للاسف حاله غريبه بشوفها بالموقع من الاغلبيه من الاعضاء ومشجعين الوحدات بشكل عام في معظم امور النادي.وخصوصا علاقة النادي بالاتحاد والامن والدرك
كيف بنطالب ادارة الوحدات تكون قويه واحنى مهزومين من الداخل .والاغلبيه بصورلك الموضوع كانه عايشين بغابه
حكم غلط بنحس بظلم رجل امن اتصرف غلط او لاعب تافه استفزنا على طول بننهار وبنشتغل على وتر الضعف وقلة الحيله
الموضوع عيب فينا احنى مش فيهم ولا بالاداره لانه ادمنا الانبطاح والضعف
بيوم من الايام كانت مباراه كاس اتحاد اسيوي بين الوحدات والفيصلي وكانت على ارض الوحدات وكان مسموح دخول 500شخص من قبل النادي للمنصه الرسميه عن طريق كشوفات بحددها النادي
وكان في بعض الإخوان من موقعنا الهم اسماء بالكشف ووقت حاولو الدخول منعهم رجل امن على الابواب وصار نقاش بينهم بطريقه وديه ورجل الامن ركب راسه ورفض بحجة انه مافي مكان مع انه العدد الي دخل ما وصل 200 .تصادف الموضوع مع وصول سامي السيد الرئيس للنادي بوقتها
ومباشره طلب من رجل الامن انه يستعدي الضابط المسؤول عنه وحاول رجل الامن انه ما يوصلو للضابط لانه عرف انه سامي فاهم وعارف القانون وعارف شو يتصرف
وقتها طلب سامي من جمال وثائر جسام انه يسحب الفريق مباشره .وقله بالحرف( بدي اروح العب بالدوري السوري) الامر الي اجبر رجل الامن يستدعي الضابط الي بدوره اعتذر اعتذار شديد للشباب ورئيس النادي بكل ادب واحترام وسمح بدخول عدد اكبر من المتفق عليه وحتى بدون التفتيش والإجراءات الي بتكون على الابواب
زبدة الكلام انه احنى مش بغابه لكن احنى ما تعودنا نطلب حقنا وتعودنا انه نرمي ضعفنا على شماعة ضعف الاداره
لو كنا جمهور منظم صاحب كلمه ومتفقين ما رح يضل اداري ضعيف بالنادي حتى الجبان منهم رح يكون مرغم انه يتحول لشجاع لانه عارف انه وراه جماهير قادره وقويه
ملاحظه
موضوعي مافي نوع نن الدعايه لسامي السيد الي اختلفت معه بالماضي ومختلف معه بالحاضر والمستقبل
لكن قصه صارت وموقف يشكر عليه بوقتها
بتفق معك انه وصلنا حالة كبيرة من الاحباط .. بس لا احنا بغابة وصح ممكن بمواقف شجاعه بوقتها (لحظية و ارتجالية) يرجعلنا حقنا او جزء منه ،، بس على الغالب مارح نوخذ حقنا لانه فش وراه مٌطالب،، واحداث القويسمة وغيرها وغيراتها كثيرة وللاسف دايما بتضيع حقوقنا !!
التحدي بموضوع يكون للجماهير كلمة انه معناها لازم يكون في تجمعات سواء عن طريق روابط او جروبات والغالبية العظمى مننا مش فاضيين لوجع الراس الي بيجيي من ورا هيك تجمعات وبتعرف كيف فش اسهل مايلفقولك تهمه او يقززوك اذا بدك تطلع ورقة عشان تسافر ولا تشتغل بره !!!
ملاحظة : هذا الحكي مش بس بنطبق على الوحداتية (مع العلم انه بتنهضم حقوقنا بدرجة اكبر) بس على الشعب بمجمله..
وصار الواحد للاسف الشديد ما بياخذ حقه الا اذا كان وراه ناس تروح تكسر و تحرق وتطخ او قرر يطلع يضحى باسمه ويشهر نفسه للعلن !!!
هذا اكبر دليل ان الضعف بالادارة لانه حسب كلامك رئيس النادي اللي وقفلهم
يا صديقي مش مهم مين الي وقف
المهم انك قادر توحذ حقك وسهل
بس كون مقتنع انك اكبر نادي واكبر جمهور بالبد
وانك مش اشي قليل
لس تعرف قيمة ناديك وجمهورك بتجبر الكل يهابك ويحترمك
هلا بالشاويش والله ...
اخ مهند اللي بعملوه معنا شغل ممنهج ومنظم طبعامن فئة بتشتغل حقدا عالوحدات وبتعمل شغل ممنهج من يوم ما صار فيه وحدات.
اللي بصير هو عملية إذلال واضحة ومستمرة وقف أمامها من وقف إداريين أو مسؤولين وحداتيين ولكن بالمحصلة هذا العمل الاستفزازي الاذلالي الممنهج مستمر .
