نفس أرجيلة ... من الآآآآآآآآآآآخر !!! - نفس أرجيلة ... من الآآآآآآآآآآآخر !!! - نفس أرجيلة ... من الآآآآآآآآآآآخر !!! - نفس أرجيلة ... من الآآآآآآآآآآآخر !!! - نفس أرجيلة ... من الآآآآآآآآآآآخر !!!
يعني الساعة 4 الفجر عنا ، وقاعد ببحبش على رد يفش غلي على نتيجة المباراة اللي أصلا ما حضرتها لأنه كان عندي مباراة أهم " بطولة التركس الدولية للجالية العربية " ، ما حدّش يحكيلي ليش معتبرها أهم من مباراة الوحدات ، بقول السبب الأول لأنها مفروض تكون مباراة محسومة ، وثاني شي مباراة التركس ما بتتعوض خاصة أنها تضم النخبة العربية في هذه اللعبة المتعوسة ، شو بدكم بالطويلة ... الطاولة طلعت علي عشرة بلدي ، ولما رجعت عالبيت وفتحت النت ، قلت خليني بلكي عوضت شوي من معنوياتي ، لقيت الطاولة طلعت على راسي عشرطعش بلدي ... !!
المهم .. شو بدكم بطولة السولافة ، بلّشت أبحبش على رد يرفع شوية من معنوياتي ، صدقوني مش من ورى الوحدات ... لا لا لا من ورى " غلب التركس " صدقوني غلب طلع من راسي ، بحبشت على مواضيع هيثم وابو فارس وردود الشباب الحلوة برضو ما ظبط الفلم ... !!
حكيت لحالي ما ألك غير نفس أرجيلة راح تنسى أبو اليوم اللي لعبت فيه بطولة التركس للجالية العربية ، بالفعل سويت نفس من الآخر ومن أول حجر حسيت حالي فايز ببطولة التركس ولأ وإيش حسيت حالي فايزين بمباراة الجزيرة ، وما لقيت حالي إلا وبكتب بموضوع كله تفاؤل والنفس على ودنه ومن الآآآآآآآآآآآآآآآخر عرفت أنه الوحدات هو " العالمي " و " الزعيم " و " المارد " و " الامبراطور " و " سيدهم وتاج راسهم " ...... خاوة !!
عرفت أنه لعيبتنا بشر ، ولادنا بشر ، كل يوم تدريب وكل كام يوم مباراة وبتيجي تلعب مباراة أصلا اسمها " شوووت ونام " ، وعرفت أنه الدوري لسة بأوله وصحابنا المنافسين مش مصدقين حالهم أنهم متصدرين وأنه الدوري فيه رايح جاي ...!!!!
المهم .. قبل كام يوم كتبت موضوع " قف .. أنت عالمي " قاموا جماعتنا نزّلوا صفة جديدة الهم وهية " العالمي " ... طبعا هسة همة قاعدين بقروا بموضوعي هاظ ، فبحب أحكيلهم تنسوش خط باص الزرقاء - عمان - الزرقاء رايح جاي كام موسم يمكن هالسنة تكون الظحكة أوسع لأنه من أول تعادل صرتوا ترقصوا وكنتو مستكثرين علينا الظحكة طوال هالسنين اللي ماسكينكم الخط رايح جاي ..!!
حبيبي عبده شو كاين مسوي فيهم ... فشوا رأيكم تهدوا وتوخدولكم نفس ترى كلها تعادل راعاكم الله !