متى ننتهي من هذه الظاهرة!!!!!!!! - متى ننتهي من هذه الظاهرة!!!!!!!! - متى ننتهي من هذه الظاهرة!!!!!!!! - متى ننتهي من هذه الظاهرة!!!!!!!! - متى ننتهي من هذه الظاهرة!!!!!!!!
بعتذر منكم كلكم لانو الحكي موجه لكل الوحداتية
نعم يا اخواني احنا ما بنعرف غير التنظير وما في حدا اشطر منا بالتنظير
كل ما يصير شغلة وما تعجبنا بنبلش تنظير
بتلقينا بنظر على الادارة وعلى اللعيبة وحتى اللي بلموا طابات بنظر عليهم
وبدنا كل اشي يجينا واحنا قاعدين ومرتاحين
مشان الله فكوكوا من التنظير والحكي وخلينا نعمل اشي عملي و واقعي
كلنا بنعرف انو في ضغوط كبيرة على الادارة وفي خطوط حمرا ما بقدروا يتجاوزوها حتى لو كان رئيس النادي دولة فيصل الفايز ومع هيك بتلاقينا ابلشنا بالادارة عشان يعملوا اشي مستحيل
اي حتا لما قرروا يعلقوا المشاركة كثير منا ما عجبهم هالقرار
يا ناس يا جمهور يا كبير
اسمحولي الوم الكل و انا اولكم
لليوم مش قادرين نتفق على اشي ونعملو على ارض الواقع
يا اخواني اذا الادارة مش قادرة تتجاوز الخطوط الحمرا
احنا لازم نقدر نتجاوزها ما احنا رابع اكبر جمهور في العالم
يعني لو ربع الجمهور وقف واعتصم قدام الاتحاد غير يعملوا بلبلة
وشو بدهم يعملوا فينا اكثر من اللي عملوه؟؟؟
ضرب وانضربنا تقولنا بس
مسبات وبهدلات واهانات
يعني الواحد فينا جرب كل هاي الشغلات معهم
طيب ليش خايفين؟؟
ليش مش مسترجيين نعلنها لكل الناس انو جمهور الوحدات رفض كل الظلم اللي الو سنييييييييين بعاني منها وناوي يوخد حقو بايده هاي المرة؟؟
ولكم في مصر وشباب مصر عبرة
بعتذر مرة ثانية منكم كلكم
ومستعد استقبل كل انتقاداتكم لتنظيري عليكم
احنا عايشين داخل دولة بحكمها انظمة وقوانين وماحد بقدر يتجاوزها في جهات كثيرة لازم الواحد يلجأ الها قبل ما يتم الموافقة على عمل مظاهرة او اعتصام بعدين دخلك الاعتصام شو بده يعمل طول عمرنا مظلومين من الاتحاد الملعب هو المكان الوحيد الي ممكن انه نثبت فيه انه الوحدات كبيرهم وزعيمهم
انا معك قدومي 100%.. احنا الجماهير بنعتصم في المدرجات وبنشجع فريقنا بحرارة ومنغيله احلى الاغاني..وانا من ناحيتي رح احمل يافطة خاصة (للكابتن مخادعة) من النوع اللي بليق في هو واللي ضابه واللعيبة مع الجهاز الفني بيشدوا حالهم وبكسحوا كل الفرق اللي بنلعب معاها وهيك بنكون اخرسنا كل الالسن السيئة وعورنا كل العيون المتربصة واوصلنا رساله قوية لكل العالم..هنا الاخضر..هنا الزعيم