أسمع جعجعة ولا أرى طحنا ... حديث الإجتماع المقرر - أسمع جعجعة ولا أرى طحنا ... حديث الإجتماع المقرر - أسمع جعجعة ولا أرى طحنا ... حديث الإجتماع المقرر - أسمع جعجعة ولا أرى طحنا ... حديث الإجتماع المقرر - أسمع جعجعة ولا أرى طحنا ... حديث الإجتماع المقرر
كالعادة ظهر علينا أشاوس مجلس الادارة لرمي المسئولية الكاملة والمطلقة عن دمار الفريق عن كاهلهم بإعلانهم عن اجتماع طارء لبحث امور الخسارة - واللي بسميها انا فاجعة - ولحد هسه ما شفنا خيرهم من شرهم ... وشكله مش راح نشوف
انا من امبارح وانا مش راضي اعلق ولا احكي ولا حرف من القهر اللي انا فيه ... لانه ما ضل غير الجزيرة يتمسخروا علينا بعد ما كانوا وراح يضلو الفريق المنافس للهروب من الهبوط ... بس صار لازم وقت الحكي
بس انا قبل ما اكتب هاد الموضوع عقدت اجتماعين طارئات وسريعات كمان ... الاول كان امبارح بعد المباراة مباشرة وقررت فيه انه ما احكي وما اعلق ... وهسه عملت الاجتماع الثاني وقررت اوقف قرارات الاجتماع الاول تبع امبارح
-طبعا هيك اجتماع ادارتنا ... بيجتمعوا على شان يسلموا على بعض ويشربوا قهوة ويدخنوا بس وطبعا ما ننسى الخراف الفاظي (مع التشديد على حرف ظ)
طبعا همه بدهم يجتمعوا على شان يطلعوا واحد كبش فدى ... ويا حزركم مين كبش الفدى راح يكون ؟؟؟؟؟
رأفت ؟؟؟ مدعوم من الجمهور وما بنقدر عليه
شلباية ؟؟؟ مدعوم من آل شلباية الكرام ... يعني بنطير الفريق ولا بنيجي بالصقر بلاش يحلق فوق روسنا
باسم ؟؟؟ شو بتحكي يا ابن الحلال ... المخيم كله بيقلب علينا
السباح ؟؟؟ كان غايب عن المباراة
الدميري ؟؟ كان غايب برضوا وراح يخطب ... مهو سبب الخسارة خطبته .... ولك اسكت اسكت فضحتنا
برانكوا ؟؟؟ له يا زلمة بدك تخرب بيتنا ... حصتنا لسه ما اخذناها كيف بدنا نطيره ؟؟؟
ضل صاحبنا وحبيبنا عامر شفيع ... عامر زلمة مش مصلي على النبي من اكم مباراة و وضعه مش بزيادة
اها ... وفيع فيع فيع شو بدنا نعمل فيها ؟؟؟ ... بسيطة ... بنجيب رئيس رابطة المطبلين وببلش يخبص كالعادة وبينرفزلنا اياه وبخليه يعصب وبتخلص القصة
يا اخوان بدون ما احضر اي جلسة للأدارة بس بتحدى انه يكون حوارهم غير هيك او بيحكوا بطريقة غير هاي
الله ينتقيم منهم كلهم ... تركوا النادي وصاروا يصفوا حساباتهم الشخصية ... صاروا يدمروا النادي
يا بياري مشان الله ... اطلع برة النادي