" مش كادر أكول البغله في الابريك" - " مش كادر أكول البغله في الابريك" - " مش كادر أكول البغله في الابريك" - " مش كادر أكول البغله في الابريك" - " مش كادر أكول البغله في الابريك"
البغله هي حيوان يستخدم للحراث والكتل مهمته في الحياة يوكل كتل
الابريك: يعني الابريق ابريق المي ...بركان الكهوه .... الرتشوه المهم
يقال هذا المثل: هذا المثل بيقولوا الشخص المغلوب على امروا ويلي بيكدرش يحكي مثلا زلمه محكوم لمرته تيجي تقولوا ليش يا فلان مطرود بره الدار بيكلك هو "مش كادر أكول البغله في الابريك"
قصة المثل عشان تفهموه لأنو مثل صعب شوي والمعظم ما سمعو فيه
بيكلك مره في ختيار كبير كاعد بين ولادوا ونسوان ولادوا ومرتوا يعني كعده عائليه هلأ مرتوا عملة ابريك شاي عشان يغمسوا كرشله معو ههههه المهم حطت الابريك كدام الختيار الا الختيار شو بيكول: يا ولاااااااد ألحكوا البغله كاعده بتنط جوه البريك!!!!!!!! كلولوا شووووو؟؟؟ كلهم والله مش شايفين هيها كاعده بتدخل جوه البريك!!! هلا اجت مرتوا كالت يا ولاد هذا شكلوا ابوكم هسهس وخرفن ومش بعيده انجن خذوه على مستشفى المجانين شوفوا مالوا
الولاد ما تشذبوا خبر حملوا أبوهم و ما رد راسهم الا العصفوريه ....أجا الدكتور سأل الختيار أنت فعلا شفت البغله جوا البريك؟؟؟ كلوا الختيار ااااااااه والله العظيم شفتها يجعلو يطلعلي تلوله في لساني اذا بتشذب!!!! ....كلهم الدكتور بدنا انيم الوالد عنا اسبوعين على هالخبريه.... الولاد برضو ما تشذبوا خبر كلولوا ااااااااه يا ريت ههههههه
هلأ بعد اسبوعين المستشفى حكوا للولاد ابوكم سليم ومفيش فيه اشي تعالوا خذوه.....اجو على الدار وعملوا هالكعده المرتبه وأجت زبيبه "الي هي مرتوا للختيار" عملت هالمره ابريك ينسون عشان مرة الولد التشكبير نفسى ووالده جديد ههههههههه المهم فجأه هالختيار شاف البغله كمان مره بتنط جوا البريك!!!!!!!!!! صفرن وعينيه فرين ومعرفيش في *** مين يندس!!!! كال وبعدين والعمل؟؟ اللحين اذا بدي أكول البغله في البريك كمان مره بدهم يرجعوني على العصفوريه وانا اتبهدلت هناك وأتشلت روح الخل
.....الولاد انتبهولوا كلولوا يا با مالك؟!!!!!!!!!!! خير شو فيه كلهم المثل المش شهير :
يا كبرتوا ثم أبوكم "هو أنا كادر أكول البغله في البريك"