الكابتن عثمان القريني شخصيه محترمه اعلاميا وهذا حق له علينا ولكن لكل شخصيه اعلاميه رأي علينا احترامه طالما كان رأيا محايدا . كابتن عثمان وحداتي خالص قلبا وقالبا حتى في هجومه على الوحدات يريد بذلك ان يكون الوحدات في القمه .
أما فيما خص الفيصلي ممثل الوطن الأوحد فيجب أن ننظر اليه في السنوات الأخيره ليس السنوات الاربع بل السنوات العشر الأخيره لأنه لم يعد ندا لأحد ودائما ما يفوز بتواطء الحكام ولجان الاتحاد المختلفة لأنه نادي الوطن ونقطه على السطر . تلميعه وتنظيفه وسرد الاساطير عن بطولاته الوهمية الاثنى وثلاثون إلى آخر المعزوفة المشروخة التي يتغنى بها أي معلق رياضي وللاسف شارك بها عثمان القريني عن قصد او بدون قصد الله اعلم بالنية فهي لن تفيد الفيصلي ضمن المستطيل ألاخضر .الفيصلي ليس ندا لنا لا في الماضي ولا في الحاضر ونقطه على السطر
يا اخوان كشخص الكابتن عثمان بنحترمو
لكن صار كلامو باخر فترة تلميع و مسح جوخ
من متى الفيصلي صار ند لاندية شمال افريقيا ؟؟؟
هي مرة وحدة اللي نفذ منها و كان الجو مساعد هالفريق جاي هسا الكابتن عثمان يقلك يصول و يجول , معناتو ليفربول يصول و يجول من عشرين سنة بالبريمير ليج
نابلي من 30 سنة و هو يصول و يجول بدوري ابطال اوروبا
شو القصة يا اخوان
يعني اذا بنحترم اي شخص يعني مسموحلو يكتب عن الوحدات و يعكر صفو المعسكر الوحداتي اللي امامنا مباريات مفصلية و مهمة
كل بوست الو عن الوحدات تشاؤوم و تنفير , و اللي بيقلي تحفيز يجيبلي دليل , كيف بيحفز النادي و هو بيخوف النادي من الاندية الاخرى .
صارت عندي قناعة انو حتى لو نلعب مع المشارع رح يكتب بوست و يحذر من المشارع , الحياد مش هيك .
طيب ليش الو 15 سنة بيعمل برامج العاب قوى , ليش ابعجوه عن تحليل المباريات او عمل برامج لمباريات كرة القدم ؟؟؟
يا عمي جابلنا اول دوري على العين و الراس بس في حدود للكتابة عن الوحدات , لهيك اذا ما بدكم نحكي عن الكابتن عثمان و كتاباتو اللي بتخص الوحدات , معناتو ماجد العدوان الو حق يحكي اللي بدو اياه عالوحدات , و الخطاطبة و و و و , بما انو حرية راي و اعلاميين , و يا ريت معناتو ما نقوم الدنيا و نقعدها عليهم .
بتمنى تكون وصلت الفكرة من موضوعي
حتى هذه اللحظة .. ما زالت امور تعاقدات الوحدات الشتوية غامضة باستثناء اللاعب الفلسطيني احمد ماهر .. الذي نامل ان يكون اضافة .. مميزة .. !.
قلق الاخضر يكمن بعدم تكامل القوة الدفاعية .. التي بحاجة الى ترميم وصانع العاب فذ .. !.
الفيصلي بتعاقده مع المهاجم المميز الزوي واستقطابه لصانع العاب صربي .. يكون في طريقه الى اكتمال خطوطه ..وتعدد اوراقه .. !.
الجزيره رمم دفاعه بزيد جابر وزاد من قوة حراسته بانس طريف .. والحبل على الجرار .. !.
ماذا عن تعاقدات الاندية الاخرى .. ؟؟ .
تغزل بالفيصلي و الجزيرة و كانهم جايبين لعيبة سوبر السوبر , مهاجم درجة ثانية بقطر فسخ عقدو , و صانع العاب صربي لعب لنادي صهيوني درجة ثانية و اصلا لو فيه خير كان رجع عبلدو , و بنيجي للجزيرة هل انس الطريفي حارس سوبر !!! , هل زيد جابر مدافع سوبر السوبر !!!
يا اخوان انا كشخص الكابتن عثمان القريني بحترمو , بس بوستاتو عليها الف علامة استفهام و بتمنى يبعد عن الوحدات بالفترات الحرجة
حتى في هاي يا أخي هو لم يجامل أحد او يتغزل .. هو يتحدث من منظور رياضي .. الفيصلي عالج النواقص التي يحتاجها في خط المقدمة وصناعة اللعب والجزيرة كذلك بمدافع وحارس رديف لعبدالستار وهو يتسائل ان كانت تعاقدات الوحدات عالجت نواقصه !!
بعيدا عن عدم اعجابي بشخصيته الا انني لا ارى من خطأ في كلامه ..
لنكن منصفين ..
