ما كنا ننتقد ابو زمع بمباراة النهضة عن عبث..لانو طلعنا فاهمين وعارفين
ما كنا ننتقد ابو زمع بمباراة النهضة عن عبث..لانو طلعنا فاهمين وعارفين - ما كنا ننتقد ابو زمع بمباراة النهضة عن عبث..لانو طلعنا فاهمين وعارفين - ما كنا ننتقد ابو زمع بمباراة النهضة عن عبث..لانو طلعنا فاهمين وعارفين - ما كنا ننتقد ابو زمع بمباراة النهضة عن عبث..لانو طلعنا فاهمين وعارفين - ما كنا ننتقد ابو زمع بمباراة النهضة عن عبث..لانو طلعنا فاهمين وعارفين
عندما دقينا ناقوس الخطر بمباراة النهظة العماني رغم فوزنا 3/0 وبالمباريات التي قبلها طلع علينا للاسف المنظرون من اعضاء هذا المنتدى ومن الاعلامين والمحطات الفضائية تغالطنا وتقول يجب ان نقف مع ابو زمع . تحدثوا ان ابو زمع يسير بالاتجاه الصحيح .ابو زمع متصدر .ابو زمع وصل لنصف نهائي الكاس .ابو زمع حقق 3 بطولات الموسم السابق.
للاسف الاشخاص من خارج جمهور الوحدات المهللين والمطبليين لابو زمع مبسوطين على لعب الوحدات وعارفين لعب الوحدات بتراجع للاسف ونوموا ادارة الوحدات وبعض جماهير الوحدات بالعسل مع ابو زمع .حتى احنا الي نتابع الوحدات من زمان وعارفين لعب الوحدات ومتعة الوحدات زمان بلشنا نقنع بحالنا ونمشي معهم انو ابو زمع كويس.
حكيتها قبل هالمرة الوحدات ورغم انو يفوز ومتصدر لا لون ولا طعم .مو هاض لعب الوحدات .لعب الوحدات بخطر .بتراجع وانحدار كبير .بديت اشعر اننا رح نلحق الفيصلي بس هي مسالة وقت .ابو زمع غير طريقة لعب الوحدات الهجومية الممتعة.وين الهجمات الهادرة الي كان الوحدات يمتاز بيها داخليا وخارجيا.هسه تستنى كل ربع ساعة عشان تشوف فرصة من كرة ثابتة .وين الاطراف .وين خط الوسط الي كنا نتغنى بيه.طيب فرق الدوري تطورت وبطلنا نقدر نظغط الفرق الضعيفة والوسط بمنطقتهم. طيب كمان فرق عمان وسوريا الضعيفة والي ظروفهم صعبة كمان تطورت.
لما الوحدات كان يلعب باستاد عمان مع اقوى الفرق الاسيوية والعربية كان الوحدات يرعب الفرق ومن كثر الفرص ما كنا نقدر نتذكر عدد الفرص بعد نهاية المباراة.ما بدنا نفوز بلاش بس خلينا نشوف اداء جيد وفرص خطيرة كثيرة كلنا نتذكر مباراة الوداد المغربي والشباب السعودي وباختاكور والنصر والمريخ وغيرها الكثير.
ممكن يطلع علينا منظر انو الفريق ما كان بيومه وهالمباراة حالة خاصة. وطيب قدام النهظة وكانوا يلعبوا بتسع لاعبين نفس القصة.قدام الاهلي نفس القصة.قدام اتحاد الرمثا نفس القصة.وين المباراة الي قدم بيها ابو زمع مستوى واداء حلو من يوم ما استلم .والله ايام قويض رغم انو ما حققنا بطولات بس كنا نشوف لعب ممتع وجمل تكتيكية واداء حلو.حتى مع برانكو كان لعب الوحدات احسن من هسه.
ابو زمع صنع جيل من اللاعبين الشباب حلو وكويس.بس وين اللاعب الشاب الي مستواه عليه العين كلهم انقرضوا واحد ورى الثاني وصار مستواهم عادي .
