السلام عليكم
يا شباب انا حضرت المباراه بالمكتب وكان عندي زباين سعوديين خليتهم يحضروا المباراه معي خصوصا بعد الجووول الاول لاني شفت المستوى ببشر بخير الحمد لله ولو كان المستوى مش ولا بد كان قعدنا بالمكتب جوى مش عند التلفزيون
المهم خلصت المباراه واطلق الحكم صافرة النهاية والا الموبايل برن شفت الرقم والا غير هو رقم ابو يزن قراقع فتحت خط ما فهمت اشي من الصياح والفرحه اللي حواليه قرقع راسي والزلمه بصرخ ابو عمار اول واحد بتصل فيه انت ابو عمار فزنا اربعه يا ابو عمار اربعه مثل ما احلمت وتوقعت صدقوني تلدمعه بدها تفر من عيني والناس عندي ومش عارف شو احكي المهم حكيتله ابو يزن بحكي معك بعدين مش سامع من الضجه اللي عندك انا بصراحه فكرتوا بالملعب طلع شكله عامل استاد بالكرك ومجمع كل الاصحاب والعيله
الف مبارك ابو يزن ولكل الجمهور الكبير الوحداتي الاصيل
متصدر وماخد الدوري ،، وقراقع لا تقرقعني