" امشي عدل يحتار عدوك فيك "
طبعا هناك مسؤولية كبيرة على رجالات الوحدات خاصة الإداريين منهم والإعلاميين بالتصدي على كل التجاوزات الغير قانونية ، فمن غير المعقول أن يشعر المشجع الذي يأتي لمشاهدة مباراة رياضية انه مستهدف كغيره من الخارجين عن القانون وكمن يأتي للشغب والشتم ، يجب أن يكون هناك وعي من الجميع أن القانون بجانبك مادمت تمشي بالقانون ومادمت تمشي " عدل " ولن يجرؤ أحد على إيذاءك وان فعلوا فلن تدوم إلا لحظات لأن القانون معك .
حالة الاحتقان الحالية لدى جمهور الوحدات هي حالة مفتعلة بداية باهتزاز الفريق فنيا والتراشق الإعلامي من مدرب سابق وآخرين يستغلون الفيسبوك وغيره لدس السموم والفتنة بين الجماهير الى التجرؤ على شق الصفوف بين جماهير الوحدات على المدرجات .
هي فوضى شاملة تؤججها للأسف الأقلام السوداء الحاقدة على كل شيء أخضر والتي كنا ومازلنا نحاربها إلى الآن ولكن البعض يجاريهم لمصلحته فقط .
بالماضي وعندما نشعر بشيء مثل هذا كنا نجتمع في النادي بل وكنا نجتمع مع إدارة النادي والتحدث وإطلاق ما في القلوب من غصة فيرتاح الجميع ، أما اليوم فالجميع يساعد على الفرقة بقصد أو بغير قصد وهناك من يؤجج هذه الفرقة للأسف من داخل نادينا لخدمة مصالحه فقط وخدمة الانتخابات القادمة .
همسة :
حتما سنعود ماردا جبارا فتاكا سنعود نماريد لن تفلح معها المهدءات وسنضرب وسنوجع من يظن أن الوحدات له وحده ... !!!
هلا بالشاويش والله ...
اخ مهند اللي بعملوه معنا شغل ممنهج ومنظم طبعامن فئة بتشتغل حقدا عالوحدات وبتعمل شغل ممنهج من يوم ما صار فيه وحدات.
اللي بصير هو عملية إذلال واضحة ومستمرة وقف أمامها من وقف إداريين أو مسؤولين وحداتيين ولكن بالمحصلة هذا العمل الاستفزازي الاذلالي الممنهج مستمر .
" امشي عدل يحتار عدوك فيك "
طبعا هناك مسؤولية كبيرة على رجالات الوحدات خاصة الإداريين منهم والإعلاميين بالتصدي على كل التجاوزات الغير قانونية ، فمن غير المعقول أن يشعر المشجع الذي يأتي لمشاهدة مباراة رياضية انه مستهدف كغيره من الخارجين عن القانون وكمن يأتي للشغب والشتم ، يجب أن يكون هناك وعي من الجميع أن القانون بجانبك مادمت تمشي بالقانون ومادمت تمشي " عدل " ولن يجرؤ أحد على إيذاءك وان فعلوا فلن تدوم إلا لحظات لأن القانون معك .
حالة الاحتقان الحالية لدى جمهور الوحدات هي حالة مفتعلة بداية باهتزاز الفريق فنيا والتراشق الإعلامي من مدرب سابق وآخرين يستغلون الفيسبوك وغيره لدس السموم والفتنة بين الجماهير الى التجرؤ على شق الصفوف بين جماهير الوحدات على المدرجات .
هي فوضى شاملة تؤججها للأسف الأقلام السوداء الحاقدة على كل شيء أخضر والتي كنا ومازلنا نحاربها إلى الآن ولكن البعض يجاريهم لمصلحته فقط .
بالماضي وعندما نشعر بشيء مثل هذا كنا نجتمع في النادي بل وكنا نجتمع مع إدارة النادي والتحدث وإطلاق ما في القلوب من غصة فيرتاح الجميع ، أما اليوم فالجميع يساعد على الفرقة بقصد أو بغير قصد وهناك من يؤجج هذه الفرقة للأسف من داخل نادينا لخدمة مصالحه فقط وخدمة الانتخابات القادمة .
همسة :
حتما سنعود ماردا جبارا فتاكا سنعود نماريد لن تفلح معها المهدءات وسنضرب وسنوجع من يظن أن الوحدات له وحده ... !!!
هلا يازوري
زمان عنك
كلامك سليم ميه ميه
لكن كل الامور الي حكيت فيها
حل الوحيد انك تكون قوي مش ضعيف
وعلى فكره الظلم مش بس على الوحدات
فريق الرمثا وجماهير الرمثا تعرضت لظلم ممكن اكثر منا
طيب هون ما بنقدر نحكي طابع عنصر
الوضع بشكل عام قوي وضعيف
رح انزل بعد ايام موضوع عن سفرات الوحدات الخارجيه
وكيف الانديه الكبيره كانت تشوف الوحدات وتحترم الوحدات
لكن للاسف كانت المشكله انه ابناء الوحدات مش محترمين النادي ولا نفسهم حتى
اخي العزيز قوة النادي برئيسه واعضائه وقوة الفريق الذي يعكس صورة البطل على كل مشجع وحداتي
لكن اليوم حدث ولا حرج اداره ضعيفه واعضاء يتنافسون على الكراسي والمسؤوليه ولاعبين يبعث الله
برأيك شو راح يكون وضع الجماهير بهذه الحاله .