ما يحصل بالجزيرة من مشاكل مالية مش صحيح، ومش شغلنا!!!!
ما يحصل بالجزيرة من مشاكل مالية مش صحيح، ومش شغلنا!!!! - ما يحصل بالجزيرة من مشاكل مالية مش صحيح، ومش شغلنا!!!! - ما يحصل بالجزيرة من مشاكل مالية مش صحيح، ومش شغلنا!!!! - ما يحصل بالجزيرة من مشاكل مالية مش صحيح، ومش شغلنا!!!! - ما يحصل بالجزيرة من مشاكل مالية مش صحيح، ومش شغلنا!!!!
بسم الله الرحمن الرحيم
انا مش فاهم شو سر الثقة الزائدة عن حدها الطبيعي من بعض الاخوان على صفحات التواصل الاجتماعي،!! كل يوم خبر من الجزيرة انه عندهم مشاكل هنا وهناك، وطلبات فسخ عقود من هذا الاعب وهذاك المحترف، اخبار عن تلحزيرة وكانه الفريق واقع من طيارة مش فريق على موعد مع التاريخ للحصول على كاس للاتحاد الآسيوي اللي شارك فيه مرة او مرتين واستطاع التاهل للنهائي واحنا النا اكثر من 30 سنة من شارك اسيويا ولم نتاهل للنهائي مرة واحدة!!!
فريق الجزيرة فريق محترم تعاقد مع محترفين واحد فلسطيني والاخر سوري وعزز صفوفه وتعاقد مع المدرب السوري نزار محروس بدل من ابو زمع يعني لو في عندهم مشاكل مالية لم يتعاقدو مع مدرب عربي مش محلي ولم يتعاقدو مع محترفين اثنين والثالث على الطريق يقال انو تونسي، غير محمود مرضي اللي الجزيرة حاطط عينو عليه ،،فيا اخوان مبارتنا معهم مش نزهة هم بيشتغلوا على السكيت شاطرين مش مثلنا الشاطر اللي بيزت بوست او موضوع عشان اللايك والحصري!!
خيط رفيع بين الثقة بالنفس الزايد عن حدو وبين الغرور،، الحذر واجب ولنتذكر انه الجزيرة يريد التعويض امام الوحدات خاصة انو الوحدات تفوق على الجزيرة بمناسبات عديدة،، لا نريد الالتفات لما يحصل بالجزيرة، مش شغلنا، خلينا نركز مع فريقنا وبس!!
نعم صدقت الجزيرة فريق محترم وعنده ثبات بالتشكيلة وعمل ؏ــﻟى التعاقد مع الفلسطيني المطران والسوريين عواطة والعجان وعندهم حراسة ممتازة ومدرب محنك فكل الحذر منهم. لكن للاسف كل التشويش ؏ــﻟى الوحدات مٓـ❧•ـنّ جماعة الحصري يعني خبر مثل هيك شو مُمْكـcan☆ــטּًًًْ يفيدنا.
شكرًا لكـــے ؏ــﻟى حرصك للإظهار الصورة الحقيقية لمنافسنا.
اتمنى من الجهاز الفني واللاعبين عدم الوقوع بخديعة ( المشاكل المالية للجزيرة ) وبالتالي الاستهتار لان الجزيرة فريق قوي ومنظم ويستعد لكاس الكوؤس بصمت بعكس الوحدات التي اصبحت اوراقه مكشوفة
منذ ان تولى جمال محمود الادارة الفنية عاد علو كعب الوحدات على الجزيرة
كل الشكر لكل من مر على الموضوع، للتذكير فقط، خط دفاعك بالكامل مع الحارس تغيرو، كلنا ثقة بالكابتن جمال والجهاز المعاون معه، بس لا تستهين بفريق متاهل لنهائي كاس اتحاد اسيوي وفرصته قوية يوخذ مليون دولار وبالتوفيق ان شاءالله، بس لا للاستهانة بفريق الجزيرة وتصوير الموضوع انو الوحدات رايح نزهة يوخذ كاس الكؤوس ويروح، تتساش خسرنا كاس الكؤوس من موسمين او ثلاث امام الاهلي وامام جهاز فني سوري ايضا اعتقد الكابتن بحري مع انو الجميع مان باصم بالعشرة وضامن فوز الوحدات وقتها وشو كانت النتيجة/
؟؟!!،، فريق الجزيرة فريق محترم وعلينا الحذر ولعب عدد من المباريات الودية مثلنا مثلهم يعني الفوز عليهم مش مضمون، بالتوفيق للاخضر