حيره بين الاغلب من جماهير الوحدات خلال اكثر من عامين عن اسباب تراجع الغريق بشكل ملحوظ .وبطلوتين دوري غير مستحقات .وخصوصا قبل عامين .بس ضعف المنافسين من الانديه الاخره.وكثرت التحليلات والنقاشات .عن الاسباب. راح البعض لضعف المدربين .مع العلم انه درب النادي مجموعه منوعه من المدربين والوضع زاد سوء.والبعض توقع السبب مشكلة لاعبين مع العلم انه.لاعبين الوحدات مقارنه مع المستويات الموجوده بالدوري يعتبرو الافضل تقريبا او نفس مستوى لاعبين الانديه الاخرى..والبعض تصور انه السبب مادي ومافي حافز.مع العلم ورغم كثير من الامور الغير سليمه.بالنادي لكن.الوحدات يعتبر الافضل بين جميع الانديه بالاردن من النواحي الماديه والالتزام مع الاعبين.لكن قليل جدا من الاخوان ناقشو موضوع رفع المعنويات ومسؤولية اسم بحجم اسم نادي الوحدات.وجماهير نادي الوحدات.وبتصوري هي من اكبر اسباب الضعف الي وصل اله نادي الوحدات.
رح اكتب عن قصتين من الماضي .بتاكد حاجة الوحدات لشخص او مجموعه اداريه ترفع معنويات لاعبين الفريق وتفهمهم حجم المسؤولية .
اجتماع صار بنادي الوحدات بين رئيس نادي سابق ونجوم فريق الوحدات قبل بيوم من مباراة مهمه جدا مع الفيصلي.وكان الفريق موعود بحوافز ماليه كبيره من جماهير الوحدات بشكل عام والوحدات نت بشكل خاص.وحوافز من النادي.
رئيس النادي خاطبهم بشكل حماسي وقاسي شوي.وذكرهم بقصة حرب اسكتلندا مع انجلترا.وكيف المقاتل .الاسكتلندي .اذا راح المعركه ورجع مهزوم.كان يدهن وجهه (بالزفته) من الخزي.ووجه كلمته.للاعبين الفريق انه اذا بتخسرو لازم تروحوا داهنين وجوهكم بالزفته.ونهاية الحديث كان انا ما عندي حوافز ماديه ولا رح ندفع لاي لاعب.احنى بدنا رجال بالملعب وبدنا الدوري بالعصايه.ويومها وجه كلمه لاحمد عبد الحليم كان لسه شب صغير.انه بدي تيجي حالق شعرك الطويل بدي منك تكون رجل .وفعلا احمد نفذ الطلب.وللامانه كانت الجلسه كلها حماس.وفعلا غلبنا الفيصلي 2 صفر بكل سهوله.وبعد نهاية المباراه رجع النادي وقدم الحوافز والمكافآت للفريق.وكان الهدف انك تلعب للشعار.مش للمقابل المادي
1998
بطولة دوري
مباراه مع الفيصلي بيوم اثنين.وكان قبلها ب3 ايام يوم الجمعة الفيصلي غالب الوحدات ببطولة كاس .2..1 وصار بعد المباراه اجتماع للفريق وكانه كارثه حصلت .ولانه فعلا بوقتها كانت خسارة الوحدات كارثه.والفريق انشحن بطريقه كبيره وصار الكل بستنا بيوم الاثنين للرد .وكل حمل مسؤولية اسم النادي والجماهير .وبدون حوافز ماديه ولا عقود ولا محترفين.وفعلا كان الرد بالملعب يوم الاثنين.بالمباراة التاريخيه.3 صفر.هدف ابو هنطش وهدف ابو زمع الشهير وهدف سفيان عبد الله.مباراة بتاريخ الوحدات ما كان فيها حماس بهيك طريقه.صغط من اول المباراه لاخر دقيقه.كان للوحدات وكانه بساحة معركه.
