لورد يا صاحبي اذا بتحضر الحلقة كمان مرة وتعد كم مرة انا حكيت غياب لاعبي الأولمبي اثر على الفريق بتلاقيني عدتها اكثر من خمس مرات ولما سألني المقدم ان غياب لاعبي الأولمبي مش مبرر جاوبتوا بوضوح انه مؤثر وحكيت بالبداية أسباب الخسارة أنوا الوحدات افتقد دكة قوية لغيابهم وكررت اكثر من مرة أنوا غيابهم اخل بالفريق كثيراً وحكيت أنوا لو صالح ورجاءي موجودين لتغيرت المباراة وكررت كذلك ان غياب صالح واحمد هشام كان مؤثر كلواهالحكي ما سمعتوا بس كان غيابهم مؤثر أكيد بس مش السبب الرئيسي ..لو كنت بجامل
زي ما تفضلت كان ما حكيت ان الاتحاد ظلم الوحدات وعاقبوا على ذنب ما ارتكبوا جمهوروا ولو كنت مش واقعي زي ما تفضلت لحكيت انوا الوحدات كان لازم ما يبعث لعيبتوا للمنتخب وطخيت على الادارة لانوا هاد كلام مش واقعي وانا مش تبع طخ فشك على الفاضي وأخيرا أنالما انتقد بعرف ليش بنتقد وهدفي كان الأشياء اللي بتهمني لمباراة القادسية واللي بعرف فنيا يقرا ما بين السطور يدرك مغزاي ولو كان هدفي انتقاد ما حدث في مباراة الفيصلي كانت حكيت أشياء غير اهم حدثت في المباراة وهي أسلوب اللعب لانوا هون كانت العلة في مباراة الفيصلي.. في كرة القدم لما تلعب مع فريق بدافع بعشر لاعبين ًوبخطين دفاع ثابتين تقريبا في أشي أسموا قلب اللعبswitching وهذا أسلوب في كرة القدم الحديثة واحضر مباراة ألمانيا والجزائر بلا تشبيه بتعرف شو قصدي بس انا ما كان هدفي أتفلسف واحكي أشي ممكن ما ينفهم ومش طبعي امارس دور الموجه والناصح لمدرب بحترموا اولا كشخص وبسمحش لنفسي اوجهوا هدفي كان مباراة القادسية اكثر ورسالتي بفهمها اللبيب..وارجع احضر الفيديو كمان مرة بتلاقيني حكيت حرفيا اللاعبين خذولوا المدرب في جانب معين انا عارفوا ومدركوا.. عمروا ما كان هدفي انتقاد شخص الكابتن عبدالله ولكن لما يكون في شي ممكن يأثر على الوحدات في مباراة مهمة لازم انتقد لانوا ببساطة الوحدات عندي اهم من اي شخص..أسف على الإطالة بس حبيت أوضح وجهة نظري لوحداتي غيور على فريقوا زيك وبعرف أنوا قلبك نظيف ..
عداك العيب استاذ رأفت ما قصرت حكيت الواقع والمنطق سلمت يا غالي ونتمنا ان تصل رسالتك