تحية طيبة للجميع
اولا ارى من حق اي شخص ان يبدي رأيه مهما كان طالما انه لا يسيء الادب وطالما انه لا توجد نوايا خبيثة خلف اراءه ولا اعتقد ان صاحب الموضوع اساء الادب او له نوايا مبيتة خلف هذا الموضوع.
ثانيا, تعودنا من جماهيرنا الكبيرة ان تنتقد لسبب او بدون سبب وكثيرا ما انتقدنا الاداريين والمدربين واللاعبين , فلماذا كل هؤلاء مسموح انتقادهم اما القريني ( مع احترامي وتقديري له كقامة اعلامية كبيرة ) فلا يجوز انتقاده؟
ثالثا , والحق يقال .. فأن القريني عليه شطحات وكما قال الاخ جمال نشوان فإن القريني يبالغ في بعض الاحيان وفي احيان اخرى يجامل الغير , وجميعنا يتذكر كيف انه كان يجامل الفيصلي كثيرا عندما كان يعلق على مباريات الوحدات والفيصلي خوفا من ان يقال ان القريني وحداتي ويجامل الوحدات .. وربما يكون ذكاء شديد منه ان يساير وان لا يسير بعكس التيار طالما ان الكل يعرف ان من يتحدث الحقيقة في مجال الاعلام الرياضي لا مكان له.
نعم احببنا القريني لانه وحداتي ولانه ايضا الافهم والاقدر بين الاعلاميين الرياضيين في بلدنا ولكن دعونا لا نقدسه , فلا يوجد احد منزه عن الخطأ.
ولكي لا اهاجم القريني ومن باب جد لاخيك عذرا, فلربما ان القريني يقسوا على الوحدات من حبه للوحدات ولانه يعلم ان جماهير الوحدات واعية ومتفهمة بينما لا يستطيع ان يكتب عن الاندية الاخرى وخصوصا الفيصلي لانه يعلم انه ستتم محاربته حتى لو كان كلامه صحيحا .
شكرا لصاحب الموضوع على طرحه وعلى طولة نفسه في الردود وخصوصا ان المعظم لم يتقبلوا موضوعه.
يبدو يا اخوان انكو قراتو الموضوع بس ما قراتو الردود اللي بعدها
سؤال و بدي اجابة عليه بكل صراحة :
هل الفيصلي و الشباب الان قادران على مقارعة كبار الاندية العربية , او متوسطة المستوى ؟؟؟؟
اتفق معكم زمان كان الفيصلي افضل الاندية الاردنية مشاركة خارجيا
انا بدي بالوقت الحالي ,, مش نتغنى بالاطلال
مش ضروري يا اخوان اظل اعيد و ازيد بنفس الرد
ما حدا اساء لشخص الكابتن عثمان , انا كل موضوعي بناءا على كومنتات الفيسبوك فقط لا غير , بتمنى من الجميع يقرا الردود اللي اجت بعد كتابة الموضوع
اخي العزيز ارى انك تخلط الامور وتقع بمطب اخر ..
انا بجاوبك ..
احنا ايش النا عندهم ..؟! قدروا والا ماقدروا يواجهوا ؟!!!! شو النا باللي بكتب عنهم .. ؟؟!! احنا النا بفريقنا وبس ..؟؟!! ان شاء الله ياخدو الفريقين دوري ابطال العرب ..
ليش بنفرد المواضيع للي بمدحهم ..يا اخي هو حر ...
بس يغلط عفريقنا ويسيء الادب ..بنقلله ليش اغلطت؟! مش ليش مدحتهم ؟!!!
اندااااااري ..
خلي طروحاتنا تتناسب وحجم منتدانا وجماهيرنا .. خلينا بس شايفين وحداتنا وبس ..بدناش نكون مثل اعلام غيرنا ..ونظل نشلخ بالعالم عالفاضي والمليان
يعني لازم الوحدات يغير الفريق بالكامل علشان يصير في تعاقدات , مركزين فقط اللي كانو ناقصين , صانع العاب و هي جبنا افضل لاعب بفلسطين و بلعب جوكر ظهير و جناح و صانع العاب .
احنا مش بصدد نحكي زيادة عن الفيصلي , بس هاتو اعطوني شو التعاقدات اللي عملها الفيصلي ليكون افضل منا , نص اهداف الفيصلي من بهاء عبدالرحمن اما ركلات جزاء او ضربات حرة و بمعدل هدف بكل مباراة بالدوري , يعني حسن و ابوعمارة عندهم اهداف اكثر من الفريق كلو .
مثل ما حكيت انا موضوعي عن بوستات الكابتن عثمان مش عن شخصه الكريم , بس نقطة بدي انوهلها , اللي عاجبو بوست التغزل بفريق متهالك مثل الفيصلي حاليا , شو رايو ينزل موضوع و يكتب تغزل بالفيصلي , للعلم ما كنت حاب اكتب هاي الجملة , بس اضطروتني اكتبها .
يعني بالعربي الفصيح اعطوني شخص محسوب عالفيصلي كتب شيء جيد عن الوحدات بدناش يتغزل , مش هم كمان اعلاميين مثل امجد المحالي و غيرو , مش هم نفسهم بيهاجمو بالشخصيات الوحداتية و حاربوها و اخرهم ابو زمع , مش هم نفسهم اللي حاربو رافت علي و نكشو شغلة انو ما معو شهادة تدريب خاصة باندية المحترفين , مع انو حسونة الشيخ كان نفس حالة رافت .
لمتى بدنا نظل هيك .