والله وأنا بحضر المباراة المملة اليوم لفت إنتباهي لاعب شباب الأردن محمد الحموي رقم ( 7 ) والصحيح إلي لفت إنتباهي إنو لاعب رائع جدا وسريع وصاحب مهارات فردية عالية، لاعب من طراز رفيع، بيركض صح وبيعرف ياخذ الأخطاء وخلوق ومش مشكلجي قد ما أكل ضرب اليوم ما كان يعترض أو يعصب
يعني لاعب سوري مثل هذا كم بدو يكون مكلف نادي شباب الأردن؟
وأعتقد إنو مش كبير كتير
يعني بيكون بحدود ال 50 ألف دينار؟
ليش ما فكر الوحدات بلاعب زي هذا؟ إجانا مصاري منيح السنة الماضية وهاي السنة كمان، ومش متعاقدين مع لاعبين محترفين أجانب غير كينت، إنو ليه هيك؟ راح رأفت ما فكرتوش بلاعب ياخذ مكانه زي هذا ليش؟
والله أنا شوفته ممكن جدا يكون مكان رأفت بالنادي
مش أحسن من نص لعيبتنا المزاجيين؟
إلي بينقطع منه الطابة بيزعل وبيحرن من الحكم وبدو فاول؟
والله إشي بيخزي جد
عامر شفيع طلع على أحمد أبو حلاوة بالصوت لما إجى الجول الثاني وهيه الغلطة كلها منه هوه
إمتن حنكون نادي عنا لعيبة محترفيين بجد؟ ويحترموا بعض؟ وكل واحد يعرف وظيفته؟
لازم ناخد موقف من الإدارة البخيلة، أو الحرامية بعرفش