يعني نوخد الدوري وبفارق شاسع من النقاط ما هقيت أبطزبطش معنا ... متعودين نقابل منافسين جوى وبرة الملعب ، ومتعودين نعاني ونعاني قبل ما نوخد أي بطولة .
نوخد الرباعية الثانية ... وبالسهولة هاي .. يا لطيف ، أبطزبطش معنا ، لازم نشوف الويل قبل ما يكتب التاريخ الجديد للكرة الأردنية كأول فريق في العالم يحصل على الرباعية مرتين شايفين .. أبطزبطش معنا ..!!!
يا ويلنا اذا زاد طموحنا شوي .. واحلمنا بالآسيوية ، رباعية وآسيوية والله هاي قوية ، مش رايحين يتحملوا الضربة وممكن يطالبوا البطل " يرحل " عن صدورهم عن خشومهم ، ما هقيت يورطوا حالهم بإعلان الهبل في الشوارع من ورى طموحنا هذا الموسم ... أبطزبطش معنا ..!!!
خليهم يحركوا كل أحجارهم لا بل كل دماهم .. أصلا أبطزبطش معنا إلا لما نشوف حرقة رووسهم كلهم من صغيرهم لكبيرهم ، خلينا نشوف أقوى ضربة عندهم وكيف رايح يكون أقوى " شلوط " عنا إلهم لأنه غير هيك .. أبطزبطش معنا ..!!
اليازوري العزيز ...اسمحلي اغير بالعنوان واقول "ابتزبطش معاهم" ....
--"ابتزبطش معاهم" :يكون نادي الوحدات اول نادي بالعالم يحقق الرباعية الثانية ...ولكن ""ابتزبط معاهم" عندما يكون النادي الازرق اول نادي يحقق 35 مرة الدوري حتى لو كان نصفهم بالاحتيال ....
---"ابتزبطش معاهم" : يكون اول حارس محترف بدوري اوروبي وبفريق كبير يكون الوحداتي عامر شفيع ....ولكن "ابتزبط معاهم" التغني باحتراف لاعبيهم حتى ولو كانت فاشلة مثل خالد سعد ومعظم اللي احترفوا من ناديهم المدلل...
"ابتزبطش معاهم" : ان يكون الجمهور الوحداتي والترا جرينز افضل جمهور بالبلد واحلاه بشهادة سمو الامير على بل وبعملون على اخفاء ذلك , ولكن "ابتزبط معاهم" اخفاء فشل وحقد جمهور الرعاع من النادي الازرق الذي تسبب بفضائح لا اول لها ولا اخر
---"ابتزبطش معاهم" ان نكون في الطليعة والريادة والباقي يلهثون ورائنا ....
والله يا يازوري بتوقع اذا بنوخذ الرباعية كمان مرة غير يطالبو برحيل الوحدات من الاردن وارسالهم الى الدوري اليريلانكي
لانه ما الهم خبز معنا
وان شاء الله نوخذ الرباعية الثانية ونظل كاسرين عينيهم
انشالله يا رب نوخد الرباعية بس ما دام في هيك حكام ما اعتقد ضربتين جزاء المدافع طلعهم بايدو من الجول وما شافوهم الحكام اشي بيقهر ولو الوحدات سجل جول اكيد ما بيحسبو الحكم((منكم لله يا حكام)))