اخي خالد
هل الزوي مهاجم ممتاز !!!! لو كان كذلك ليش يترك اموال الخليج و يجي ب 27 الف دينار يلعب بالاردن و هو على قرارة بانو لن يحصل نصفهم كون على دراية بما يفعله الفيصلي باللاعبين .
بنيجي للصربي ,,, من اول الموسم و الجميع بيقلك صفقات الفيصلي سوبر و رح تحرق الموسم حرق , و بالاخير شهر او اثنين و اللعيبة بدها تفسخ عقدها مع النادي او النادي فسخ عقدو مع اللعيبة .
بخصوص لاعبنا الجديد احمد ماهر , اللاعب قلبو و دمو وحداتي و ترك عرض من الكويت ب 200 الف دولار و وقع معنا , و هاي دلائل انو رح يكون اضافة رائعة و ممتازة للمارد .
بس السؤال :
ليش القريني بختار المواعيد الخاطئة لكتابة كومنتاتو ؟؟؟!!!
فريقنا بيعيش باستقرار بنتمناه من سنوات , ليش نعكر صفو هالاستقرار , و احنا ما صدقنا على الله نشوف شوية من ريحة الوحدات ايام زمان .
معناتو ما حداش يلوم عودة الدولة ولا خالد الخطاطبة ولا أمجد المجالي ولا غيرهم ..
= = = = = =
وبكل تجرد وحيادية ، فأنا أكنّ كل الاحترام والتقدير لهؤلاء الأشخاص ، ومن ضمنهم وأولهم عثمان القريني .. لكنني ، ما زلتُ أقول - وهي حقيقة وواقع - الكابتن عثمان القريني بيزيدها وبيبالغ !.
انا اتكلم عن نفسي اخي العزيز
الموضوع ما في شيء اطلاقاً وهو شخصيه مرموقه رياضياً ونتمنى ان نصل ان نصف ما وصل اليه
من حقه ان ينتقد وان يتغنى بمن يريد ولا تنسى اخي العزيز ان قلبه وحداتي اب عن جد وهذا ليس بغريب على الكابتن عثمان القريني الذي ترعرع على حب الوحدات
هو يتغنى بالفرق الاخرى مثل الفيصلي وفعلاً وليس كلام الفيصلي هو افضل فريق على الساحه يمثل الاردن خارجياً ولا واحد ينكر هذا الكلام
الوحدات كم مشاركه له بغير فائده ونفسنا يحصل ولو على بطوله واحده
هو يلذع الوحدات في كل البوستات الخاصه به كي لا يحاول ان يدهن ولا يحابي اي انسان ويبين عيوب الوحدات والتي ظاهره لكل المشاهدين وحتى يتم تدارك هذا الامر
على كل حال لا تقسو عليه فهو انسان خرج من قلب الوحدات وسيعود له وقلبه له ايضاً فله منا كل الاحترام والتقدير.
اخواني و اعزائي
تحياتى كيف كلامو ما فيه اشي
القرني شخصية عامة نعم ، طيب ليش ما خلى اشي عالوحدات
وين تحليلو لارتفاع مستوى المارد باخر فترة
ليش نكون مع اي واحد بدو يخلي الوحدات وسيلة للظهور من جديد
انا اعتراضي مش على الظهور المشرف بالبطولة و باي بطولة
بس على ايش استند القريني بانو سيظهر بصورة البطل ؟
اللي بحكي في كان قبل 10 سنوات
هسا في اندية قوية مشاركة بالبطولة و انديتنا بالاتحاد الاسيوي مع اضعف الفرق مش قادرة تمشي حالها .
اللي بدي اياه يبعدو عن الوحدات بهاي الفترة و كثر الله خيرهم
دايما قبل الاستحقاق الهام بتجيك المنغصات
انت حط حالك مكان اللاعب
بيحذرك من نادي و كانو ماخذ كل بطولات العالم و بنفس الوقت بتغزل بغريمك و كانو البطولة مسجلة باسمو
*** يا ريت يا اخوان نقرا ما بين السطور دائما و تحليل و ترتبط ***
سرد لبوستات القريني
قبل لقاء الاهلي بكاس الكؤوس
قبل لقاء الفيصلي بنص نهائي الدرع
قبل لقاء الجزيرة بالكاس
قبل لقاء الحسين بالدوري
و الان قبل لقاء الفريق الهندي
و العامل المشترك انو تحذير و تهويل المباريات و كانوا بدنا نلعب مع الريال و البرشا و البايرن و دورتموند
و بنفس الوقت بيتغزل بفريق بيفوز بالحكام و باخطاء الفريق الاخر
فريق جايب 11 هدف ثلثيها ضربات حرة و جزاء
معقول كلها صدف
أحسنت، هلقيت بجيب ناس بيقولوا محرووووووووق دمه على الوحدات والواقع محرووووق دمه من الوحدات. هؤلاء أولاد حارتنا يا لعيب يا خريب أو شحدني وأنا سيدك
المهم الوحدات نفسه يحقق نتائج كويسه، أذكر فطافطة قال إذا بلغ الوحدات دور ال 16 بيكون حقق انجاز كبير. على اللعيبة والجهاز الفني وضع هذا في نصب أعينهم.
وكل التوفيق للوحدات
ابتلينا