عزيزي اشرف
هذه كانت اسعار التذاكر في المواسم الماضية ولكن هذا الموسم وعندما اصبح الريع للاندية تم اتخاذ هذا القرار وكان اكثر المتضررين منه نادينا لانه صاحب اكبر جمهور ولكن مع زيادة شكوى الاندية بسبب قلة ايرادتها تم التراجع عن القرار
طبعا كلنا مع الجمهور ومع مراعاة الظروف الاقتصادية ولكن على اي حال اكثر الاندية استفادة من القرار هو نادينا لانه لن يكون هناك جمهور اكبر منه وحتى مع مقاطعة الجماهير
إذا كان الوحدات هو المستفيد فعلاً وكنا نفكر بدعم النادي من خلال ذلك الدينار فإنني أقترح أن تبادر الإدارة بإنشاء صندوق خاص لجماهير الوحدات لدعم النادي.. ولا بأس بإطلاق حملة جماهيرية يطلق عليها اسم "دينار دعم النادي" !
المسالة ليس بسعر التذكرة الغالية الثمن اصلا ...ولكن بالمبدا نفسه ..يعني ليش يذهب الجمهور ويدفع مصاري وبالاخر يتعرض لهراوة دركي بدون سبب وجيه ؟؟؟ مش مستاهلة اصلا .....تجاهل ما حصل مع جمهور الوحدات غير مبرر ولم نسمع اي مسؤول يطمان الجمهور الوحداتي بان الاسلوب قد تغير في الملاعب ....
لو ادراتنا بتخاف على ناديها تفتح باب التبرعات بالنادي بدل ما تسكره بوجه جماهير النادي وليفتح نادي الوحدات حساب بنكي يضع فيه جمهور الوحدات سعر التذكرة بدون ما يذهب للملعب خلي الاندية الثانية تحصل على تمويل من خارج جيوب جماهير الوحدات ...مع مقاطعة الجماهير للملعب حتى حصول جماهير الوحدات على حقوقها ....ولتذهب كل بطولات العالم الى الجحيم اذا رح تكون على حساب كرامة جمهور الوحدات ....
اخ هيثم كيف حسبتها حضرتك وطلع الوحدات المستفيد ؟
يارجل الوحدات جمهوره دائما حاضر كان بليرتين والا ب 5 وانا لما كنت اروح على الملعب كنت ادور على مكان فيه جمهور ومكان منيح للجلوس وما كانت تفرق سعر التذكره لانو اللي طالع على الملعب بكون فاقد اكثر من 5 ليرات يا صاحبي
الوحدات معظم جمهوره مسكين بقيم من فمه وبحط للتذكره وياما دخلت ولقيت اولاد مجمعين حق تذكره واحده وعددهم اربعه بقعدوا يترجوا بالعالم يفوتوا معهم طبعا جمهورنا بقصرش بس الدرك برفض الا كل اثنين صغار بتذكره وكنا نوزع فيهم
االلي بحب اوصله انو هذول الصغار عاشقي الوحدات من الصغر رايحين ينحرموا من الوحدات بهاي الطريقه وغير الصغار في كبار بالسن متقاعدين بفرق معهم الشلن وفي شباب يوميتو كلها بتطلعش ليرتين فما تقيس على نفسك والا على نفسي لازم نحصر كل الجمهور
فكرك جمهورنا اللي بدخل الثالثه مش حاب يقعد بالاولى والا بالثانيه مثلا؟ لكن هاي قدرتهم فشو يعملوا المساكين ؟
بعيدين الريع بروح مناصفه مع الفرق الاخرى يعني صرنا نطعميهم صح !!!!!
بتعرف لو زي بلاد الاجانب كل واحد بشتري بطاقه تكون محدد فيها النادي ويروح ريعها للنادي صدقني لانصير نشتري بطاقتين كل واحد الو ولواحد مش قادر حتى يفوت كبر عدد من الجماهير واحنا بنكون فرحانين انو المصاري كلها لنادينا رايحه
اما هيك لا فهذا كله تضييق على جمهورنا فقط لاغير - لانو شباب الاردن جمهوره قابض وحق التذكره بالاولى وبالمنصه واصل سلف وجمهور الفيصلي 3\4 بفوت ما بكلفه غير كلمة مرحبا ياقرابه والربع الباقي بكون من الرابطه تبعتهم وانت بتعرف هالشي
بضل جمهورنا وجمهور الرمثا هذول رايحه عليهم والبقيه ما في عندهم جمهور اساسا
فكيف حسبتها انو الوحدات اكبر المستفيدين ؟