المشكلة مستوى الاداء انحدر كثير وبانحدار كبير مع الوقت وكل ماله بانحدار بدون علاج .انا خايف يصير مثل السرطان بعد ما يتفاقم يصعب علاجه واحنا صابرين طول الوقت مع ابو زمع وبعدها يصير بينا زي الفيصلي الي عمروا ما رح يرجع لمستواه.
انا اتابع الوحدات من 20 سنة ما عمري شفت الوحدات يلعب خارجيا خاصة بالقويسمة بالطريقة المملة هاي .والله اليوم شعرت في لاعبين بالوحدات حرام يلعبوا بدوري محترفين.زعترة اليوم شو سوى وطول المباراة يرجع لنص الملعب.ابو عمارة مستواه بتراجع .رجائي مستواه عادي .كل مرة ابو زمع يلعب بطريقة وكل ما يجرب لاعب بمركز يثبتوا مباراتين ثلاثة ولما يفشل بالمركز يغيروا.وكل ما يلعب بطريقة يثبتها مبارتين ثلاثة واول ما يفشل يغيرها.وكل ما يثبت لاعب يجربوا مباراتين ثلاثة لما يفشل يغيروا.جمل تكتيكية ما قدر يبني ولو هجمة واحدة منظمة طول المباراة .عدوس يدخلوا ابو زمع وقت ينضغط ليش ما لعبوا وهيؤو بمباراة النهظة وهسه انزنق عليه.صالح راتب لما مستواه رجع خلاه احتياط.ابو زمع بالمباريات القوية يلعب بمهاجمين ولاعبين ارتكاز وبالمباريات الضعيفة بمهاجم وثلث لاعبين ارتكاز.
انصح ابو زمع نصيحة لله ارجع لمباريات الوحدات القديمة وشوف ايام كان الوحدات يلعب بلاعب ارتكاز وكان وسط عامر ذيب وحسن عبدالفتاح ورافت علي واحمد عبدالحليم وهجوم شلباية.قارنوا مع فريقك تعرف الفرق.
ولو كانت المشكلة بابو زمع لماذا لم يحقق
المدربون الذي قبله بطولة خارجية ؟
طيب اذا انت مقتنع انو المشكلة مش بابو زمع باعتقادك مين اللاعبين..طيب شو دور المدير الفني اللاعب الي ما يلعب كويس يبدلوا او ما يلعبوا عندو جيش من المدربين.بعدين الجمل التكتيكية بالمباراة ما شعرت في خطة العب عتساهيل وطريقة ابو زمع صارت تقليدية ومكشوفة .بعدين انت مقتنع بخطة العب معقول تلعب لاعبين وسط فقط هم ابو عمارة وابو كبير ومهاجمين اثنين مع فريق قوي (حمد ما سواها)
ولو كانت المشكلة بابو زمع لماذا لم يحقق
المدربون الذي قبله بطولة خارجية ؟
صح ما حققنا بطولات خارجية ببطولة كاس الاتحاد الاسيوي لما كنت ضعيفة جدا بس كنا افضل فريق اردني يلعب خارجيا ويقدم اداء وهو الي شرف الكرة الاردنية بالاداء الباهر حتى معلق ان بي سبورت حكا بالمباراة الوحدات اكثر فريق مشهور وجماهيري .بعدين لا تنسى الوحدات حقق ثالث اسيا بدوري ابطال اسيا بنظامها القديم مع الرمثا وبيها فرق يابانية وايرانية وازباكستانية اعتقد ثالث بطولة مثل هاي احسن ما تحقق كاس الاتحاد الاسيوي عشر مرات وحققنا ثالث دوري ابطال العرب وبطولة الوحدات الدولية
رسالة في اذن ابو زمع الغالي نحن لا ننكر عليك انجازاتك مع نادي الوحدات ولكن وظف اللاعبين كل واحد في مكانه الصحيح ولمن يستحق ويعطيك الف عافيه اكثر من هيك مش طالبين منك