الاشي المهم بالموضوع.من الجمعة للاثنين.هل في مدرب تغير؟ لا.تشكيلة الفريق.تغيرت ؟لا .طريقة.اللعب تغيرت؟لا
هون الي افرق هو توعية الفريق ودعم الفريق معنويا .وتذكيرهم بحجم وقوة تسم نادي وجماهير الوحدات.بداية شباب الاردن.كان النادي يدفع مبالغ كبيره.وكثير من لاعبين الوحدات رفضو.لانه كان الوحدات بنظرهم رمز وجماهيره الأكبر والافضل.وانجاز كبير انك تقدر تلعب بالوحدات.اليوم .اختلف الوضع وبطل حد يعرف معنى اسم الوحدات.وصار ممكن اني ابيع اسم الوحدات مشان الماده.
هي الي ناقصنا يا اخوان اداري او رئيس نادي يعرف يخلي اي لاعب خصوصا الجيل الصاعد يعشق اسم الوحدات مشان بالملعب يعرف انه بمثل اشي رمز وكبير والغلط ممنوع.
الاسباب كثيرة،
اهمها باعتقادي التخلي عن المدرسة الكروية الوحداتية والاعتماد على اللاعب الجاهز،....
الوحدات....مصدر الدفاع سواء بالنادي او المنتخب....صار يعتمد على الاستوكات
والمصيبه واحد منهم كل ما يشوف وضع المباراة زفت بيدعي الاصابة،....طبعا انا حكيت انه هذا اللاعب عنده اصابه مزمنة (للاسف تعرضت للهجوم من قبل بعض الاخوان هون)
اخ مهند كلامك في الصميم ويجب على كل لاعب ان يعشق الشعار والكلر الذي يرتديه والنادي الذي سيجعل منه نجم وقاعده له للانطلاق على النجوميه
واهم شيء لعيون هذا الجمهور العريض الذي يرتحل مع الفريق اينما ذهب ويقف خلف الفريق في السراء والضراء فله منا كل محبه وتقدير ، فراس مال اللاعب هو هذا الجمهور .
الاسباب كثيرة،
اهمها باعتقادي التخلي عن المدرسة الكروية الوحداتية والاعتماد على اللاعب الجاهز،....
الوحدات....مصدر الدفاع سواء بالنادي او المنتخب....صار يعتمد على الاستوكات
والمصيبه واحد منهم كل ما يشوف وضع المباراة زفت بيدعي الاصابة،....طبعا انا حكيت انه هذا اللاعب عنده اصابه مزمنة (للاسف تعرضت للهجوم من قبل بعض الاخوان هون)
لي رجعه مهند
الله يصبحك يالخير,,يا اخوي وين اللاعبين اللي كانوا مع ابو زمع !! اولا الجمهور طفش ابو زمع ومع الوقت اللاعبيين ابناء النادي طفشوا..االلي بقهرك لما اولاد النادي يطلعوا من النادي بصيروا يكرهوا بشكل غررريب واكبر مثال قويدر وسريوه وغييرهم
يبقى الوحدات غير اخي مهند، مهما تعاظمت علينا المؤمرات يبقى الاخلاص للنادي هو العنوان الرئيسي، هناك الكثيرين المخلصين للنادي،، ندعو الله ان يؤلف بين القلوب ويبعد النادي عن كل الحروب،
يبقى الوحدات غير اخي مهند، مهما تعاظمت علينا المؤمرات يبقى الاخلاص للنادي هو العنوان الرئيسي، هناك الكثيرين المخلصين للنادي،، ندعو الله ان يؤلف بين القلوب ويبعد النادي عن كل الحروب،
وبلزمنا شخص يوصل للاعبين الفريق هي الفكره انك بتلعب وبدافع عن رمز
الوحدات لو كان بس نادي كان زمانو مثل اي فريق الجزيرة اوالبقعه او عين كارم او ......................اي فريق مع احترامي للجميع بس الوحدات مش فريق فطبول الوحدات كيان حي كشجرة متجذرة تسقط اوراقها وتجف اغصانها ولكن جذورها ممتدة وسرعان ما تنطلق اوراق خضراء واغصان يانعه تناطح عنان السماء شامخه يستظل بها من اراد وياكل من ثمرها من اراد وتلفظ كل من اراد بها السوء من حشرات او جاحدين او حسودين او مغفلين انه هذا الكيان المعشوق خليل الروح العصي على المؤامرات قاهر المتسلقين وحبيب الصديق الصدوق .