يا اخوان الموضوع مش مؤامرة ولا هم يحزنون
الاتفاق صار بين الاتحاد والاندية انه الدرع بدون عناصر المنتخب واحنا صارت سنة عندنا نشارك بفريق النجوم الصف الثاني علشان نبرز المواهب اللي عندنا وندمجها وهيك بصير في حافز للشباب تنضم للوحدات لانه في امل في المستقبل انه يلعب ويصير اله اسم وكمان علشان ما نصير نشتري كل موسم لاعبين بالعفق وبلكي زبطوا وبلكي لا.
غيرنا كل موسم بشتروا لاعبين على الجاهز وبلكي زبطوا مع المدرب واللاعبين الثانيين وبلكي لا وبحرقوا اللاعبين اللي عندهم ومابخلوا فرصة للشباب تطلع.
يعني بدكم نشارك بالفريق الاساسي وبعد 5 سنين نحكي وين الناشئين يدعموا فريقنا ووين كانت لجنة التخطيط اللي عندنا علشان نوصل للمواصيل هاي!!!
بعدين بطولة الدرع بطولة شرفية مش من طموح الوحدات.. حتى لو كانو عناصر المنتخب موجودين وحتى لو الصف الثاني بالمرة أنا مع وأؤيد المشاركة بالصف الثاني دائما سواء بالبطولة التنشيطية او الدرع حتى نبرز المواهب اللي عندنا وندمجها بالفريق ونعطي فرصة للشباب تلعب.
شباب الاردن اكمن صفقة عمل هاد الموسم
الفيصلي التخبط اللي هم في من ورى عدنان حمد اللي لسه بغنولو.. عدنان حمد عنده عناصر بتمشي زي مابده ومستحييل يزيح واحد ويغامر بشب.. لانه اي عنصر تاني رح يعمل خلل في التوازن الخططي ومش رح يمشي الخطة تبعتك.. بمعنى ان كان عندك ظهير سريع وبلياقة عالية وانصاب وحبيت تبدله بظهير مش نفس الموديل انشطب التكتيك الثابت اللي شغال عليه.. لانه خطته ما بتناسب اللاعبين اللي عنده. عدنان حمد اعتمد على نفس التشكيلة ونفس اللاعبين وعمره ما صعد لاعب وشوف حالة الفيصلي حاليا.. جيل القديم راح انشطب وللان مش عارفين يحطوا تشكيلة بدالها.. ان اعتمد على الناشئين فش عنصر خبرة اللي يوجههم فتاهوا وان شرا لاعبين بدهم سنتين لما يتجانسوا.
الموضوع خير مش شر واللاعبين اللي لبو نداء الوطن شرف للنادي ولاعبين الفرق الثانية اللي لسه بتشارك بالاساسي همه الخسرانين لانه لا عندهم ناشئين ولا الصف الثاني رح يكتسب الخبرة فمش رح يكون جاهز اذا احتاجولهم
كلامك سليم ولكني أرى أن هذا من مصلحة الأخضر حتى لو خسر البطولة فأظن أننا كسبنا رديفا ، أما بالنسبة للاتحاد فأظن أنه معروف لدينا طريقة تفكيره وهذه من أحدى الفرص الثمينة لازاحة المارد عن أحد رباعياته العظام ، لا تنسى ادارة معقل الشباب التي لا يهمها ان كان لاعبيها بالمنتخب أو لا فالمهم عندهم البطولات المحلية وفقط .
كلام سليم يا يازوري خسرنا اليوم وكسبنا فريق جديد ولاعبين صغار ما شاء الله عليهم
من أجل المنتخب خسرنا الدرع .... وهذا لا يهم فداءا للوطن
والمهم .... هل المنتخب كان بحاجة كل هؤلاء اللاعبين من الوحدات لمباراة الاياب مع نيبال والمحسومه مسبقا
...... ولماذا لم تقم ادارة نادي الوحدات باقناع الاتحاد بتأجيل المباراه لحين العوده من نيبال ليتمكن اللاعبين من المشاركه مع ناديهم كون اللاعبين كانوا في خدمة الوطن ومن حقنا على الاتحاد أن يخدمنا في المقابل