكي ..لأنه المهزلة مستمرة